سلايف آخر زمن

الحلقه7

♧الحلقه7♧بقلمى هايدى محمد.
•صلى الله وسلم على سيدنا محمد.
▪سلايف آخر زمن🙆
•الصلاه مفتاح الحياه

لتخرج لترى سامح ولكنها لا تراه لتخرج من باب شقتها وقبل أن تنزل السلم تحس بيد تدفعها من على السلالم لتقع امنيه وهى تصوت لحد مانزلت امام شقه فاطمه ليجرى الجميع على صوتها ويرى ماذا يحدث

سامح::وهو يقترب منها ويرى الدماء تنزل من وجهها ومغرقه ملابسها ليحملها بين صويت عدلات وام عدلات على مظهرها لتخرج فاطمه وتراها

فاطمه::يالهووووووى حصل ايه وايه الدم ده
عدلات::مش عارفين احنا سمعنا صويت طلعنا لقيناها كده
سامح::وهو ينزل بسرع ويخرج وهو حاملها ليرى امامه جاره ومعه سيارته ليرجوه ان ينقله هو وزوجته إلى المستشفى
سامح::وليد الله يباركلك الحقنى وصلنا لحد المستشفى
وليد::طيب اركب بسرعه ياسامح ربنا يسترها ان شاء الله

ليذهبوا إلى المستشفى ويدخل سامح وعلى يده امنيه وخلفه جاره ليذهب إلى غرفه الكشف حتى يتفحصها بعض الاطباء ويقف فى الخارج سامح ووليد

وليد::خير باذن الله ياسامح
سامح::يارب أنا مش عارف ايه اللى حصل ده
وليد::ربنا يشفيها باذن الله ومايضرك فيها ابدا
سامح::امين يارب امين

ليخرج الدكتور ليذهبوا اليه
سامح::طمنا يادكتور
الدكتور::حضرتك المدام كانت حامل وللاسف لانه كان فى اول الأشهر نزل الطفل وكسر فى رجليها اليمين ودراعها الشمال
سامح::.....
الدكتور::الحمد لله مافيش اى كدمات داخليه كله خارجى بس ده مش انزلاق ده حد زاققها
سامح::ازاى اكيد فى حاجه غلط طيب هى فاقه
الدكتور::هى قدمها ساعه وتخرج معاك عادى بس سبها شويه ترتاح
سامح::بحزن شديد شكرا لحضرتك

ليذهب الدكتور ويجلس سامح وبجانبه صديقه وليد
وليد::قول الحمد لله انها جات على قد كده
سامح::الحمد لله دى مافيش حد يقعد بيها لا ام ولا اخت ولا اب
وليد::معلش خد اليومين دول اجازه وبعدين دى محلتكوا ياسامح
سامح::ربنا يسهل
وليد::يابنى خلى بالك منها وحافظ عليها مراتك امانه فى رقبتك هاتتحاسب عليها فى كل حاجه حتى مشاعرك دى اللى ممكن تداريها عنها هاتتحاسب عليها علشان الست بتحتاج كل كلمه حلوه علشان تقدر تقاوم تقدر تكمل ربنا جعلنا احنا اقوى منهم فى كل حاجه بس من غيرهم ولا حاجه امك اه الحنيه وهى الدنيا لكن مراتك هى نفسك إللى ممكن تتحرج من امك تقلع قدمها لكن قدام مراتك عادى هى عكازك وانت عكزها

سامح::ببكاء عندك حق فى كل كلمه بتقولها وهى شايله فوق طاقتها من بيت عيله لعيال لطلباتى وطلبات بيتها

وليد::بابتسامه عارف ياصحبى الست دى كائن غريب هههههههه ماتفهملوش حاجه مره نكدى ومره تانيه تحسها طاقه من الفرح ومره تحسها عايشه دور الام ومره تلاقيها مجنونه الست عمود عمود كل راجل عمود كل بيت الست هى الفرحه والبسمه رغم جننها ونكدها الا اننا مانقدرش نستغنا عنهم
سامح::بابتسامه صحيح والله كائنات فضائيه غريبه تفرح تعيط تزعل تعيط هههههههه