قلبي بغاه 💜💜

38

وفقو قدام داك القصر المظلم والجو الكئيب لي حايط بيهوم تما .كون كان اي شخص عادي كان غايسخف بالخلعة ولكن لا هادو ملوك الممالك تاحاجا ماكاتهزهوم اولا تخلعهوم
وهيبة:تخيلتو بطريقة بشعة ساعاتك هو ابشع كاع اووف على قصر
ديفيد:مستعدين باش نهجمو
الكل:مستاعدين
    دخلو للقصر لي بحالا مهجور لا حياة فيه
ارادون:اش هادشي المكان خاوي
زيكس:ماعرفتش
   تمشاو بحذر وبشوية عليهوم حتى كايتصدمو بصوت ضحكات وهمسات تلفتو بسرعة حتى بان ليهوم اكبر تجمع تاع الظلال وكائنات بحال الزومبي وصحااااحين بداو تايهجمو عليهوم ناض أدهم وهو يطلق النيران الحارقة على الظلال تا ولاو رماد في حين أرادون استخدم القوة ديالو وحبس على دوك الزومبي الاكسجين وبقاو تايتخنقو وديفيد حول أجنحتو لمادة حادة وقطعهوم طراف طراف بقاو على داك المنوال تاع القتال والجنود توع ملك الضلام بعدما كانو الف جندي مابقا منهوم والو قتلوهوم ستة الاشخاص مشاو بزربة لقاعة العرش فرشخوها لقاو ملك الظلام ابشع شخص في الوجود بالرداء الاسود ديالو ووجهو البيض بلا قياس لأنو ماكايشوفش الشمس داير رجل على رجل هي شافهوم دخلو وهو يبدا يصفق ويضحك ديك الضحكة لي كاتخلع
ملك الظلام:برافو برافو عليكوم صدمتوني مني قدرتو توصلو حتال هاد المرحلة اياياي وهيبة زادو كتارو فيك التجاعيد على اخر مرة شفتك اوووو ديفيد العاشق الولهان هممم معشوقتك كاتعاني دابا
لؤي:فيناهي امال
ملك الظلام:زربان تشوفها تا انا ماغانعطلكومش
     صفق بيديه وهي تحل الارض وخرجات منها كانت امال فواحد القفص كحل بحال تاع الطيور وكولها عامرة دمايات وحوايجها مشركين شافت فيهوم بفرحة ودموع
امال:.جي...جيتو....كيدايرين...ياكما طرات ليكوم شي حاجة....
ادهم:امال مال حالتك هاكا استخدمي سحرك وقوتك باش تحرري
      استخدمات تعويذة الانتقال وداك القفص خرجات منو واحد الحاجة كحلا وهي تلوا على امال وهي تجيها بحال الصعقة الكهربائية قوية بزااااااف لدرجة انها عاودات نزفات صوت صرااخها عمر القاعة...صوت ألم ..معاناة....خوف... وتخلط مع صوت ضحك ملك الضلام بقات شي ربع ساعة من المعاناة عاد حيد عليها داكشي وهي تطيح كاتلهث وتوجع
لؤي:اماال
   تم غادي تايجري وهي كاتبعدو بضعف
امال(بضعف):لاا ماتجيش
   بمجرد ماقاس داك القفص وهي تضربو ديك الصعقة تاتلاح على الحيط لي قدامو وكعد كايتلوا من الالم
ملك الظلام:اوووو كتر من هاديك الصعقة واجهاتها هاد الكتكوتة لي قدامكوم
ارادون:نتا لي لعبتي بالنار والنار كاتحرق وكاتعذب وانا لي غاندوقك من الكأس لي شربتيها منها
    ارادون ولاو عينيه كحلين مابقاتش ديك البلبوزة لكحلة وزاد ضخام اضعاف مضاعفة ملك الضلام كان تايشوف فيه بصدمة بغا ينوض يتحرك ولكن ماقدرش حيت وهيبة كانت كاتقرا عليه واحد النوع تاع السحر المحرم باش يستنزف طاقتو ناض زيكس وخرج النباتات وتبت ملك الضلام مزيان باش مايغفلش وهيبة ويهرب ادهم تحول لرجل النار وقرب لحداه وهمس ليه فودنيه
ادهم:استعد باش تدوق العذاب لي دوقتيه لكاع الابرياء
   يالاه بايبدا وهو يدخل واحد الشخص اخر شخص متوقع لي هو ....
ملك الظلام :ولدي اجي عتقني اسيزيف
سيزيف(ببرود):لا جيت باش نشوفك تاتموت بدم بارد حيت من اللول كلت ليك بلي هادشي لي غادي فيه ماغايوصلكش لتا نتيجة وفالمقابل لعنتيني باش مانشوفش الشمس لذلك انا غانتلذذ نشوفك تاتموت
امال:....سيزيف....
     بقا ارادون تايضرب فيه وادهم دار ليه الحرق البطيء بعدما الدنيا كانت عامرة بصراخ امال دابا ولات تاعت ملك الضلام لي عدبوه واختاتموها بديفيد لي قطع ليه راسو وخلاه جثة هامدة
سيزيف:سمح ليا ولكن عمرك ماكنتي الاب لي كانتمناه حيت مني كنت كانخرج نتسلت للشوارع فالعامة كانسمع غير الالم والشكاوى ديالهوم
وهيبة:نتا اذن هو ملك ديك المملكة الاخيرة ياك ؟؟
سيزيف:اه ورجت باش نرجعها لمولاتها باش تشدو تلاتة الامنيات
   دارو عند امال لي لقاو داك القفص تحيد وهي طايحة ماقادراش تحرك مشاو لعندها وهزوها تايتأكدو واش هي حية
*****
فالقصر
بعدما رجعو من تماك بفضل داك التنين لي جا لتماك لانو كان متبع الاحذاث وهو لي جاب سيزيف داوهوم لوحدة المعالجة السريعة وعالجو امال لي عانات من جروح بليغة وبزاف وبعد يوماين استرجعات قوتها ومشات باش تتوج كملكة لمملكتها وتشد دوك 3الامنيات
القس:و بعد قرون عدة من حكم ملك الظلام لينا جانا الخلاص مع هاد تلاتة تاع الشبان الأكفاء لي دافعو على المملكة والمجتمع بكل ما أوتو من قوة غانعلنوهوم كملوك على مملكة النار .مملكة الذئاب واخيرا مملكة السحر
   كانت هاديك مملكة السحر والعجائب اول مادخلو ليها انباهرو بيها كانت هائلة كولشي فرحان وناشط بلا هموم
القس:ومن هاد المنبر الالهة ديالنا كاتبارككوم ب3الامنيات وكانضن انكوم اتفقتو عليها
ادهم:اه اول امنية هي كانتمنى ان الوضعية تاعت هاد الممالك تزداهر وتعرف تحسن
    بمجرد ماقالها واحد الضو ضرب فالدنيا كولهااااا بحال شي انفجار الشيء لي دل على ان الامنية تحققات
القس:مبارك الالهة استاجبات ليكوم الامنية التانية ؟؟
لؤي: اتمنى انه عمر الشر ما يمس هنا ويعيش الشعب بأجمل الاخلاق وبالتضامن
    عاوتاني طرات نفس الحاجة وضرب داك الضو
القس:الامنية التانية تحققات بقات الامنية الاخيرة
    امال شافت فوهيبة لي بتاسمات ليها وتمات غادية لعندها وعنقاتها مدة وامال شافت فيها بعيون مدمعة
وهيبة:تهلاي فراسك ابنتي كنت كانتمنى انو تغيري قرارك ولكن انا محتارماك وعارفاك شي نهار غاتغيري رأيك
امال:وهيبة شكرا ليك بزاف على الاستضافة ديالك لينا وخصوصا ليا لانني كنت كانجيب ليك هي المصايب وصافي
وهيبة:لا ابنتي كنتي كاتمتلي واحد الجزء كبير فهاد القصر
   مشات امال عند زيكس
زيكس:ماكرهتش نمشي معاك وندوق هاد السوشي ولكن ما باليد حيلة
امال:هههه بلاش مادوقو اصلا هو خايب غانتوحشك الحوتة ديالي وبزاااف عمرني ننسا ديك الهرجة لي خرجناها فالما والمعلومات لي عطيتيني
    عنقاتو مزيان وزيرات عليه وتاهو كذلك من بعد شافت فديفيد
ديفيد:دغيا بيتمشي ماكنتش متوقعها منك اامولتي
امال(بدموع): ههه تا انا ولكن مهمتي نفدتها وانا عالمي كاين لهيه وتماك لاش تانتامي ماشي هنا تمنيت نديك معايا ولكن مستحيل تهلا فراسك الغزال
عنكها بجهد وتاهي حتى انو بكا حيت صعيب يمشي شي شخص تعلقتي بيه بزاااف
  اخيرا شافت فأرادون لي كان واقف
امال:ارادون ...ام وصلات لحضة الوداع وتحققات وحدة من امنياتك لي هي نمشي هانتا بعدا غاترتاح مني ههه(بدموع)تهلا فراسك اعديم المشاعر
   كالت ليه هاد الهضرة مع دموع مخلطين بالابتسامة ومشات ....شوية حسات بشي حاجة جراتها من يديها وجراتها كان ارادون لي جرها وعنقها بجهد وزير عليها الشيء لي خلاها تتشبث بيه وتزير عليه معنقاه ودفنات راسها فصدرو وهو دار راسو فعقها وهمس
ارادون:غانتوحشك اامال ماتمشيش
امال:مانقدرش انا بغيت نبقا معاك نتا بوحدك ولكن
ارادون:انا كانبغيك اامال كانبغيك بزاااف
   زير عليها منورا ماكال هاد الهضرة وتاهي وزادت فحدة بكاءها  بقاو هاكاك شحال عادا طلقها هز ليها راسها بين يديه وتايمسح ليها دموعها
ارادون:مانبغيش هاد الدموع نشوفهوم
امال(ببكاء): هيلا كنتي كاتبغيني بصح غاتكعد عاماين بلا ماتبغي وحدة اخرى وبلا ماتزوج وديك الساعة غاتشوفني باش نتأكدو بجوج من حبنا لبعضياتنا وهاك هادا
   حيدات واحد الخاتم من يديها وعطاتو ليه
امال:خليه عندك شي نهار هيلا رجعت عطيه ليا راه غالي وامانة هندك
وتاهو حيد واحد من خواتمو وعطاه ليها
ارادون(باسها فراسها):تهلاي فراسك راه نموت هيلا وقعات ليك شي حاجة
   عاودو تعانقو وطلقها مشات حدا ادهم ولؤي وكالت كانتمنى اننا نرجعو لعالمنا الحقيقي شويا وهو يحيط بيهوم واحد الضو ودارت ليهوم باي باي كولهوم واختافاو بمرة من داك العالم كأنهوم عمرهوم ماكانو فيه.....يتبع
¤¤¤¤¤¤¤¤¤¤¤¤¤¤¤¤¤¤¤
دااام داام دااام بارت محزن ياكو انا كانكتبو وعينيا مغرغرين عليا تفوووو اشدانا لشي دراما ولا حزن كيجاتكوم سيرورة الاحذاث بغيت رأيكم وخصوصا فهاد البارت اهئ اهئ اهئ اراااادوووون 😢😢😢😢