Tasherghar

Daman aur Kante (2/N)

Somewhere at Ajnabi's house....

Ajnabi: Anondo kya aap Tupak ke paas wapis jana chahengi? Toh main khud aapko pahucha aaunga... Koi sawaal nahi karunga aapse... sach mein.

Anondo: (looked outside her window at the Palm tree for a long time) Nahi... Uske paas wapis jane ke sabhi raste maine khud jalaye... saal dar saal. Uski kisi cheez pe mera haq na tha na hoga. Use bade jatan se azaad kiya tha maine... ab phir pinjre mein kaid kaise karu? Main yahi theek hu... aap par bojh nahi banna chahti. Padh likh ke itna toh kar hi sakti hu ke aapke kaam mein haath batau. Aap jo bhi kaam mere layak samjhe mujhe de, main use zarur man laga ke karungi.

Ajnabi: Kaam? ...Kaam ki jagah, agar aapse shadi karne ki ichha vyakt karu toh... woh bhi karengi? Mera toh koi nahi... itna paisa aur yeh alishaan makaan mere kisi kam ke nahi. Par aap aur aapke bohot si zarurat puri ho sakti hai inke zariye... hum abhi jaise hai hum humesha vaise hi alag alag rahenge do dost ki tarah iss ghar mein... par agar main aapke kaam aa paunga toh mujhe bohot khushi hogi... aap toh bohot se causes ke liye kaam karti hai... meri daulat aapke kaam aasakti hai... Aap apna kaam bade paimane pe kariye, apni Maa aur bhai ko achhese rakhiye aur apna jeevan jaise jeena chahti hai waise jeeye.

Main shadi ki baat bhi isiliye kar raha hu ke mujhe kuchh ho jaye toh aapko meri zameen jaydad pe pura haq mile... varna yeh jurrat bhi nahi karta...

Anondo: Main aisa nahi kar sakti. Main pehle hi aap pe bojh banke reh rahi hu itne dino se. Ab jo aap keh rahe hai usme aapka kya faeda. Aap toh khali haath hi rahe... aur phir Upen Banerjee ki beti hu main, mera khoon halke mein mat lijiye... Kabhi bhi mere ander ka andhera uthke mujhe aur mere aas paas walo ko gher sakta hai. Yeh anyay nahi kar sakti aapke saath.

Ajnabi: Aap ki jaisi ichha hogi wohi hoga... par aapko apna ke dhannya samjhunga apne aapko. Main itna buddhi vivechana ka dhani nahi jaisi ki aap hai. Mujhse shadi karke nuksaan har taraf se aap hi ka hai... Par agar aap shadi iss wajah se nahi karna chahti toh main maan sakta hu...

Anondo: Ek baat puchhu aapse?

Ajnabi: Puchhiye...

Anondo: Aap ke jaisa aadmi uss auction mein kya kar raha tha? Woh jagah toh aapke layak nahi... Kya Dost log aapko waha leke aaye.

Ajnabi: Haa ek dost ki majburi khinch layi...

Anondo: Kaisi majburi?

Ajnabi: Woh jis ladki se pyar karta tha woh bhi aise hi uss raat kahi bik rahi thi aur mere dost ko paiso ki zarurat padti isliye main uske saath chala aayaa... Main aap se mafi chahta hu Anondomoyi... Aap ko waha hataash baithe dekh maine boli lagai par main aapka apmaan nahi karna chahta tha... sach mein.

Anondo: Mujh jaisi ladki aapko kya khushi de payegi... Mujhe toh naam bhi nahi pata... iss jagah ka na aapka.

Ajanbi: Mera naam aur iss jagah ka naam dono sirf tabhi pehchaan ne ke layak honge jab aap hume apnana chahengi varna kis kaam ke?

Anondo: Mera hona na hona, agar aapko koi khushi de payega toh mujhe manzoor hai, par mujhe aap se paise nahi chahiye. Aap waise hi paise de chuke hai mere Baba ko. Yeh toh aapka badappan hai ke... (and her voice choked) meri jaisi ladki ke liye aap apna naam deke jo samman de rahe hai, yahi ehsaan bohot hai. Aap agar do ijazat denge mujhe toh meri aatma pe kuchh bojh hai woh kam ho jayega...

Ajnabi: Boliye... aapko meri ijazat ki kya zarurat?... aapke dil mein jo bhi hai boliye...

Anondo: Main dur se ekbaar apne bhai ko aur Prithu ko dekhna chahti hu... agar aap ko theek lage toh aur... aur...

Ajnabi: Aur? Aur kya Anondomoyi boliye na... ghabraiye mat...

Anondo: Khud apni psychiatrist ke clinic se paise kamake aap ke paise dheere dheere loutana chahti hu... main pure paise kab tak louta paungi pata nahi par... koshish karna chahti hu.

Ajnabi: Mujhse shadi ke baad mera jo kuchh hai woh aapka hi hoga toh usme se louta dijiyega... Kama ke loutana zaruri toh nahi. Main aapko kam karne se nahi rok raha hu par iss rakam ko apne sar ka dard mat banne dijiye... Aapka itna toh adhikar mujhpe banta hai... Ya aapko dar hai ke main kabhi aapko in paiso ke liye tana marunga?

Anondo sat there quietly not saying anything but looking so devastated that Ajnabi decided to keep quiet.