سلايف آخر زمن

الحلقه5

♧الحلقه5♧بقلمى هايدى محمد.
•صلى الله وسلم على سيدنا محمد.
▪سلايف آخر زمن🙆
•الصلاه مفتاح الحياه

امنيه::وهى تقترب منه نعم ياسامح
مصطفى::انت ضربت مراتى ياسامح علشان مراتك
ليرفع يده ليضرب امنيه ولكن يد سامح تسبق ويمسك يده

سامح::انت اتهبلت يامصطفى
مصطفى::وانت من الرجوله لما تمد ايدك على مراتى انت ومراتك وكمان لا مايصحش عايز تسقط مراتى وابوك وامك كانوا فين ولا هما كمان كانوا بيتفرجوا على مراتى

ليسمع صوت من خلفه انت قولت ايه ياولد

مصطفى::بصوته العالى وعصبيه يعنى مراتى تنضرب وكانت هاتسقط وماحدش فكر يروح معاها ولا حتى يحوش عنها
سامح::مراتك ماحدش لامسها غيرى انا وهى إللى ضربت مراتى بالشبشب على وشها هى وامها يااستاذ يامحترم ياللى صوتك بيعلى على اخوك الكبير
هدير::من جانب مصطفى::كذاب انا مضربتهاش هى إللى رشه مايه فى الأرض قدام الشقه وانا كنت بهزر انا وماما وهى خرجت تجر شكلى وكانت هاتوقعنى من على السلم

امنيه::ببكاء انا عملت كده انا
هدير::ايوه ياختى اعملى الشويتين بتوعك دول علينا بلاش شغل الحريم الارشانه ده عليا

سامح::احترمى نفسك انا لولا انى محترم وجود ابويا كنت علمتك الادب
هدير::وهى تمسك يد مصطفى شوفت شوفت  اخوك المحترم عايز يضربنى

مسعود::بصوته العالى اخرسوا كلكوا وكله يجى ورايا على تحت بسرعه

لينزلوا جميعا خلف مسعود ويدخلوا الشقه

ليجلس الجميع ويتحدث مسعود

مسعود::امنيه احكى حصل ايه
هدير::وليه هى تحكى ماحكيش انا ما هى الشريفه صحيح
مسعود::بعصبيه انا قولت ماسمعش صوت وكل واحد هايحكى

امنيه::قصه كل ماحدث وفى نهايه حديثها والله ياعمى ده كل اللى حصل
مسعود::احكى ياهدير
هدير::هى كدابه انا كنت نزله انا وامى ولاقينا مايه وبهزر انا وماما طلعت هى ضربتنى وكانت هاتوقعنى من على السلم ولما جيت اضربها سامح ضربنى

مسعود::بس انتى فوق ماقولتيش انك كنتى هاتضربيها
هدير::بتوتر ا ا اصلى نسيت
مسعود::سامح انت ازاى تمد ايدك عليها وازاى ماترجعش لاخوك وهو يتصرف معاها

سامح::بصوت هادئ وادب .....ياحج حضرتك انا طالع ماكنش فى حد فى البيت حتى امى كانت عند الجيران طلعت لاقيت صوت زعيق لاقيت هدير ووالدتها ماسكين امنيه وهدير بتضربها بالشبشب على وشها ماعرفتش اتصرف غير كده انا غلطت بس كان لازم حق مراتى اخده لما تتهان فى بيتها

مسعود::تقوم تتاسف لاخوك حالا
سامح::حاضر ياحج ليقف ويذهب باتجاه اخوه ويقبل راسه ليبعده مصطفى بيده عنه
مسعود::اخوك بيتحقكلك وانت تزوقه
مصطفى::ايوه ازوقه وزاى ماضرب مراتى اضرب مراته هو ده اللى يخلينى اسامحه غير كده لاهو اخويا ولا عايز اعرفه