تابعوني ع الفيس
Łégëņd Øcțôbêŕ
#حبيبتي_منقبة_💜
الحلقة 13
ياسمين:نوررررر 😡 متتحشميش ع وجهك رافع خطيبي ورا الحوش انتي وحده فاسده ومنحطه وقليلت تربايه اصلا مش متربية لا بوه لا خو طبيعي بتكوني بنت ليل وتتستري ب النقاب زيك زي صحبتك ل مدايره روحها اخلاق لقيتها بجنب المسبح واقف عليها سيف وطالعه هكي بجد بنات شوار وترباية شارع زبالة زيكم
اني:😳 نصدمت من كلامها بجد اول مره حد يتكلم هكي ولتاني مره حد يهيني بشرفي نزلو دموعي لكن مسحتهم لمتى بنقعد نبكي ع كلامهم جت يارا بتتكلم قاطعتهم
يارا:بس
اني:يارا اس جيت وقفت بجنبها وعطيتها كف لين الناس كلها انتبهت وشافت اني اشرف منك صح مريتش بابا ولا راني ومتربيتش ف حضنه بس ربتني امي كانت ب النسبه ليا زي بابا واكتر وتاني شي مش كان لبست نقاب يعني مدايره عار ي متخلفه قداش عقليتك متخلفه كان مش قاريه نقول لكن انتي قاريه وعارفه شن هوا النقاب اني تربايتي ترباية رجال مش مرا فاهمه ولي يفكر يتكلم عليا مرا تانيه يحسب الف حساب وياريت تقولي ل خطيبك يبعد عليا ومعاش يقرب مني اي نسيت بنت اليل لي تطلع لجنان بروحها في نص الليل مع حد وياريت خاطبها وغمزتلها 😉 اكيدا عرفتي ع شن نحكي ف خليك ف حالك ومعلش تقولي كلام اكبر منك فاهمه 😉 شفت ل يارا يلا يارا وريان ندخلو
يارا:جيت بنتكلم سكتتني نور بجد فرحت من كلامها
اني:كنت نتكلم وكل كلمه نقولها دموعي ينزلو 😭
دخلت لداري وانهرت ب دموعي طحت ع السرير وقعدت نبكي 😭😭😭
يارا:ريان تعالي نمشو ل نور
ريان:اوك تعالي
يارا:نور 😳 نور ي عيوني خلاص اهدي نوضي اغسلي وجهك وتعالي انتي عطيتيها ع رايها تستاهل ما يجيها
اني:حضنت يارا 😭😭 تعبت ي يارا تعبت كل يوم نسمع في كلام مليت منهم ملييييت
ريان:خودي اشربي اميه خلاص اهدي انتي مفروض تكوني فرحانه لأنك هزبتيها ومخليتيهاش
اني:شربت اميه ومسحت دموعي هههههههه
ر
يارا:😳 نور خيرك
ريان:نور 😳 خيرك
اني:😂😂😂😂 وووووووه ي بطني شفتوها شفتوها
ت شكلها تغير مليون درجه لما فضحتها
ريان&يارا:😂😂😂😂 اي اي شفناها ههههههه ووووه تستاهل
اني:تعالو نطلعو للجنان
يارا:اوك اصلا عمتى هاجر تبيك
اني:اوك هيا مشيت شفت ماما ولقيتها تعبانه دخلتها لدارها وعطيتها حبت مندول ورقدت نزلت كملت السهريه مع لبنات وبعدها روحت يارا وقعدت اني وريان في الجنان ونشوف ف ياسمين تشوف فيا بغل فتتها ودخلت للحوش تلاقيت اني وقيس ف الممر دخلت لداري وفته
شفت تلفوني لقيت رقم متصل بيا فته وغيرت ملابسي ومشيت صليت فرضي ودخلت لسريري رقدت
يزن:طول وهيا ف المستشفى واني معاها كنت مهتم بيها وب دواها لين روحت واليوم خديت ملفها شفت رقمها ف الملف سجلته ف التلفون واتصلت بيها مرتين مردتش وادكرت ان عرس قيس ومش فاضية
يوم جديد ع ابطالنا
اني:نضت الصبح بدلت ومشيت للكلية مع مراد خديت محاظراتي وحطني في المحل ومشي دخلت السلام عليكم
المدير:اهلين تفضلي الشغل يستنى
اني:اوك دخلت بديت نشتغل لين جت الساعه سته ومراد مجاش وصاحب المحل بيسكر اطريت نطلع ونروح قعدت نمشي ف الطريق بسرعه لين حسيت ف حد وراي سرعت ف مشيتي ونسمع
الولد:غير استنى شوي منبي منك شي جاي نطمن عليك بس
اني:اوووووف ي خوي معندكش خوات خليني ف حالي
الولد:استني بس
اني:اووووف ونتلفت ونلقى 😳 هوا انت
يزن:اي اني 😂😂
اني:اووووف طيحتلي قلبي 😫
يزن:سلامتك واسف تعالي نبي نرفعك لمكان حلو
اني:شنو 🙄 منركيش مع حد اني
يزن:اني مش اي حد
اني:مفعمتش
يزن:اني ولد عمك ي نور
اني:😂😂😂 حلوا النكته تعرف 😂
يزن:هههه مش نكته ي همي والله انتي بنت عمي ولو تبي تصدقي تعالي شوفي اسمي نفس اسمك
اني:اكيدا في تشابه ب الأسماء بس
يزن لا والله انتي بنت عمي تعالي معاي شوفي جدك وجداك اكيدا بينصدمو
اني:ترددت في الأول لكن مشيت معاه لحوش كان كبير واكبر من حوش قيس دخلت لقيت بنات وولاد في الجنان وكانو كبار وناس كبار من ضمنهم الجد والجده وقفت قدامهم وهما مستغربين
يزن:جدي هدي نور بنت عمي
جدي:شنو
يزن:زي مسمعت
جدي انت كيف تجيبها لهني من سمحلك تجيب بنت خرابت لبيوت ل خدت ولدي مني.
اني:وجعني لكلام واستوعبت لي صار احترم نفسك ومتقولش ع ماما هكي
الجد:اشي كيف ردت عليا اكيدا طالعتيلها الحربه تربايتها
اني:متربية احسن من ترباية حد لبنته
الجد:اطلعي من الحوش وردي بالك ترجعي اهني
اني:لا متخافش مش ح نرجع لحوش نطردت منه وطلعت من الحوش ولما فتحت الباب نشوف 😳
قيس واقف ف ويشوف مشيت وخليته
قيس:نور استني انتي شن اديري اهني ومن ل ركبتي معاه
اني:طحت ع الأرض وانهرت ب الدموع 😭😭 ليش ليش الدنيا كلها عليا ليش يصير معاي هكي ليش 😭 شن درت من دنب باش ربي يعاقبني حضنت قيس ليش حتى حبيتك من واني صغيره بتمشي وبتخليني بتكون في حياتك بنت وحده بس ليش بابا مات قبل لنشوفه وكل يوم نسمع في كلام عليا كل يوم نشوف ف نضراتهم ليا نضرات شفقه ياربي خود امانتك معاش نبي نعيش 😭😭
قيس:نصدمت من نور لما طاحت ع الأرض وقعدت تبكي قربت منها ودخلت في حضني وقعدت تبكي وكل كلمه تقولها كأن يربو فيا بسكين متوقعتش نور تحبني لهدرجه واول مره نشوف حد يبكي ع خاطري حتى ياسمين ماعمرها بكت عليا حتى لما درت حادت لفيت يديا ع خصرها وزادت تبكي حسيت ب شعور حلو مع اني كنت متعود نحضت ياسمين ب لما حضنت نور حسيت ب شعور غريب حلو وقلبي قعد يدق بسرعه مفهمتش ليش قعدت حاضنها لين حسيتها هدت نور نوضي اركبي ف السياره مطر بدت تصب علينا
اني:حسيت ب الأمان ف حضن قيس بس شن الفايده هوا بيتزوج وحضنه بيكون ملجئ امان ل ياسمين نضت من عليا اسفه
قيس:مافيش داعي تعالي اركبي في السياره
اني:لا مش لازم ناخد تكسي ونرجع بيها
قيس:بعصبيه 😤 نور متخلينيش ناخدك ف حضني ونركبك ف السياره
اني:خفت منه ركبت ف السياره وطلعنا والطريق كلها انده راسي ع شباك السياره ونشوف ف المطر قداشها حلوا وكان الجو ضباب وحلو
