#حبيبتي_منقبة_💜
الحلقة 4
يارا:جيت بنطلع نسمع ف صوت حد ينادي فيا شفت وراي لقيت قيس
قيس:عفوا يارا بنسئلك ع حال صحبتك انشاءالله بخير
يارا:الحمدالله بخير
قيس:ممكن تعطيني رقمها
يارا:اه لي ليش قصدي منقدرش
قيس:اوك تمام اسف ع الإزعاج
يارا:لا عادي اوووووف شن يبي هذا فوق ما ضاربها ب سيارتة يبي رقمها وينك ي مراد
اني:كنت راقده ع سريري ونتفكر في قيس كيف صار سبحان الله رجعت شفته ياترا خاطب او مرتبط او لا
اووووف شن دخلي فيه توا اكيدا يحب ولد ب فلوسة وشكلة اكيدا مرتب خلي نوض ندير لغدي
نضت دخلت للمطبخ درت طاجين حوت ماما تحبه حطيته في الميكرويف وطلعت نتفرج ع التلفزيون
ماما:الله الريحه حلوا طالعه ريحتها لشارع يسلم يدياتك ي بنيتي
اني:الله يسلم ي ماما يلا غسلي وصلي وتعالي قريب يطيب
ماما:تمام ي بنتي
اني:دخلت للمطبخ وبديت نحط في الصحون ع الطاولة وتفكرت اني معاش مسيت للمحل وقررت نمشي غدوا بعد الجامعه
ياسمين:الو قيوسي 😍 استحشتك شن رايك نطلعو غدوا لسوق
قيس:وانا مستاحشك ي قلبي اوك نمشو غدوا ولي تبية اني فيه
ياسمين:تمام حبيبي نحبك ي روحي انت نتلاقو غدوا
قيس:نموت في حبك 😘 تمام
ياسمين:نحبه ي ناس ونحب فلوسة😍
قيس:يااااارب خليها من نصيبي ولا تحرمني منها بجد هيا حياتي كلها بدونها نموت
يارا:نووووور وينك ي قرده افتحي الباب تجمدت
اني: جيت جيت قريب تجيبية ف يدك الباب ادخلي هيا
يارا:احححي تجمدت الجو برا تلج
اني:اي شن الجو اليوم
يارا:تمام نوضي خاطري ف سحلب تعرفي وقته الجو برا صقع
اني:ههههه همك ف بطنك وياريت سمينة 😂
يارا:ونبي😒 بتمشي ولا انوض ندير بروحي ومانحسبكش 😏
اني:لا عاد نايضه دخلت ندير ف سحلب ونهدرز ف يارا من المطبخ وعيا ف صالة درته وجبته معاي هي تفضلي ي سنيوره
يارا:الله ريحته تقتل 🤤
اني:صحتين ي عمري احكيلي شن درتي اليوم ف الكلية
يارا:مشيت خديت محاظراتي اي وسجلتلك المحاظره وفي من بينهم محاظرة الدكتور الجديد ح تعرفية لأن صوتة غريب علينا
اني:تمام
وقعدنا نهدرزو
مراد:ي حلوا وينك اليوم مغيبة عليا
نسرين:قاعده غير تعبانه اليوم
مراد:بخوف خيرك حبي
نسرين:شكلة برده
مراد:انشاءالله لاباس حبي
💛 الكاتبة بنوتة الحعفري 💛
يوم جديد ع ابطالنا 💜
نضت الصبح غسلت وطلعت صليت ولبست صباح الخير ماما
ماما:صبح الورد ع بنيتي تعالي افطري هي
اني:تأهرت ي ماما وقت عليا مراد يستنى
ماما:غير خودي السندوتش هذا كولية لي الطريق
اني:لا ي ماما مش لازم هي باي دعواتك ي نبع الحنان 😘
ماما:ربي يعاونك ويفتحلك كل طريق مسكره
يارا:اووووف ي نور وينك
اني: طلعت ونشوف في مراد برا في السيارة
يارا:اهي جت واخيراً
اني:صباحو روري صباحو ميمي
مراد:مصح وجهك تشوفي فيا بنت توا 😒
اني:😂😂😂 امشي امشي وقت
يارا:😂😂 تستاهل
وصلنا مراد للكلية ومشي لشغله اوووف يارا هيا وقت ع المحاظراه
يارا:غير استني شوي ندير وشاحي
اني:يااااربي 😫 المحاظره ضاعت
يارا:وووك منك امشي قدامي هيا😒
اني:ههههه هكي تبي مشينا حظرنا محاظراتنا وطلعنا
يارا:شن رايك نمشو للكفتيريا فيها طروف 🤤
اني:تحشمي ي كلبه
يارا: ههههه نبي نشوف الأشقر هيا
اني:يارا بلا جو تعرفيني منحبش الكفتيريا وسريبها
يارا:نوضي نوضي ناخدو كريب ونرجعو
اني:ي قلبي كريب هيا نوضي لكن استنى بتدخلي تاخدية وبنطلعو فاهمه
يارا:تمام غير هيا عفوا نبي 2 كريب وعصير طبيعي
الولد:تمام شوي بس
يارا:اوك احححح محلاه 🤤🤤 ماي هارت تفترش ي كبدي 😍
اني:غير راك ادوبي بس 😂
يارا:تي دبت وفات 🤤😂
اني:قربت منها وقرصتها يارا ي قرده اصحي ع روحك 😂
يارا: اييي محرها ي كلبه 😭 متخليش الواحد يحلم عارفه مش ح نكلم حد اني بس خليني نشوفه يحليلي يهبل 😍
اني:🤦🏻♀️
الولد:تفضلي 😊
يارا:اه شكرا ودفعت وطلعت اني ونور
نور:ارتحتي توا 😂
يارا:اي 😌 كولي كولي يهبل 😍
اني:هههههه والله ماليك حلو انتي قعدنا ناكلو ويارا كل شوي تنعجب ب ولد 😂 اي هي مراد يتصل
يارا:هي
مشينا ركبنا في السيارة مراد وصلني ع المحل
مراد:تمام بس لمتى بتقعدي تشتغلي
اني: انت عارفني نساعد في ماما منبيش نبطل منها
مراد:بس انتي عارفه لو تعرف عمتى هاجر ح تزعل منك
اني:مش ح تعرف لو انت مقلتش 😌
مراد:انزلي وصلنا ي همي 😒
اني:يسلمو ميمي 😁😉 ونزلت نجري 😂
مراد:كلبة 😥
يارا:ووووك ي بطني تستاهل 😂😂😂 امشي امشي جعانه بنموت
مراد:هاهاها مبردك الزفت نبي نعرف الماكلة ل تاكلي فيها وين تمشي بس😒
يارا:اللهم لا حسد 😏
اني:نزلت وتأسفت من المدير وبديت نشتغل قدت نسعر في الملابس وهكي لين سمعت صوت كأني سامعاته قبل رفعت راسب وجو عيوني في عيونه 😳 قي قيس شن يدير اهني وسمعت صوت بنت معاه وكانت تدلع علية 🤦🏻♀️
عرفتها حبيبته او مرته نزلت دمعتي ومسحتها
قيس:كنت ندهور اني وياسمين لين دخلنا للمحل تبع ملابس بنات ياسمين قالت بنشري حاجات تخصها واول ما دخلت لاقتني بنت لابسة نقاب قلبي يقول هيا وعقلي يقول بنت تانية المهم ياسمين بدت تقيس في الي خداته في حجرة القياس واني ستنيتها قعدت نهدرز مع مدير المحل لين تكلم وقال اسممها
المدير: ي انسة نور تقدري تجي تساوي الرف هذا
نور:حاظر
قيس:نصدمت 😳 لما قال نور زعما هيا لا لا بلكي تشابه اسماء بس درت روحي عادي وشوي
يارا:مراااااد نوض عيا بنروحو ب نور وقت عليها
مراد:اخطيني ي فرخه 😴😴
يارا:ياعن شكلك والله لما نوريك مشيت جبت طاسة فيها امية مسقعة وبزعتها علية ويجي واقف ويعيط 😂😂😂😂
مراد:ي بنت ال وربي لما نعدمك ي زفته 😡 ونطت نجري وراها
يارا:ووووك عليا ي ماما تعالى ل ولدك الثور بيقتلني 😭😭
ماما:درق وجهك ي فرخ تستاهل امشي البس نور تستنى وحرب تقرب من يارا نهارك احرف 😒
يارا:بعلامة نصر في وجها تستاهل 😝😛
اني:كنت نساوي ف الرف و عيون قيس محولهمش من عليا
قيس:عيوني مقدرتش نحولهم من عليها وكنت ندكر ف زمان لما نلعب فيها نضت من سرحاني ع صوت ياسمين شن بتاخديهم
ياسمين:بتجعوين اي حبيبي بناخدهم
قيس:تمام
ياسمين:اوووف مقلهم لي هكي ع اساس محترمة ولابسة نقاب متأكده انها مدايره العار ي قيس
قيس:معجبنيش كلام ياسمين ياسمين احترمي نفسك البنت مجتش شورك
يارا:السلام عليكم نور مزلتي
قيس:لما دخلت يارا تأكدت انها نور
اني:تمام حتى اني خلصت كنت نتكلم وعيوني ف قيس خديت شنطي وستأدنت من المدير وطلعت
قيس:ها شن تميتي
ياسمين:اي هي
قيس:خلصت ع ياسمين وطلعنا مشينا للقهوه
يارا:مراد😍 وراس وخيا ترفعنا للكرنيش
مراد:هههههه تمشي وترجعيلي 😏
يارا:ع اساس عندي غيرك توا 🙄
اني:كنت نسمع فيهم وخلاص لأن ضايقتمن كلام البنت ليش الناس يحبو يحكمو ب مزاجهم قعدت نفكر ونفكر ملقيتش حل نزلت دمعتي نفس العاده مسحت عيوني وقلت ل مراد يحطني في الحوش تعبانه
مراد:بخوف 😥 ليش فيك شي
اني:لا بس راسي صداع بس
يارا:كنت عارفه انها تكدب بس سكتت
روحنت للحوش واول ما فتحت الباب ننصدم 😳 .....
تمت💛
اسفة ع التأخير كان عندي امتحان ومقدرتش انزل امس 😊 نتلاقو مع س 2 في الليل بنزل الحلقة 5 😘
