سلايف آخر زمن

الحلقه17

♧الحلقه17♧بقلمى هايدى محمد.
•صلى الله وسلم على سيدنا محمد.
▪سلايف آخر زمن🙆
•الصلاه مفتاح الحياه

ليجلس امامهم مسعود ومعه محمد
ام هدير::ياحج اعمل حساب العيش والملح اللى كلنا مع بعض
محمد::وانتوا ماعملتوش ليه حسابه لما اتباليتوا على اخويا انه سقط بنتك بس سبحان الله انقلب السحر على الساحر وبدل ماتوقع اخويا فى مصيبه وقعت هيا فيها واهو الكشف الطبى عرف انها عمليه اجهاض مش بسبب الضرب زاى ماقالت
ام هدير::ياحج اسمعيل طيب نحلها ودى
مسعود::بنتك تتنازل عن قضيه الضرب
محمد::وتتنازل عن كل حاجتها ووقتها احنا نتنازل عن قضيه السرقه لكن موضوع الاجهاض ده هى إللى وقعت نفسها بغبائها وغلها وحقدها فى مالناش فى
ام هدير::وماله ياخويا وماله
مسعود::شايك ياام هدير
ام هدير::لا تشكر ياحج سلام عليكم
لتذهب ام هدير وهى تلعنهم وتسبهم فى سرها

مسعود::يابنى ليه ناخد حق مش حقنا
محمد::يابا دول لازم يتربوا مش كفايه قتلوا ابننا ده ادب ليهم
مسعود: :ربنا يسترها يابنى
محمد::بقولك ياحج
مسعود::نعم يابنى
محمد::مراتى التانيه هاتيجى من بكره تقعد معانا فى البيت
مسعود::والله يابنى ماعارف اقولك ايه بس بلاش تظلم حد علشان ربنا مش بيحب الظلم
محمد::باذن الله مافيش ظلم بس حضرتك عارف إللى فيها وكمان كان لازم اعمل كده من زمان اووى
مسعود::ربنا معاك ويسعدك يابنى ويسعدك فى حياتك
محمد::امين يارب بعد اذنك علشان اشوف العمال اللى بيطلعوا العفش
مسعود::روح يابنى
ليذهب محمد ويجلس مسعود يدعوا لاولاده بالسعاده ليدخل عليه رجل من سنه
الحج سيد::السلام عليكم ياحج
مسعود::عليكم السلام ياحج سيد اتفضل نورتنا والله
الحج سيد::والله ياحج وحشتنى قولت اجى اسال عليك
مسعود::فيك الخير والله ياحج قولى صحيح هدى عامله ايه
الحج سيد::اتجوزت من يومين ربنا يهدى سرها
مسعود::بجد ربنا يسعدها بنت اصول وعمرنا ماشوفنا منها حاجه وحشه
الحج سيد::بصراحه ياحج ابنك خسرها خالص
مسعود::ماتعرفش الخير فين ياحج وبعدين ده نصيب بس الحمد لله
الحج سيد::انا جايلك ياحج فى موضوع الحجه ام هدى هى اللى بعتانى
مسعود::علشان فلوس بنتها
الحج سيد ::لا ياحج علشان تبعد خالد ابنك عن هدى بيتصل بيها يهددها ياحج
مسعود::بغضب خالد بيعمل كده والله لاربيه من جديد
الحج سيد::معلش ياحج بس انت عارف الواحده ملهاش غير سمعتها وهى ماتستهلش منكوا كده
مسعود::عارف ياحج وقولها تطمن وخالد صفحه وانقطعت ولو على فلوس العفش بتاعها انا هابعتهولها فى اقرب فرصه
الحج سيد::ربنا يوسع عليك بالاذن انا بقى
مسعود::لسه ماشربتش حاجه
الحج سيد::مره تانيه سلام عليكم

ليذهب إلى خالد وينادى عليه ليذهب خلفه
مسعود::وهو يجلس اقعد ياخالد
خالد:: وهو يجلس نعم ياحج فى حاجه
مسعود::ايه اخبار هدى
خالد::بارتباك وانا اعرف منين
مسعود::ماتعرفش انها اتجوزه اول امبارح خلاص
خالد::ليتغير لون وجهه وتبرز العروق فى رقبته ويده ويتغير تبره صوته للغضب ....لا ماعرفش ياحج
مسعود::شوف ياخالد يابنى البنت عاشه وسطينا بكل ادب واحترام رغم انها اتحملت كلام كتير من امك واتهام فى شرفها من مرات اخوك وشكك فيها وطريقتك الوحشه معاها وسكتت وكتمت جواها اهنتها وسكتت صبرت عليك فى مرضك بدل السنه اتنين وتلاته وغيرهم ومافتحتش بوئها ولا قالت سرك لحد وفى الاخر انت اللى رمتها انت اللى غدرت بيها مش هى يبقى كفايه عليها منك كده ده مش جزائها يابنى منك سبها تعيش حياتها وربنا يباركلها فى جوزها الجديد وانت دور على حياتك وكفايه غباء