قلبي بغاه 💜💜

23

خرجت من الغابة وأنا عازمة كل العزم باش مانخليش تاشي هضرة تجمع بيناتنا يكفي ماهرس وماتشمكر من كرامتي الحال ضلم ولقيت كاع العسكريين مجموعين جيهت الحدود إذن دوك الظلال غايبداو الهجوم تاني تفكرت بلي الحاجة لي كاتقضي عليهوم هي النار عيطت على واحد الجنرال لي جا عندي
امال:سمعني الظلال ماكايقتلهوم إلا النار لذلك غاتكول للجيش ديالك يرجع اللور بينما نشعل العافية باش مايقدروش يدخلو علينا
الجنرال:ولكن القائدة كيفاش غاشعلي النار على طول الحدود
امال:تفرج وشوف
تلفت ولقيت أرادون مربع يديه وكايشوف فيا درت راسي ماشفتوش مشا الجنرال لعندو وتشاور معاه وأرادون عطاه الموافقة والجنود بعدو على جيهة الحدود هزيت يديا بجوج ونطقت بالتعويذة كوميوز وضربت يديا بجهد على الأرض لي تشقات وخرجات العافية عالية شعلات على طول الحدود كولشي بقا مبهوض ومدهشر رجعت تا أنا شويا لور ووقفت مع الجنرالات و أرادون ،، السقيل والسكات كاتسمع غير صوت العافية وصافي
الجنرال:هاهوما وصلو
تايبانو لينا الظلال جايين كايجريو بواحد السرعة خيالية وكايضحكو واحد الضحكة كاترعد القلب البعض منهوم تحرق فالعافية والبعض لاخور بدا كايتجسد على صورة شخص عادي بعينين حمرين ماقادينش يقربو لأنهوم فينها تايقربو كانحرك يديا وكاتزيد العافية تشعل وترتافع شويا قربت انا وتبعني أرادون وقفنا أونفاس مع الظلال شويا بداو تايبعدو فحالا بايدوز شي واحد شويا كايبان ليا واحد الجسد تاع واحد البنت قدي كاتبكي وكاتطلب لي يعتقها أرادون نفاعل
أرادون:لولا واش هادي نتي
وهو باغي يختارق الحاجز تاع العافية وانا كانشد فيه وكانمنعو
أمال:لااا أرادون هادا راه غير وهم أرادون حل عينيك
ارادون:لااا لولا ماتمشيش تسناي حيدي عليا نتي
جمع واحد الديريكتا وضربني على كرشي حتى تلاحيت تفرشت فالأرض وتقييت الدم هزيت راسي وانا كانشوف الجنرالات كايمنعوه هزيت يدي بصعوبة وشيرت على داك الظل ونطقت بالتعويذة تلعافية كوميوز وهي تشعل فيها العافية قدامو وتحولات لظل عينيه حمرين العافية شاعلة فيه تايغوت تاولا رماد
ارادون:قتلتيها نتي قتلتيهااااا
تم جاي جيهتي بايضربني والجنرالات محاميين عليه وانا كانتراجع لور
امال:ارادون رجع لعقلك هاداك راه هي ظل تايقرا المخاوف تاع بنادم وتايسيطر عليه بيه
هو لهضرة عادا بدات كادخل ليه لراسو وقلل من التعربيط ديالو عادا طلقوه وهو بدا كايمسح على وجهو وكايضرب فلي لقاها قدامو انا بقات ضاراني ديك الضربة شوية سمعت واحد الصوت مألوف وبزااف تلفت جيهت الضلال ولقيت أخر شخص ،اخر شخص بغيت شي ظل يتجسد ليا فيه هو "هشام" صديق الطفولة ديالي خووويا كتر مايكون صديقي ولكن ...هو مات ... النهار لي جا وكاليا كانبغيك أامال رفضتو وكلت ليه انا كانحسبك كي خويا لأنو كان حنين فيا وكان كايفكني من ماما ونهربو وسرقو الليمون من الفيرمة ولكن نهار رفضتو هو.....ضرباتو طوموبيل ..ومات الظل(هشام):امال هاني كاين أجي عندي أصديقتي أجي
امال(بحرقة ودموع):هشام مات مات مات ومشا لبلاصة أوخرى أحسن سمعتي اهئ اهئ كوميوز
قريت عليه التعويذة وشفتو كايتحرق قدامي وقلبي كايحرق معاه ماضي نسيتو وطويتو عاود خرج ليا من جديد ولكن انا أمال كيفما تخطيتو عادي نتخطاه مرة أخرى وقفت بصعووبة بسباب الضربة لي فيا هزيت يديا وبكل ذرة حقد فيا قريت التعويذة وبداو كايتحرقو كووولهوم شي تحرق وشي هرب وبقا ظل واحد وقف وشاف فيا مزيان وقال"غانبلغ سلامك لملك الظلام" ومشا بزربة ، القفة تقلبات وعواض ما المجزرة تكون ديال الشعب ولات ديال الظلال من هاد الناحية رتاح ضميري وحتى من ناحية هشام غانريح جد بو هاد الضمير بزز منو
امال:ماطفيوش هاد العافية تحسبا لا يعاودو يرجعو مرة أخرى
خلاوها ودخلت لواحد الخيمة تكيت فواحد البلاصة فكرة كاتديني لفكرة وخلاصة وحدة خرجت بيها كاتحتاوي على جوج أفكار هي ان الملك ديال الضلام ماغايسكتش على هادشي أولا والثانية هي أنا ارادون عندو ماضي ،وماضي خايب
🌞🌞🌞🌞
ظرباتني الشمس لعينيا وشي شخص كايفيقني حليت عينيا بتتاقل لقيت أرادون كاينوضني لالا كايزعزعني
ارادون: هييه نوضي يالاه راه راجعين فحالنا واااا الباشاار
امال:حيد يديك عليا وهاحنا نايضين
ارادون:ديريها من الصباح وانا من الفجر كانفيق فيك نوضي تهزي دغيا
خرج هو من الخيمة ونضت انا خرجت لبرى لعافية باقيا شاعلة طفيتها بالتعويذة ولقيت منوراها هي الرماد تاع الظلال وصينا الجنرالات يدخلو الشعب لداخل المملكة ويشعلو العافية بحال البارح
ارادون:نفدو هادشي لي كلت مفهووم
الجنرال:مفهوم
ارادون:يالاه وصلينا نتي
امال:بغيت نتقابح معاك ولكن انا عيانا وبغيت نستاراح
شديت فيه ونطقت بالتعويذة سيڤر وصلاتنا للبلاصة لي كنا فيها قدام القصر طلق مني ودخل تنهدت وتبعتو لقيتهوم مجموعين فالبهو الأكبر دخلنا عندهوم وشافونا
ادهم:امال جيتي تشوشت عليك مال حالت هاكا وهاد الدم ففمك
لؤي: أمال واش بيخير
ديفيد:اش وقع ليكوم
زيكس:بشوية عليها دقة دقة
كانو كولهوم مجموعين عليا وارادون كان واقف كايشوف تلاقاو عينينا وهو يدير ابتسامة استهزاء وطلع
ارادون:انا غادي نرتاح طلبي منها تشرح ليك اش كاين
شافو فيه بتعجب اصلا بالنسبة ليهوم هادي هي طبيعتو ولكن انا .... ماعرفتش مانكول كلست حداهوم وكانت وهيبة
امال:انا بيخير ... ماشي كليا ولكن بيخير لقينا إصابات خايبة وخطيرة بزاف فالشعب والعلاج تقادا انا كانملك قوة الشفاء وشافيتهوم بيها كولهوم من بعد بالليل دورت على الحدود العافية
وهيبة:العافية؟؟
امال:اه العافية لأنها هي الشيء الوحيد لي كايقضي على الضلال وانا اكتاشفت قدرتي على السحر وانني مني كانطق تعويذة دغيا كاتصدق ليا بحال تاع الما والعافية والثلج وبزااف من بعد وتشوفوهوم الموهيم حميتنا بالعافية والظلال تحرقو بيها ولكن ....
ديفيد: ولكن اش؟؟
امال:الظلال طورو من راسهوم وولاو قادرين انهوم يقراو ذكريات الناس و الحاجة لي مامسامحينش عليها راسهوم يعني المخاوف يقدرو يقراوها وهوما كايجسدوها مثلا انا كانخاف من شي غلطة درتها مع شي شخص هوما كايجسدو داك الشخص وكايخليوك تاتوهم وكايستدرجوك ليهوم
زيكس:يعني حنا قدام تحدي جديد
ادهم:تحدي جديد وخايب خاصنا نتاخدو الإجراءات ديالنا
امال:انا دابا عقلي مبلوكي خاصني نرتاح ومن بعد نكملو نضت طلعت فالدروج يالاه بيت ندخل لبيتي وانا نشم ريحة مألوفة ريحتو
ارادون:بدلي عليك ونزلي للتداريب
امال:لا
ارادون:نعام؟؟
امال:لا هي لا انا عيانة
دخلت ويالاه بيت نسد الباب وهو يحبسو برجليه ودفعو ودخل عليا للبيت وسد الباب منوراه
أرادون:.......يتبع
©©©©©©©©©©©©©©©©
جووج فصووول بالتتابع يا سادة هانتوما راه كانعوضكوم وكتبتهوم فنهار واحد وبالتتابع عرفتو علاش؟؟حيت نتوما عزازين كاتفاعلو وكاتكومونطيو وانا كانكافأكوم علعموم يقدر يكون بارت هاد الأسبوع يقدر لا على حاسااب الفروض
دخلت عند مول العربية واااش نكول ليكوم غسلنااا بمعنا الكلمة كالينا نتوما زعما راكوم الباك واداب يا حسرة زعما خاص يكون عندكوم فصاحة اللغة وفصاحة اللسان اخم احم الرجوع لله اوستادذ راه انا عندي فصاحة اللسان هي فالسبان لينعل الفاعلة التاركة تمك وماجاورها كاليك تاواحد ما كتب مزيان والنقط ماكاينينش وحفضو المؤلف بلابلابلا اووف تفو بداك السم نضت لبارح وليوما لثنين لي ماقريناش حفضت دوك المؤلفات و شي حاجة لي قليلة ماحفضتهاش باش نقلها اتفوو على بلية علعموم (بلحن)يتقااود عليااا
هو لي نقصني ونتوما كاين شي اوستاذ تايخطب عليكوم ههههه