قلبي بغاه 💜💜

21

      بصراحة حرب طاحنة بمعنى الكلمة بين الناس تاع حدود الممالك و ملك الظلام لي كايسيفط جونودو والظلال القاتلة باش تفتكبهاد الناس الأبرياء المنظر قدامي كان أبشع منظر شفتو فحياتي كولها ناس ميتين وأم كاتبكي على ولدها وراجلها لي مات ،وراجل غادي كايتألم حيت يديه تقطعات ليه وولد صغير تايبكي بحرقة وتايفيق فماماه لي ماتت وهو شاد يد ختو المقطوعة وتايكول لمو تنوض تخيطها ليها باش تلعب معاه عاد الناس لي عندهوم إصابات بالغة هالي مخيطة ليه كرشو هالي تقبو ليه عينيه بجوج هالي مضروب فداتو كولها عاد الرماد لي عرفتو تاع شي ناس أوخرين لي قاسوهوم الظلال خلاصة القول مجزرة دموية مشاو ضحاياها ناس لي ماعندهوم تادخل تصور تكون فدارك عادي تايدخلو عليك ويقتلو ليك باك ومك وخوتك ونتا يعدبوك . انعدام الضمير زائد جنون العظمة والعي للسلطة بالقوة هادو هوما النتائج ديالو ملامح وجهي بقاو جامدين ولكن دموعي شلال وخنونتي كالت ماشفتي والو أرادون كايشوف فهادشي لي وقع فشعبو بحجبان معقودين ويديه لي كنت شادا فيها ولات صخرة بان ليا فحالا غايدير شي حاجة ماشي هي هاديك لي عتق الموقف هو واحد الراجل جا بلباس عسكري باينة فيه شي ضرسة صحيحة
الجنرال:سي الزعيم راه كمية الأضرار لي ضربات الساكنة تاعت هاد النطقة كبيرة بزاف ولي خرج سالك منها كايهاجر للمدن الداخلية اولا للممالك لوخرى وخاصنا الدعم الطبي لأن عدد المصابين كبير و الترياقات نفدو
امال:أنا غانعاون ديني معاك
ارادون:فاش غاتعاوني وباش
امال(هزيت يديا):بيديا راه عندي هبة الشفاء لي كنت عالجتك بيها
     بقا تايشوف فيا مخنزر وهو يمشي جيهت واحد المعسكر أخور وانا داني داك الجنرال لمعسكر المعالجة لي لقيت فيه الممرضات تايحاولو يعالجو باشما كان بصراحة العدد تاع المعطوبين ولمراض و الحالات الخطرة كتير بزاااف شوية خطرات عليا واحد الفكرة شفتها فواحد الفلم
امال:عافاك أسي الجنرال جيب ليا واحد البرميل كبيير تاع لما
الجنرال:أمرك
     جابو ليا واحد الراجل صحييييح كانبان قدامو كي الدبانة هيهي حطو قدامي ةانا نبدا بالتجربة لي شفتها درت يديا على الما يعني فوق الما وانا كاندعي فنفسي تنجح التجربة باش يتشافاو مساكن وتا سيدي ربي ماخيبنيش صدقات خرج واحد الضو ملون نزل من يديا وتخلط مع الما وولا ترياق كايشافي أي نوع من الضرابي والجروح .المرضى شدو الصف وبديت كانعطي لكل واحد فيهوم كاس من الماء الشافي ودغيا كايبراو وترجع ليهوم قوتهوم ومن بعد ساعدت الممرضات باش نمسحو عليهوم الدم وولاو صحاح فصاح ولكن بصراحة جروح القلب لي ماقدرتش نداوي ليهوم رغم انهوم ولاو فوق بيخير إلا أن الحالة لي وصلو ليها وفقدانهوم لعائلاتهوم خلاتهوم مكتائبين بزاااف وكل واحد مكواني فبلاصة كايتحسر على حالو ،مابغيتش نشوفهوم فهاد الحالة طلت فوق واحد الطابلة وانا نلقي عليهوم خطاب عمرهوم ينساوه
امال:بصاح داويتكوم جسديا وغانقدر نداويكوم تامعنويا ماتصحابنيش واش نتوما ضعافين تال هاد الدرجة يأستو عند أول عقبة جات قدامكوم ماتصحابنيش واش نتوما فاشلين تال هاد الدرجة
الشخص:نتي اصلا علاه غاتحسي بينا حنا راه فقدنا عائلاتنا
أمال:وتا أنا فقدت عائلتي وبزز عليا،شكون كره يبقا مع والديه عايش بأمان وفرح وسعادة تاواحد ماغايكره ولكن كون متأكد واخا كون ماماتوش فهاد المجزرة كانو غايموتو فوقت اخر كلنا عندنا موعد مع الموت ولكن كانختالفو هي فالموعد تقدر تموت دابا وتقدر غدا أولا العام الجاي هي الموهيم كون متأكد أنو راه غاتجي لحضة الوداع عاجلا ام أجلا غاتنعس أحسن نعسة فحياتك لي مايقدر تاواحد يفيقك ديك الساعات لي كان تايكرهك غايتوحشك ولي كايبغيك وحتى لي ماكايعرفكش غايبكي عليك علاش؟عرفتو علاش؟؟مني يسمع أنك متي ببطولة وشجاعة كادافع على مملكتك بكل قوة ونزاهة كاتحميها بالغالي والنفيس بروحك الغالية غاتفديها وغايسجلك التاريخ وغايدكروك الناس كان فلان أحسن مدافع للمملكة غايقراو عليكوم أجيال قادمة وغاياخدوكوم كقدوة غاتكون مفخرة لأولادكوم وعائلاتكوم كاليا واحد الشخص الضربة هيلا ماهرساتكش كاتقويك كونو أقوياء من أجل مملكتكوم ومن أجل زعيمكوم فيد واحدة لا تصفق ونكونو متحدين ضد العدو مفهوووم!؟
الشعب(بصوت جهور):مفهوووم هااااي هاااي
    الأمل بدا تايتسرب فقلوبهوم والنزعة الحربية حتى هي ولاو باغيين يحاربو يدافعو وولاو تايعاونو اصدقاءهوم فرحت لأنني درت حاجة زوينة تلفتت وأنا نلقى ارادون مربع يديه وكابشوف فيل بشبه إبتسامة نزلت ومشيت عندو
ارادون:ناري شكون لي كاتهضر ديك البنت لي كانت كاتبكي وصوتها كايضر فالراس
امال:يوووه صافي نسا الزعتر تفوو علعموم اش طرا
ارادون(بغضب):هادشي زاد على حدو بزاف خاصنا نتحركو وقوة الظلال تطورات
امال:كيفاش
ارادون:تال الليل ونشوفوهوم عن قرب لذلك ستعدي
®®®®®®®®®®®®®®®®®®®®®®®®®®®®
هييلوو تيتيزات كيجاكوم البارت سمحو ليا ماطولتش فيه ولكن البارت الجاي غانطولو والإثارة غااتكونن فيه غايكون مقود
ڤوت+كومونت 😇😇