سلايف آخر زمن

المقدمه

اولا قبل اى شئ احب اشكر الجميله  امانى على الغلاف الرائع وعلى مجهودها وتعابها معايا فى علشان يطلع كده 😍😍تسلم ايدك

إعلان عن القصه الجديدة فى تفاعل ولا اخد قصتى وارجع بيها تانى .....القصه هتنزل اول ماخلص قصه تائه خلال أسبوع باذن الله عايزه تفاعل من نار وتشجيع علشان انزلها

مقدمه سلايف آخر زمن
بقلمى هايدى محمد ممنوع نقل القصه بدون علمى
اللهم صلى وسلم وبارك على أشرف خلق الله سيدنا محمد

فى بدايه كلامى اقول الكل مركب السلايف 😂😂كلنا عارفين المثل ده يلا بينا ندخل حرب  السلايف مع بعضها والوشوش والاقنعه المزيفه يلا ياست معايا ندخل البيت ونعرف اسراره وكمان الاعيبه 😉اصل معانا كتير اووى من الحوارات
كل البيوت فيها أشكال والوان فى الحب والخناق والزعل والحياه والموت كل بيت مقفول عليه الف باب وبره مايعرفش حياه إللى جوه دى حياتنا واحنا بنعشها كلنا فينا نواقص كلنا مش كاملين ولو كل واحد مننا ينظر للجانب الناقص عمره مايبص لحاجه غيره ولا يتمناها لنفسه النواقص كتير جوانا العين والحسد ممكن من قريب وممكن من غريب
الحياه فيها كل حاجه من حلو لوحش من ضحك لبكاء كل شئ وعكسه ليه نوقف نفسنا عليها

حياتى ماتخصش حد غير نفسى انا مبسوطه لنفسى حزينه لنفسى كل واحد مش هايجى يشيل عنى انا بشيل هم نفسى

هدى::يابنتى اسمعينى هاتعرفى كلامى
سمر::والله ياهدى عارفه كلامك ماحدش مرتاح والناس كلها بقت وحشه وانانيه وحقوده
هدى::يالهوووووى من سلفتى دى انا تعبت منها ومن لسانها إللى عايز قطعه قرفانى فى عشتى فى الطلعه والنزله
سمر::بعصبيه يعنى ايه قرفاكى هاتيها من شعرها بنت...... دى
هدى::بحزن ماتنسيش انى غريبه وهى قريبتهم هايقفوا فى صفها
سمر::وجوزك
هدى::مسسسم جوزى مكبر دماغه من كل حاجه خالص ولا ليه دعوه بحد
سمر بعصبيه زياده::يعنى ايه هاتيها انتى من شعرها وهى هاتتلم عنك وتبعد اصل فى نوع مش بيجى غير بقله الادب

هدى::يالهوى انا اعمل كده بقولك ايه انا هاقفل علشان حماتى بتنادى عليا سلام

لتغلق الخط وتذهب إلى خارج شقتها وتنزل الى الطابق الارضى
(فاالمنزل مكون من 6 طوابق الارضى للحماه والتانى للولد الكبير والثالث للى بعده والرابع للى بعده والخامس نفس النظام والسادس لسه لانه ماخطبش )
لتنزل مسرعه
هدى::نعم ياماما
ام عدلات::مسسسسم كل ده ياختى علشان تنزلى كنتى بتعملى كله ده وانتى عارفه ان فى مواعين عايزه تتغسل
هدى::بتوتر من لسان ام عدلات ....والله ياماما دى اختى كانت بتكلمنى
ام عدلات بصوت عالى::اااااه اختك ماحنا فاضين بس للمسخره والسفاله
هدى::ياماما
...........
استووووووب
السيده ام عدلات الحما_سيده فى ال50من عمرها لديها 6 من الأبناء الاولى عدلات وهى عندها 35 سنه ومتزوجه ولديها 3 اولاد وبنت متزوجه من 17 سنه _الثانى محمد فى 33 من عمره متزوج من فاطمه ولديه ولد وبنت متزوج من حوالى 8سنين_ خالد فى 30 من عمره ومتزوج من هدى ولا يوجد لديه اطفال متزوج من حوالى 3 سنين _ سامح فى 28 من عمره متزوج من هدير ولديه بنتين متزوج من 5 سنين  _مصطفى فى 26 متزوج من  امنيه وزوجته حامل متزوج من سنه  -احمد خاطب هايدى وفى ال24 من عمره
الحج مسعود والدهم فى ال60 من عمره

لحد هنا واستوب اكيد القصه مش هاتتكلم عن الحما لاااااا دى بتتكلم عن السلايف وبرضوا الحما بس الاضائه والانوار كلها على السلايف مين منتظرنى فى اولى حلقاتى من سلايف آخر زمن