قلبي بغاه 💜💜

17

      كانحس بالريح كاتضرب فيا وكنشم ريحة الأزهار والشجر والتربة امممم هاد الريحة مألوفة حليت عينيا وانا نلقا راسي متكيا على واحد الشجرة كبيييرة ومضللاني تلفت جنبي وانا نلقى ريتا هازا داك المزمار فيديها وكاتشوف فيا مبتاسمة
ريتا:كيبقيتي اامال؟؟
    وقفت كانشوف فحالتي مالقيتش الضرابي فيديا ولا فركبتي وحتى وجهي ماحسيت فيه بوالو
أمال: وتي لحمد لله مني بقيت مجموعة فطرف واحد
ريتا:هههههه ولكن خاصكي تستحملي على قبل مملكتك
أمال:وها حنا غانشوفو هادشي فين غايوصلنا
ريتا:علعموم واحد القدرة من قدراتك غاتبان وخاصكي تعرفي كيفاش تحكمي فيها
امال:اينا قدرة تاني ؟؟
ريتا:خاصكي تكتاشفيها وخاصكي تاخدي الكتاب لي جبتيه معاك من عند وهيبة حيت هو لي غاينفعك باش نزيد نسهل عليك سيري للقسم التالت فيه
أمال: اووووف انا بحرى ماتهنيت من القراية تجي نتي وتكولي ليا الكتاب مات الكتاب القسم التالت مات الخامس راني عييييت😩😩
     جات ريتا حطات يديها على راسي وشافت فيا بحنية
ريتا:أمال واش توحشتي واليديك ؟؟؟
    عرفو والله ايلا ضرباتني فلوتر الحساس توووحشتهوم توحشت با المختار لعماارة تاع الضار وتوحشت الوليدة والمدلك ديالها ولحلوى لي كاتجيب ليا من لعراسات وتوحشت تاداك مسخوط الواليدين تاع سيمو والله صافي دموعي خانوني وزدت تانكي هيط هيط هيط نبكي ونكول ما بكيت مسكينة السيدة كعدات تاتحزر فيا
ريتا:شوفي انا عندي طريقة وحدة باش تشوفي وليديك
امال(وخنونتها هابطة):حلفييي
    ناضت هي وعزفات بداك المزمار وتخرج واحد الصورة كبيررة بحال التلفازة كايبان ليا بابا وماما وخويا
امال: واااهااني والمسلكم تاع خويا بابا حبيبي ومي وتوحشتك
ريتا:هوما راه مايقدروش يسمعوك ولا يشوفوك
    بقيت كانشوف فيهوم تايبانو ليا عادي وفرحانين وكاعما موحشيني
امال:شتهوم كاعما موحشيني
ريتا(تنهدات):حيت نتي ماعمركي كنتي عندهوم مني جيتي لهنا تمسحتي من داكرتهوم ومن داك العالم كولو فحالا كاع ماتخلقتي لانتي ولا لي جاو معاك
     صافي كالت هاد الهضرة وانا نغمض عينيا ومني حليتهوم لقيت راسي فلقصر فبيتي وانا نعطيها للبكا والتنخصيص والله ايلا تصدمت ناس نتي موحشاهوم وهوما كاع ماعارفينك واش كاينة فالوجود اسوء شعوور تقدر تجربو فحياتك صافي طاح عليا الضيم مابقيت بغيت وااالو ينعلبو عاد الزفت كولو لي دار ليا هاكا 😭😭😭😭😭
وقفت وطليت من الشرجم بان ليا الضلام بغيت نخرج صافي تانحس براسي تخنقت حليت الباب .يال بيتي ونزلت لقيتهوم مجتامعين كولهوم لتحت ماعرفتش اش تايكولو تلفتو ليا شافوني تانبكي وواحد لخنونة مدابزة معاها مابغات تطلع مابات تنزل ناض لؤي وادهم بايجيو عندي وانا نغوت عليهوم
أمال: حبببس تاواحد فيكوم مايجي لعنديييي تااواااحد بعدوو مني سمعتو وتاواحد ماايتبعني
لؤي: امال مالكي
أدهم: امال كوني بعقلك واجي هضري معانا وكولي مالكي
امال(كاضحك بهيستيريا):هههه بيتعرف مالي انا غانكوليك نساونا كولهوووم نساونا فحالا عمرنا ماكنا فحياتهوم هههههه والو ماكانعنيو ليهوم والو وعؤدرفتي اادهم عندك الصح انا مصيبة متنقلة وانا السباب صافي عييت من هاظشي عييت من هاد لخرى كولو
ادهم:علاياش كاتهضري؟؟
امال:واليديك وعائلتك مابقاوش حيت حنى منين جينا لهنا هوما تمسحات ليهوم ذاكرتهوم من اي حاجة تاتعلق بيك وحتى انا(ببكاء)باب نساني وماما وخويا سيمو كولهووم نساوني شحال سعيت باش ندير معاهوم دكريات غزالة وفلخر اهئ اهئ كولشي مشا
    هي ساليت هضرتي وانا نخرج من بيبان لقصر تانجري والضلام صافي مابقا تايهمني والو الناس لي كنت عايشة على قبلهوم مابقاوش بقيت غاديا وتانجري وسط الشجر وعينيا ضببو بكترة الدموع ماحبست تال لبلاصة لي كنت تانتدرب فيها طحت حدى ديك الشجرة لي علقني فيها ارادون وعنقت ركابيا وكعدت تانبكي انا راني صبارة ونصبر على بزاااف تلحوايج ولكن هادي بضبط هرساتني ماتوقعتهاش شي حاجة أمپوستحيل حسيت بشي واحد جاي جيهتي وكانسمع صوت الأغصان كاتهرس وداكشي جاي تايقر تاسقرب تصحابكوم تخلعت لا مولاها ربي داكشي حبس قدامي وحدر هزيت راسي ولقيتو أرادون؟؟ هو لي بقا ليا
أمال: سير بعد مني تانتا
أرادون:دابا هادشي هو لي مبكيك ومنوضا عليه قربالا كلتها ليهوم بلي نتي فاشلة وضعيفة بزاااف شوفي راسك عند أول عقبة طحتي (وقف وهو يكول) مايشرفنيش نتعامل مع وحدة بحالك
      وهادي كانت النقطة التي أفاظت الكأس نضت وقفت ومشيت ليه كانضرب فيه ونعير
أمال(كاضربو على صدرو):سككت نتااا سكت ماعندكش لحق تجي وتهضر معاايا سمعتي اصلا اش كاتعرف فلمشاعر وااالو عرفي علااش حيت ماعندكش القلب ياهاد الحجرة نتا دايش كي ديك الحجرة القاسحة ولكن عرفتي اشنو انا هي ديك المطرقة لي غادي تهرسك فهمتي
أرادون(شد ليها يديها وقربها ليه):يالاه بيني ليا علاياش قادة
      تنطرت منو ورجعت لور شديت ديك الكسوة لي لقيتهوم ملبسينها ليا شركتها تال لفخض وشديت شعري لي طوييل درت ليه كهكة ومسحت دموعي ودرت وضعية القتال هو بقا تايشوف فيا داير ديك الإبتسامة ديالو
ارادون: يالاه زيدي
     تميت جايا جيهتو وانا ندير فحالا بيت نضربو لوجهو وانا نضربو على معدتو ساعاتك خوا بيا ولوا ليا يديا وزف بيا لاحني
ارادون:يالاه ماتكونيش بليدة بديت تانمل
    وقفت وانا كانمسح فالدم لي رعفتو وكضت معاه وانا نتم غاديا تانجري جا هو بايطاكي وانا نتحدر و دخلت ليه بين رجليه  شديت ليه فضهرو وتهزيت عليه فحالا حازمني وقجيتو ساعاتك هو تم راجع بلور وضربني مع واحد الشجرة تافشلت وطحت
أرادون: كالو ليك عليا شجرة باش تعلقي فيا نوضي نوريك كيفاش تقاتلي
      وقفت وانا كانحس بضهري باتهرس وهو جا قدامي هز ليا يديا وبدا تايحركهوم بزربة بواحد النضام معين تاحفضتو
ارادون:عقلتي على هاد الحركات
امال:اه
أرادون: انا مني نبغي نضربك ديريهوم باش طاكي صافي
   درت ليه اه براسي وهو يبدا تايضربني وانا كانحاول نطاكي كل مرة وفين تاتجيني الدقة
أرادون: يالاه طاكي على راسك ياالااه
أمال (وهي كاطاكي):صافي بلا ماتبقى تغوت عليا انا راه كاندير جهدي
ارادون:ركزي على هادشي لي كاديريه وخوي راسك من اي حاجة كيفما كانت فهمتي ركزي على ليغاينفعك اما ليفات راه مات ورضيه عزيمة ودافع ليك فهمتي
     بصرااحة ولأول مرة كانعتارف بلي معاه الحق ومعاه الصح الضربة هيلا ماهرساتكش تقويك بدا عاوتاني كايضرب فيا وانا كانطاكي بجهد وبزربة ووليت كاع كانزيد حركات من عندي تامابقات كاتجي فيا تاشي دقة بقينا شي ساعة هاكاك وكايزيد شي تويشيا أوخرين حتى تعلمت وسالينا التدريب كلست للأرض كانستاراح وكانهج اما هو عادي ماتحركات فيه تاشعرة تكول كان هي تايلعب
ارادون:نقدر نعتابر هادا تحسن غدا مابقاش التدريب مع لفجر التدريب غايكون بحال ليوم منورا لفطور فهمتي
أمال: واخا فهمت ولكن بيت نسولك علاش تبعتيني لهنا؟؟وهوما لا؟؟
أرادون: حيت بنادم مني تايكون فحالة غضب كايخرج كاع ديك الطاقة ليعندو (بمكر)ونكولو حسيت بالشفقة عليك حيت شبهتي ليا لداك لي عندكوم فعالمكوم اممم الكلب ياك ؟ههههههه
     شفتو تايستهزء وتايضحك عليا وانا نزيد تانضحك معاااه وتان كركر حيت نيت وليت بحال داك الكلب تاع الحوسين مد ليا يديه وشديتها تانضت وتميت غاديا بجنبو والجروح تايبراو راسهوم تامابقا فيا والو
ارادون:هاد القدرة عندك زوينة وراه فسرتها ليهوم حيت شافو جروحك بوحدهوم تايبراو
امال:اه شكرا حيت عاونتيني
أرادون: بلا ماتربي عليا الكبدة وتبداي تشكريني ولكن لي خاصك تعرفي هو غدا التدريب غايكون خايب وبزااااف👿👿
     ضربت الطم حيت على مابان ليا هاد خينا داير كونطرا مع إبليس وصلنا للدار ولقيت السقيل هه تصحابني واش غايتسناوني ويشوفو مالي ساعاتك بففف يكما تصحاب ليا انا فمسلسل سامحيني طلع ارادون لبيتو وسد عليه وانا تميت غادية لجيهت بيتي والضلام شويا كايبانو ليا عينين صفرين كايشوفو فيا تخلعت داكشي تم جاي جيهتي وانا نغوت......يتبع
    فصل اخ ر غايكوون وسط النهار وواحد اخور بليل وجدو ريوووسكووم😊😊