سلايف آخر زمن

الحلقه18

♧الحلقه18♧بقلمى هايدى محمد.
•صلى الله وسلم على سيدنا محمد.
▪سلايف آخر زمن🙆
•الصلاه مفتاح الحياه

لتغلق الخط
ندى::ها قالتلك مين
ام حماده::بتقول اسمها ام سمسم
ندى::باستغراب سمسم مين
ام حماده::وانا اعرف منين ياختى
ندى::بتفكير ياترا مين دى انا هتجنن
ام حماده::ماتقوليلى الحكايه يمكن افيدك

تقص اليها ندى كل مابداخلها من شكوك اتجاه زوجها وحديث جارتها الاخرى عن ذهاب زوجها إلى زوجه اخيه وكل ماحدث بينها وبين جارتها الاخرى

ام حماده::بصراحه ياام سلسبيل الأمر محير اووى وفى شكوك طيب ياختى اقولك حاجه علشان مانظلمش حد
ندى::قولى بسرعه طيب اصلى هاتجنن
ام حماده::شوفى انتى حاولى على قد ماتقدرى ماتحكيش قدام سلفتك دى عن شكوك فى جوزك وكمان رقبى تليفونه ايوه ياختى هو ده اللى هايجبلك الصح وبعد كده تمسكى دليل وتروحى  نقلاه على تليفونك ولو كان بيروح لها من وراكوا شوفى المعاد اللى بيبقوا متفقين فى مع بعض وتنطى ليهم بس يكون معاكى اخواتك الرجاله لحسن يلبسوكى مصيبه فاهمه

ندى::بتفكير تفتكرى 
ام حماده::الزمن ده بقى مباح فى كل حاجه بقى الاخ ينهش فى اخوه وفى عرضه زاى الغريب ويمكن الغريب يبقى ارحم من الاخ الناس اتقل الخير جواها الا من رحم ربى الاخ بقى يستكتر العيشه على اخوه والاخت تنهش فى اختها اسكتى والنبى وخلينى سكته ياندى

ندى::مالك بس ياختى احنا مش اصحاب احكيلى ايه مزعلك
ام حماده::بحزن إلى مزعلنى كتير الى مزعلنى اهلى الى لو اتكلمت كلمه يبقى هاتنزل فى حجرى
ندى::ليه بس حصل ايه
ام حماده::حصل ان اختى ربنا يبارك لها فى عيشتها وجوزها وولادها حالتهم مرتاحه وانا انتى عارفه حالتنا ماشيه بالزق والحمد لله ده كله ارزاق تيجى بقى هى تفضل تقولى ده انا نزلت جبت هدوم ب3000 جنيه وللعيال مش عارفه بكام ده البرفان بتاعى اغلى من اللبس اللى بتجبيه لعيالك ده احنا بنرمى اللحمه والفراخ وانتى ياعينى مستحمله الاكل ده ازاى انتى ازاى كده وتفضل بقى تقولى ايه انتى مابتجبيش لنفسك هدوم ليه انتى عره فى نفسك ليه واللى زاد بقى ان امى بقت تعايرنى زايها وتقولى شوفى اختك جوزها مهنيها مش شحاتها مستنيه اهلها يجبولها اللحمه اللى مش بتشوفها غير كل فين وفين

ندى::معقول ياام حماده ده يحصل
ام حماده::ببكاء والله واكتر عارفه اختى من يومين لاقتها بتتصل بيا تقولى اصل انا تعبانه وكلمت البنت اللى بتيجى تساعدنى كل فتره دى فى البيت لاقتها عندها ظروف مش هاينفع تيجى قولتلها وماله خلاص فكرت فيكى تيجى تساعدينى مكانها واللى كانت هاتخده انتى اولى بيه .......وقتها صعبت عليا نفسى اوووى يعنى عايزه تخلينى اخدمها علشان محتاجه للدرجه دى

ندى::يمكن مش قصدها
ام حماده::لا قصدها عارفه ياختى كل ماهدوم عيالها تصغر تجبلى الهدوم لعيالى وبعدها تطلب اروح اعملها اكل يكفى شهر وانظف فراخ وجيبالى فراخ اربيهالها وكل فتره تقولى ابعتيلى قد كده فراخ ونظفيهم وانظفهم ووالله ماتفكر تقولى خدى فرخه لعيالك وامى اروح انظف الشقه ليها وأعملها اللى ناقصها وبعد ماخلص تطلع 100 جنيه تقولى خدى حق تعبك