#حبيبتي_منقبة_💜
الحلقة 1
هاجر:نور بنتي تعالى ديري معاي الكعك الناس قريب يجونا وياخدو الطلبية
نور:ي ماما عندي امتحان غدوا 😔 لكن يلا نساعدك بعدين نمشي نقراء
هاجر:ربي يخليك ليا ي بنتي وانشاءالله نشوفك ف اعلى المراتب وتخليني نفتخر بيك 😌
نور:انشاءالله يارب هيا وين المكينة
هاجر: في الدولاب
نور:طلعت المكينة وبديت ندير مع ماما وقعدنا فيه ل ساعة 5 لعشية اوووف واخيراً خلاص ماما نوضي ارتاحي تو نغسلهم اني
هاجر: تمام ي بنتي اني بندخل ندير شور ونطلع نرتاح
اني:تمام طلعت ماما وقعدت نضم في المطبخ كان حايس هلبا قعدت فية لساعه 7 وطلعت درت شور وبديت نقراء
STOP ✋🏻
نسيت نعرفكم عليا دخلت فيكم زي الحادت 😂
طبعاً اسمي نور م 98 نقراء هندسة طولي وسط عيوني عسليات شعري بني وطويل لنهاية ظهري ومتعبني 🤦🏻♀️
بيضة وضعيفة لين عروقي يبانو 😂 منحبش ناكل هلبا وديما دايخه ع ماما 😅 طبعاً مع قرايتي كنت نخدم ونساعد في ماما بدرقه عليها لان منبيش نشوفها زي قبل كنت كل يوم بعد ما نطلع من محاظراتي نمشي للمحل تبع ملابس المحل الوحيد ل خلاني نشتغل ب نقابي وزي ما عارفين اني متحجبة لأن زمان تعرضت ل مضايقات في التانوي ف طلبت من ماما تشريلي نقاب ونتجنب المشاكل ☹
ماما اسمها هاجر زي ما عرفتو م 63 ماما عانت هلبا في حياتها وكنت نشوف فيها كيف تعدبت بعد وفاة بابا كانت تخاف عليا من نسمة الهواء طيبية وتحب الخير لناس تشتغل في طلبيات كعك وكنت نساعد فيها اني
بابا اسمة عبدالله م 61 توفى قبل ما نشوفة ولا يشوفني كنت وين ما ندكر الشيء هذا نقعد نبكي لأن منقدرش نوصفلكم شعور بنت فاقده بوها لما كنت في الأعدادي نشوف في صحباتي كل وحده يجيها باها ويروح بيها واني نروح بروحي تمنيت لو كان عايش يمكن مكناش هكي توا مكانتش ماما تشتغل مكنتش اني استحقيت نشتغل لكن نفرح لما تقولي ماما بابا في الجنه وح يجي يوم ونشوفه
يارا: م 98 هذي روحي وانتيمتي من اول ما فتحت عيوني واني معاها كنا مع بعض في كل وقت كانت زي اختي قريت اني وياها في الأعدادي والتانوي وتوا نقرو مع بعض في الكلية نفس التخصص 😍
عمتى عائشة : م 63 نفس ماما هذي ام يارا كانت تساعد ف ماما في كل شي ومش مقصره معانا صخبت ماما طبعاً من لما هيا صغيره
عمي محمد: م 61 اب يارا وصاحب بابا روح ب روح راجل طيب ويحبنا ويعتبر فيا كيف بنته وكان ل يجيبها ل يارا يجيبلي منها كنت نحبه لأني نشوف في بابا فيه لأن ماما تقولي ان بابا كان يشبة عمي محمد في اطباعه واخلاقه وطيبتة 😊
مراد: خو يارا م 90 ههههه صايع متع بنات يعني كل يوم مع بنت متخرج من صيدلة ويخدم في صيدلية صاحبه اني وياه زي الخوت ونلقى فيه ديما مع انها صايع لكن طيب 😂 وديما يناشب فيا وفي يارا لما يرفع فينا للكلية
يارا:نور وينك اليوم
اني: قاعده كنت نساعد في ماما عندها طلبة وتوا نقراء لمتحان غدوا قريتي انتي
يارا:اها ربي يكون معاكم نبي نجيك نقراء اني وياك افتحيلي الباب
اني: تمام تعالى خلي نشوف ماما دخلت ل دار لقيتها راقده غطيتها وطفيت الضي عليها وطلعت فتحت ل يارا
نورتي تعالي ل داري ماما راقده تعبت اليوم هلبا
يارا:اي صح ربي يساعدها تعالي فهميني في هذا مفهمتاشي 😫
اني:ههههه تعالى هي وبديت نفهم فيها وقعدنا ل ساعة 12
يارا:اوووف الوقت تأخر توا نتلاقو غدوا حبي ارقدي مش تقعدي ساهره ارتاحي بعدين نوضي اقري خير
اني:تمام 😂 تصبحي ع خير سلميلي ع عمو محمد وعمتى عائشة
يارا:وانتي من اهلو تمام خلاص سكري الباب مراد في الباب يستنى
اني:اوك باي سكرت الباب ودخلت لداري ورجعت نقراء عادتي كان عندي امتحان مستحيل نرقد نحفظ الشيت كله قعدت نقراء ل ساعة 3 اوووف سكرت الشيت ودرت المنبة ع س 6 باش انوض نقراء تاني
