سلايف آخر زمن

الحلقه12

♧الحلقه12♧بقلمى هايدى محمد.
•صلى الله وسلم على سيدنا محمد.
▪سلايف آخر زمن🙆
•الصلاه مفتاح الحياه

رنا::ندى
ندى::بابتسامه عامله ايه ياوحشه بقى كده ماتساليش
رنا::ها اتفضلى الاول وبعدين نتكلم جوه
لتدخل ندى مع رنا ويجلسوا
ندى::بقى كده اخص عليكى
رنا::معلش ياحبيبتى كنت تعبانه اليومين اللى فاتوا بقولك ايه استنى اتصل بالبت اطمن عليها
ندى::ماشى ياحبيبتى

لتذهب رنا مسرعه الى غرفه نومها وتقوم بالاتصال على .....ليرد عليها ايوه ياحبيبى بقول ايه معلش ندى هنا اول ماتنزل هاتصل عليك ماشى حبيبى سلام
ثم تغلق الخط وتخرج إلى ندى

رنا::ليكى وحشه ياندى والله
ندى::انتى اكتر عرفتى الجديد ياختى
رنا::لا والله ايه حصل
ندى::حماتك تعبانه ووفاء خدتها عندها
رنا::احسن برضوا ياختى إللى يشوفها وهى عايشه دور الطهره الشريفه وقال الله وقال الرسول مايقولش انها مدوراها

(كتير مننا لما بيشوف حد احسن منه بيحاول يلوث سمعته حتى لو ايه كتير مننا بقينا نسمع  كتييير يلوثوا سمعه المنتقابات والمتدينات بكلام لا صح له كلام الناس هى التى تقوم بصنعه كلام ضد دينك ايا كان دينتك ايه ماتخلوش حد يغلط فيه ماتسمحوش لحد يقلل من رساله رسولك ونبيك )

ندى::والله الواحد واخد فيها مقلب ومنين ماتقعدى معاها تقولك حرام وحلال ياختى يلا نيله
رنا::ياختى ناس شفوها وهى نزله من عربيه واحد  فى الشارع إللى وراهم ده ربنا يسترها علينا
ندى::ياختى احنا متربين مش زيها يلا ان شاء الله ربنا يفضحها
رنا::يارب ياختى يارب
ندى::اسكتى يارنا ده انا مقهوره

رنا::خير ياحبيبتى
ندى::رحيم مش على بعضه ومش بقى يسيب التليفون من ايده خايفه تكون لفه عليه واحده من اياهم
رنا::ياختى جوزك مش كده جوزك مالوش فى الكلام ده
ندى::بحزن امال ايه بعد عنى وبقى كل حياته التليفون مش عارفه اعمل ايه
رنا::ياحبيبتى اكيد فى حاجه ولا بيكلم حد تبع الشغل
ندى::لا يارنا قلبى بيقولى ان فى حاجه مش مطمنه
رنا::ياختى المهم انه فى آخر الليل فى بيتك وجانبك يبقى كبرى دماغك
ندى::ياختى ازاى أكبر دماغى يعنى يخونى واسكت
رنا::لو اتكلمتى بيتك هايتخرب مش بعيد يرميكى علشانها انتى وعيالك ووقتها اهلك مش هايعرفوا يصرفوا عليكوا وغير كده كمان وقتها هاتتذلى لكلاب السكك علشان تشتغلى وتكفى مصاريف عيالك
ندى::كلامك صح بس دى خيانه
رنا::مش هاعيد وازيد فى الكلام ياختى طول ماهو عارف انك مش عارفه هايخاف منك ويعملك الف حساب لكن لو عرفتى هايبقى امر واقع ويبجح  وقتها وانتى عارفه الرجاله وطبعها
ندى ::بتفكير والله كلامك مقنع بس قلبى وجعنى اوووى يارنا والله عملت ايه علشان يخونى لا انا وحشه ولا حتى مش نضيفه

رنا::شوفى انتى ناقصك ايه خلاه خرج من تحت طوعك شوفى ايه بتعمليه وعيدى حساباتك من جديد يمكن تكونى حاجه منك واقعه
ندى::المهم  انتى عامله ايه والعيال
رنا::الحمد لله ماشى الحال والله ياختى تعبانه من غير جوزى 
ندى::الله يكون فى عونك الست لو ملاقتش اهتمام وقتها بتبقى بتموت كل حاجه فيها ربنا يهديهم
رنا::اه يارب 
ندى::انا هنزل بقى علشان الحق اخلص اللى ورايا
رنا::اديكى قاعده
ندى::لا معلش وقت تانى سلام عليكم