#حبيبتي_منقبة_💜
الحلقة 14
اني:رقدت ماما ف سريرها وجيت طالعه لكن حسبت حد جبدني من يدي وتفاجأت لما نشوف 😳
ياسمين:انتي قداش مره نبهتك تبعدي ع قيساه تكلمي 😡
اني:اوووووف ممليتيش قيس ميهمنيش فاهما 😒
ياسمين:تحسابيني منعرفش انك تحبيه 😏
اني:تفاجأت شنو 😳
ياسمين:اي نعرف انك تحبيه وبلأحراء تموتي فيه
اني:هه كان زمان بس توا خلاص حبه مات في قلبي ف خليك بعيده عليا 😏
ياسمين:وشن ركبك معاه ي ولا مروحه معاه في الليل
اني:يييي علينا متفهميش قيس زي خوي 😑
ياسمين:مشي الدوه هذي ع غيري فاهمه وجو النتايات لي زيك ميمشيش معاي وربي واخر تحدير نحدرك ابعدي ع قيس خي ما تشوفي شي ماعمرك شفتيه ومستعده ندير اي شي ع خاطر قيس فاهمه وطلعت
اني:بنت ال 😤 استغفر الله ياربي اووووف ياربي البنت هذي متتعبش من التهديد وياريت اديره
المهم دخلت لداري بدلت وصليت فرضي وخديت شيتاتي بديت نقراء لأن الإمتحانات قربو
يارا:مرادوينك تعالى روح بيا نور رجعت للحوش
مراد:كيف تمام مسافة السكه
يارا:اوك طلعت واقفه ف الجنان وراسي منزلاته في الأرض لين حسيت حد وقف قدامي رفعت راسي ونشوف 😳 انت هذا شن تبي ناقصه اني توا
سيف:اووووه خير الحلو زعلان 😉
يارا:ياريت تبعد من بحداي
سيف:ولو مبعدتش
يارا:عما اضن تتفكر في يزمها سن درت
سيف:حليلي من حلوتي المجرمه 😍
يارا:جيت بنتكلم لكن شفت مراد قدام البابا مشيت من بحداه ومدورتاشي ركبت ف السياره وروحت
ريان:اوووووف مرراد وينك ليش ماترد
مراد:كنت في السياره اول ما اتصلت ريان مبيتش انرد قدام يارا لكن ريان عششت سكرت التلفون
يارا:البنت تبي تكلمك خيرك ولا متقولش 😂 متحشم مني 😂😂😂
مراد:هاهاهاها مبردك الزفت
يارا:غير لا ي راجل 🤨
مراد:بالتريس كان تسكتي خير
يارا:حشوما ي خوي هكي تقولي 🙄😂
مراد:تقول مقعمز مع مروان صاحبي خلي عندك انوثه ي اختي 😂
يارا:منور ي بروي طلعت معنديش انوثه تي الزح تبيني نبدا نتسحون زي لبنات 🤨 ميمشيش معاي
مراد:ربي يصبرني كان جيتي ولد خير 🤷🏻♂️
يارا:ضربته ع ظهره تي سوق سوق ومعاش تتكلم خير ما تصير فيها وانت عارف
مراد:اوووووف 😫 ي ظهري كسرتيني تعرفي تضربي خير من مروان ي بنت خلاص سكتت لكن وربي لما نرجعهالك تو تشوفي 😒
يارا:هه 😏
عند قيس
اني:اووووف وينك ي ياسمين غدوا يومنا وهيا متردش
ياسمين:هه تو تشوف مش اني لي يلتعب من وراي ونور لما نربيها 😈
اني:لوحت الهاتف ع الحيط ودخلت للمطلخ بنشرب كان راقيلي شربت اميه وطاسه قعدت ف يدي ضغطت عليها لين نكسرت
نور:قيس 😨 يي يدك تنزف وقربت من عليه وحطيت يده تحت الميه انت غبي خيرك شوف يدك نزفت هلبا تعالى نديرلك اسعافات
اني:فكيت بدي منها ب القوه حولي 😡 معاش نبي نشوف وجهك قدامي ولا نبي مساعدتك بسببك ياسمين معاش ترد عليا وربي لو صار شي بسببك غدوا مايصير خير وطعلت للجنان
نور:صدمني ب كلامه وتمنيت نموت ولا سمعته يعني شن دخلي اني هوا خلاني نركب معاه مكنتش نبي نركب معاه اصلا حط اللوم كله عليا 😭 نزلت لميت المرش من ع الأرض احييي 😢 دخلت في يدي مرشه وجعتني لكن ما دورتها لميت المرش ودخلت الداري والدم كله ع الأرض محسيتش عليه ونسيت اصلا نغسله وقفت ع الشباك ونشوف ف قيس واقف ع المسبح حسدت ياسمين ع حبه ليها تمنيت يجي يوم ويحبني زيها بس معاش في تمنيت توا غدوا ح يتزوجها ويعيش حياته معاها نزلو دموعي 😭 ناض قيس ودخل واني قعدت واقفه كان الجو برا قمر وحلو وهادي
اني:دخلت من باب المطبخ لكن انتبهت ان في نقط دم ع الأرض قلت اكيدا مني مدورتش لكن لما طلعت لصاله لقيت النقط الدم استغربت وادكرت نور كانت معاي خفت عليها تبعت الدم ووصلت لدار نور طقيت ع الباب بس ما ردت فتحت ولقيتها مقعمزه ع الأرض وتبكي وجعتني ورجعتني وادكرت اني بهدلتها وهنتها وهيا ما دخلها اني لي عاندتها وقلتلها اركبي معاي دخلت وسكرت الدار وراي قربت وقعمزت ع الأرض بحاها كنت متأكد ان نور محتاجه لحضن تدخل فيه وتبكي زدت قربت بحداها وفتحت يديا رفعت راسها وكان عيونها حمر من البكي قربت مني وحضنتني ندمت وتمنيت ما قلته لكلام بس اني وين ترقالي معاش نعرف شن نقول ☹
نور:دخلت في حضن قيس بجد حضنه يحسس فيا ب امان بكيت بكيت 😭 لين ارتحت وغفيت ف حضنه
اني:حسيت نو ارتخت بين يديا شفتلها لقيتها راقده رفعتها وحطيتها ع السرير داويت يدها وجيت غطيتها ب الورغان لكن مش عارف حسيت ب شي معرتش شن هوا قعمزت ع الأرض وقعمزت وقعدت نشوفلها عيونها خدودها رموشها شفايفها كان كل شي فيها حلو ويجدب فيا قربت منها وبستها من شفايفها بوسه خفيفه وطلعت من بحداها كان شعوري اتجاه نور شعور غريب اول مره نحس قيه حتى مع ياسمين ماعمري حسيته سكرت الباب وراي ومشيت لداري رقدت
