قلبي بغاه 💜💜

20

ميمتي لمووت جايا تشطح قدامي والذيب فوق مني غمضت عينيا وضربتها بواحد مولاتي الغوتا تصمك لودنين
قلبي كايضرب فالتسعين دق دق دق دققققققققققق
لؤي:بووو
   عليت عنيا تايبان ليا لؤي فوق مني وصدرو عريان وتايضحك علبا من المزيان اش هاد لعجب صافي طلعات ليا القرضة للراس دفعتو عليا وهو طاح فالأرض بالضحك وانا بقيت نشتف ونعير
امال:يا الحيوان الكلب اش هادشي واش بيتو تقتلوني هاااا صافي هادي لخرة ليا معاكوم
لؤي: ههههههههههههههه عرفتي طيرتها منك احسن حاجة طرات ليا فهاد النهار هي هادي اووف
امال(كضربو على سدرو): القواد لاخور قتلني انا قتلني تفوووو قود عليا يالاه
    جيت بيت نمشي وهو يوقف وجرني لعندو وعنقني بجنب وتمينا راجعين للقصر
لؤي:سمحي ليا الفنكوشة ولكن شيطاني خاايب
امال:وانا دير ليا سكتة قلبية اجي واش نتا هو الذيب؟؟
لؤي:اه الحكماء وصلونا لواحد الدرجة فالتدريب لي خلاتنا اننا نخرجو طاقتنا الكلية وتكاشف بلي انا هو ملك مملكة الذئاب وأدهم ملك مملكة النار إذن نتي هي ملكة المملكة اللخرة
امال:وااو صاحانتوما وحتى الذيب ديالك تيتيز ههههه
    وصلنا للقصر ودخلت بانو ليا مجموعين تايتناقشو سلمت عليهوم بانو ليا كولهوم عيانين
ديفيد: و مسكينة امال لي بقات فيا كاتجري كي الوزة هههههه
زيكس:ويييه بعدا خرجها منها
ادهم:بحرا تنقص شويا من الغلض لي فيها
امال:هاهاهاها بقاو ضحكو عليا راه الضحك فيكوووم تلاحو خليوني بيت نرتااح عيييييت
لؤي: مابيتيش تعشاي؟؟
امال:لا باش نرقاق
ادهم:هههه هبيلة
    طلعت لبيتي وسديتو عليا جبدت واحد البجامة ودخلت غسلت بالما سخووون كمدت عضيماتي وغسلت عليا لي طراس ديال الدم ساليت مسحت بالفوطودة ولبست وتلاحيت ننعس 😴😴😴😴
🌛🌛🌚🌚🌜🌜تناص الليل وهو يطير عليا النعاس بقيت نتكلب نتكلب ونتلوى واالو حلف النعاس لا جا نضت كانضور فبيتي ونستكش شي حاجة تابان ليا داك الكتاب تاعي هزيتو ومشيت للقسم التالت لي اكتاشفت انو متعلق بالسحر حليتو تانقرا تبارك الله تبارك الله خاصني شامهاروش لي يترجم ليا داكشي فيه العناوين والتعاويذ ديال
النباتات:كيفاش نحييهوم ونصنع النبات والأشجار وندافع على راسي بتسخير قوى الطبيعة "كوستيشوف"
الأرض:كيفاش نصنع الصخر ونسخر الأرض باش نحامي بيها على راسي "أورتوزيس"
النار:كيفاش ننفث النيران وندابز بيها "كوميوز"
الماء:كيفاش ندير موجات المياه بحال تسونامي "كيجونيس"
الجليد:كيفاش نجمد الاشياء "خوسيه"
الهواء:كيفاش نحبس على بنادم الأوكسيجين ونخنقو "دينوزيوس"
اللغة الحيوانية:كيفاش نفهم لغة الحيوانات "فوركيس" والتعويذة المعاكسة باش هوما يفهموني "سيكروف"
الإنتقال:كيفاش ننتاقل من بلاصة لأخرى من منطقة لأخرى سيڤير هيلا بغيت ننتاقل أنا كانحط يدي على على سدري اما هيلا بغيت نقل شي حد معايا كانشد فيه وهيلا بغيت نسيفط شي حد كانشير عليه يكفي انني نكول سمية المكان مع التعويذة
    واااو هادشي غزااال بزاااف ودغيا غانحفضو حيت الحاجة لي كاتعجبني كانطير فيها واصلا عندي ذاكرة فوتوغرافية كانعقل على الحاجة دغيا واصلا عندي الليل كوولو نحفض فيه بلاتي بلاتي نخرج للحديقة ونتدرب
    خرجت للحديقة وحطيت واحد الخشبة وكعدت كانطبق عليها التعاويذ كاليك الساحرة خاصها تكون كاتوفر على الإرادة وهي لي عندي واكتاسبتها بصراحة دغيا نجحت وتعلمتهوم كاملين بديت بالنبات تبتت بيه الخشبة وتبعتو النار حقتها من بعد الما طفيتها والتلج جمدتها وطبقت عليها ضغط الهواء حتى تشتتات ديك الخشبة المثلجة يكفي انني نشير بيديا على الحاجة ونطق التعويذة وكاتصدق تال غدا منين نسالي من التدريب ونتدرب راسي على كيفاش نجمعهوم مثلا نجمع الما والنار فدقة وحدة امم نجرب حضي وصافي بداو عينيا كايتلسقو بالنعاس وأنا ندخل للقصر من الباب اللوراني مع عينيا بداو تايتلسقو دخلت فلحيط بعدا هاد الدخلة وكضاتني
أمال:لقحبة يماك ماشفتينيش دايزة وحيد من قدامي
أرادون(بسخرية): خسارة ماعندوش لودنين ولا حتى الرجلين
    خلعني حتى قفزت ولد لحرام كان لابس تيشورت كحل وشعرو نازل على عينيه لي نايمين وهاز كاس تلما فيديه لكباريين وديك البحة الرجولية و الصدر مبندر وااو داكشي عندو زين زين مايخالف
أرادون(داز من حداها):سدي فمك راه الموت كاضور
    طلع فيحالاتو لبيتو وانا مازالا مترعة فمي اححح عليك ونشدك فشي دريبة ماكاتخرجش اوييلييي يا أمال الرجوع لله طلعت لبيتي وتخشيت فبلاصتي وطحت دودة تابديت نشخر
🌞🌞🌞🌞أصبحنا وأصبح الملك لله
    فقت كانتكووسل ونجبد عضيماتي وبشويا تانحل عويناتي نضت غسلت وجهي ولبست لباس أخور حطوه تاع التدريب ولكن غزال وزوين ومدرع بزاف سمعت الدقان
امال:شكون؟؟
الخدامة:الخدامة ألالة
   كلت ليها دخل
امال:مالكي
الخدامة:طلبات مني جلالة الملكة أنني نعاونك باش تلبسي ونجمع ليك شعرك مزياان ونقادك
امال:واخا وبلا ديك لالة عيطي ليا هي أمال وصافي
الخدامة:واخا ألا...أمال
    لبساتني واقي حديدي عاد تريكو تاع الدرع عاد الدرع لي كان تقيل بالنسبة للخدامة اما انا ولفت الثقل لبست سروال مدرع بالدرع و برودكان كحل عالي شدات ليا شعري ودارت ليا واحد الشدة عالمية هههه زويونة وكيوت طليت على راسي كانبان سانك سانك
امال:شكرا الزين ولكن علاش هادشي
الخدامة:طلبات مني جلالة الملكة باش نلبسك وصافي على مابان ليا شي حاجة ضرورية وصافي
     نزلت للتحت لقيتهوم مجموعين فصالة الأكل تلفتو عندي كاملهوم كايطلعوني ويهبطوني كولهوم كانو لابسين عادي تاليا وأرادون لي يالاه نزل كان لابس لباس حربي كلسنا كانفطرو مع ختكوم مامعشياش دخلت فلماكلة طول وعرض
وهيبة:بما أنكوم مجموعين وصلاتني انباء من عند الجنرالات لي صيفتهوم للحدود يدرسو الوضع أنباء خطيرة بزاف ولذلك غانصيفت جوج منكوم يمشيو يشوفو الأوضاع فالحدود انا شخصيا ختاريت أرادون وعطيتو حق اختيار المرافق ديالو وهو ختار أمال
امال(وحلات ليها الماكلة):كححح كححح ضرب ضرب الضهر
    كنت كانخشي ففمي بجهالة راه الجوع ولكن هي سمعت بلي الحاج الغزال ختارني جاتني صدمة تفو تاكلت تهنيت من التدريب ضربني زيكس على ضهري تادازت الماكلة وعينيا دمعو
امال:اشنووو وعلاش انا
ارادون(بمكر):مع دابا ولفتك وبزااف وبغيت نشوق قدرة التحمل ديالك منين تشوفي اش كاين تما والصدمة مانعاودهاش ليك
     مابقا باقي مايتكال لأن لالة وهيبة نصرها الله وحفضها ورعاها مامعاها مناقشة ووجدو لينا فاش نمشيو واحد الحاجة ماهي طانوبيل ماهي عربة ماعرفتها لامن ساسها لامن راسها كاطير بواسطة السحر تاع مملكة الغابة او الطبيعة خلاتنا يالاه بينا نركبوها لوخرين وصاونا او وصاوني ونبهوني نحضي راسي ومشاو يتدربو وهي دخلات للقصر وخلاتنا نركبو
أرادون:دخلي سربي
أمال:ارادون عطيني يديك
ارادون:علاش
امال:وهي أرا يديك وصافي
   عطاني يديه بشك وانا ننطق تعويذة الإنتقال بضحكة سيڤر لحدود المملكة وصلنا فرمشة عين للحدود ارادون كان مصدوم ولكن مطمر شدني من مرفقي
ارادون:اش درتي دابا؟؟
امال:واخا ورخي مني شويا ضريتيني
   هو عاد مازاد ورك تاكريت ليه بكلشيي بالتفاصيل عاد طلقني
ارادون:ماتعاوديش ديري داكشي لي كاليك راسك وماباليك غير تجربيها عليا انا كون طرات شي حاجة خايبة
امال:هاذا هو جزائي وانا كنا ناوية زعما ....دابا تصور معايا كون ركبنا فهاديك الخرشاشة كون  شحاال عاد وصلنا
ارادون(بحدة):صافي سكتي صوتك كايضرني فراسي دابا زيدي تشوفي المعسكر وتصدمي مزيان
    مشيت ليه وياريتني مامشيت تانحس براسي بغيت نسخف والدوخة وعينيا غرغرو وقلبي كايتقطع شديت فأرادون لا إراديا لي ابتاسم ابتسامة ذات مغزى وكال ليا بسخرية
ارادون:هادي هي المسؤولية لي كاتسناك ألالة أمال اولا نكوليك القائدة كيجاتك
امال:.......يتبع
©©©©©©©©©©©©©©©©
هيلووو كايز اولا نكول كايزاات كيدايرين صافا باركووليا دغاويهوم كايوصلوني كي الشتا بعدا برا ليا فمي وفاتني الصداع شكرااا ليكوووووم من أعماق جد بات قلبي حيتاش دعيتو معايا وانا كانحبكوم في قلبي 😇😇😇😊😊😊😆😆😆
علعموم كيدايرين مع ستريس تاع القرايا والفرووض ميمتي على تخويرة كيدايرة طرات ليا قربو قربو نعاود ليكوم كان عندي فرض تاع الإجتماعيات ساعتاين ختكوم حفضات النض ونقلات النص 😇😇 نقلت الموضوع المقالي فلجغرافيا فورقة زعمة الواساخ ودرتها فلحديدة لتحتانية تلقيماطر هي قلبو عليها راه كاينة فجميع الطاولات ومخبية مايورقش لوستاذ والمصطلحات نقلتهوم فالطاولة بستيلو خفيف صافي جا الأستاذ كالينا حكا ماحكا عنكوم امتحان فالتاريخ بوحدو فالثورة الروسية والأزمة الإقتصادية ختكوم مع ذكية بزاااف حفضت الحرب ع ١ والأزمة صافي تخوىت عطانا النصوص وبديت ندربز هووك وهووك وتا دوك المصطلحات ماكاينينش بففففف نقلت تاعيت فلخر تخورت فلعشية كان عندي متيحان تلعربية هو كالينا راه عندكوم نص نظري فالشعر الإحيائي ختكوم ديما نفس العملية حافضة هي النص وناقة النص وهاد المرة درت النقلة فلبودز ساعاتك مني عطانا الفرض لقيناه كايهضر على التيار الرومانسي ويتك ويتك عليه بقات ليا غا الرومانسية والمشكيلة مانقلتها ما حفضتها بديت نتريطا ونقل من عند لي حدايا و لي قدامي وساعتاين ماقادانيش ندير كولشي لي أدابي غايفهم البلان كي داير والباك ياحسرة وفنفس النهار دخلنا عمد داك المزكك(الزك) تاع لونكلي كليت حكا ماحكا فرض تاع لونكلي يا وهادي تخويرة سانك سانك ومافراسناش طلبناه ساعاتك الشلح (سمحو ليا ولكن الفقسة) بن السقرام القرزاز لي ولدو ماتكرعش مادوزتو هي بلكشايف زعما تصدمت كتر ماتصدمات أمال لي فالرواية انا كتبت البارت ليوم لخميس قريت من 8-11 و2-6  وجيت وكتبت البارت على قبلكوووم حيت نتوما كانعتابركوم عائلتي التانية لي كانلقا معاها راحتي وكانعاود ليكوم كولشي ههههه بغيت ندخلكوم لحياتي صحا هههههههههه مرة مرة عودو طلو على البورد او المحادثات لي كانلوح نقدر نكتب إمتا نلوح البارتات علعموم نشاركو بعضياتنا الهموم ولي عندها شي خاجة كيفما كانت سواء دراسية او عائلية او عاطفية او تافهة تعاودها كايعجبني الحال نقراها ونجاوب عليها ولا لي عندها شي موشكيل نعاونوها تحلوه راه حنا بحال الخووت يالاه باي الحيبان