وَتين ..

لعبة القدر ..

مرحباً يا حلوين ..

وأخيراً .. نبدأ قصتنا الي راح تكون متنوعه بشخصيات جديده وعلاقات فريده من نوعها ، فيها تويست بس من النوع الغير مبالغ فيه وتنقلات زمنيه مابين الماضي والحاضر ، اتمنى تعجبكم

اذا متحمسين عطوني اكبر جرعة بوسات هنا ..

لا تنسون التعليق بين الفقرات ..
ولو عجبكم البارت حطوا فوت ⭐️ ..
استمتعوا

؛

قصتنا بدأت سلفاً عند دار الأحداث وهي عباره عن مؤسسه اجتماعيه تضم الشباب المحكوم عليهم بجناية دون السن القانوني بغرض اصلاحهم وإعادة تأهيلهم ، باختصار سجن مصغر لمن هم دون سن ١٨ سنة ..

داوود بصوت جهور : يالله يا "حدث" انت وياه على غرفكم ، تحرك قدامي اشوف ..

اخذ نظره على الساحه الواسعه الي تعج بالأولاد بمختلف الأعمار والأشكال والألوان، الي يتابع شاشة التلفزيون الكبيره واللي يلعب ورقه واللي متكي ومندمج بالسوالف ومحد منهم تحرك ..

تنهد ونادى مره ثانيه بصوت أعلى : يا "حدث" تحرك كفايه لليوم !!!
هزاع : مو كنه بدري يا داوود ؟
التفت داوود وابتسم : لا مو بدري ، بكرا ثلاثاء والا ناسي ؟
هزاع : لا مو ناسي
داوود : ايش فيك مكشر احتمال بكرا تفرج عليك وتطلع من هنا
هزاع : هه تفرج ؟ ما اظن

داوود : لا تتشائم لو مو بكرا اكيد بيكون قريب ، انت بس قول ان شاءالله
طالع فيه هزاع ثواني وبعدها ابتسم خفيف ومشى بدون ما يرد عليه ...
رمقه داوود بنظره وهو يبتعد عنه ونطق : شف الهيس اكلمه ويسفهني ! ماشيء انا اعلمك يا هزاع
عصب ولف عالعيال الي باقين بالساحه وصرخ : هيه انت وياه على غرفتك يالله !

بهالوقت مطير وصخر كانوا واقفين عند الجدار ومطنشين صراخ داوود عالآخر
مطير وهو يشوف الساعه الكبيره في الساحه : استغفر الله وش هالنشبه تراه ازعجنا تو الناس عالنوم الساعه ١٠
صخر : مو تو الناس بالعكس اليوم جاي متأخر على غير العاده

مطير وهو يتنهد : اف بس
صخر : شفيك ؟
مطير : مدري ياخي بس احس بإحساس غريب
صخر بتلحين : عاشق ومالي حبيب ~
مطير : لعنه عاللي يفضفض لك

ابتسم صخر وحط يده على كتف مطير : هههه شفيك متأزم خايف نفترق؟ ترى حتى لو طلعنا أكيد بنشوف بعض برا
مطير وهو ينفخ بالهواء : طل اشوفكم برا!
انمسحت ابتسامة صخر ونطق بصدمه : ليه ؟
مطير وهو يطالع بالأولاد الي يلعبون بالساحه : بس كله كلام ، اذا جاء وقت الصدق محد بيدور الثاني