رجع منتضر الذاكرتة وهو على اعصابة كوة متحمل الوكت نزل مهند نزل يمة لان ضل بالة على صديق عمرة اتأخر
مهند:منتضر وينك ضل بالي يمك ليش اتأخرت بشر شسويت بأختراعك جون بيرد 😒
منتضر: اي حشش ابن الاوادم 😏من تخترعلك شغلة تعال حشش على اختراعي 😌
مهند: ماشي وشوف شنو راح اسوي الة اخليك تاخذلي تحية
منتضر:تعال شوف الاختراع واخذ الجهاز التحكم وبدة يحرك بالطيارة وشوفة الصور الي اخذهن الة مهند ضل صافن وفاتح حلكة
مهند:ولك نجح اختراعك وراح حضن صاحبة والفرحة تلمع بعينة وكال شراح تسمي وشسوي بي كال
منتضر:ماادري مهند بعدني ممفكر بالاسم وشراح اسوي بي اذا شفت شركة زينة اسوي عقد وياهة وابيعةالهم
مهند:اكول منتضر متخاف ياخذونة ويستخدموا الغير شغلات
منتضر:واني هيج غبي اروح اسوي عقد ويا ياهو الجان بالاول اشوفلي شركة زينة وسمعة واعرف نيتهم وشيريدون يسوون بالجهاز
مهند:اوك مادام هيج اني ادري بيك مينخاف عليك واني مطمأن
يلة اني اروح انتضرك حتى نطلع سوة
منتضر: ماشي حبيبي انتضرني اني شوية وجايك واريد اتغدة لان كلش جوعان واليوم الوالدة مسوية سمج تعال يمي اليوم
مهند:اكيد اجيك ليش هواني اكدر افوت طبخ الوالدة عليهة نفس الله يخليهة ويحفضهة
منتضر:اي والله فعلا كلامك طبخهة ميتفوت يلة روح واني اجي وراك حتى نطلع من وكت
مهند:يلة اروح اني
وراح مهند وهناك جان اكو شخص يراقبهم واتصل على
السفاح: وهو صاير عصبي ليش اتأخرت تدري اني عندي الدقيقة بحياتك
الشخص: اسف باشا بس مهند اتأخر وضلو يسولفون واني ضليت اراقبهم لحد ماطلع مهند
السفاح:كولي شفت الاختراع
الشخص: اي شفتة ونحج والاختراع شسوي بي هسة باشا منتضر اوامر منك حتى اتحرك
السفاح:انتضر مني مخابرة واكولك شنو الي سوي يلة روح شوف شغلك
وراح منتضر وطلع يم صديقة مهند حتى يرجعون للبيت
منتضر:ها مهند كملت شغلك
مهند:اي كملت ومنتضرك
منتضر:يلة لعد امشينة
وراحوا للبيت وشافتهم الوالدة وسلموا عليهة وهية راحت صبتلهم اكل وكعدوا اكلوا وكملو
مهند: عاشت ايدج يمة الاكل يخبل وصدك شبعت
فاطمة: الف عافية يمة تعال يومية واني اسويلك الي تحبة شعندي غيركم
منتضر:فدوةاروحلج يمة وين الكي مثل اكلج
مهند:وانت بس تفكر بطنك 😒
منتضر:خاب نجب 😌تروح فدوة البطني
فاطمة: هم يجي يوم واشوفكم عرسان اريد اشوفكم مرتاحين قبل ماالله ياخذ امانتة
مهند ومنتضر:اسم الله عليج يمة
منتضر:يمة كلشي بوكتة حلو لتشغلين بالج
مهند:لتخلين بالج بهيج امور صدكي راح نشوفينة ثنينة عرسان وبيدج تزفينة
فاطمة: جا انا شريد يمة هذا الي اريدة اشوفكم مرتاحين ومستقرين
مهند:ان شاءالله ولتخافين اذا ازوجت اكيد اخذ منتضر وياية 😏
منتضر:😒وانت كل عزة الطامة ياطلابة منتضر
مهند:جا غير انت ظلي وين مااروح تجي وياية 😌
منتضر:يلة هوينة ابو ظل
مهند:شفتي يمة هاي طردة حرة مباشرة
منتضر:ميكعد راحة مردونا 😒
وراح مهند بعد ماسلم عليهم ورجع منتضركعد يم امة شوية وهو صافن اجتي رسالة الة عالواتساب وجان محتوى الرسالة /هلو استاذ منتضرالصراحة اختراعك عجبني وحبيت اسوي وياك صفقة اذا ممكن تجي علية على هذا العنوان/
منتضر:مصدوم شلون عرف بموضوع الجهاز ومنو هذا وشنو يريد مني هاي الاسئلة كلهة جانت ادور بال منتضرومن التفكير نام بمكانة وامة حجت ويا وهو مجاوبهة واندارت شوفة ليش ميحجي من شافتة نايم راحت جابت غطى وغطتة بي وهية كلبهة محترك علي وتفكر شوكت تشوفة مستقر ويجي يوم تجي بي وحدة وتدخل بكلبة وماحبت تكعدة لان منتضر بي طبيعة اذا نام وكعد ميكدر ينام بعد
ثاني يوم الصبح دك منبه وكعد منتضر طفةالمنبه وكام ياخذ دوش شاف امة وصبح عليهة وباس راسهة
فاطمة:يمةراح اسويلك ريوك ولدكول لا مثل كل مرة ترى مراح اتريك
منتضر:واني اكدر ارفض اوامرج خلي اسبح بين متحضرين الريوك وهزت راسهة وراحت جهزلة الريوك
طلع منتضر من الحمام وبيدة الخاولي ودينشف شعرة وسمع موبايلة يعلن عن وصول رسالة وراح يم موبابلة وفتح الرسالة وشاف نفس الرقم الي راسلة البارحة وجان مكتوب بيهة منطيتني جواب راح تجي للعنوان الي كتلك بي
منتضر: مااعرف ليش ممرتاح الهذا الشخص رغم اني محجيت ويا بس اموت واعرف شلون عرف بموضوع الجهاز يلة خلي اروح وراح الكى جواب الكل اسألتي ورسلة رسالة وكالة اوك راح اجي ساعة بالخمسة وضغط ارسال
وراح يلبس ملابسة ورى دقايق اعلن موبايلة عن وصول رسالة ومكتوب بيهة اوك اتفقنة
ونزل منتضر وكعد يم امة وتريك وكاللهة يمة اليوم لتنتضريني عالعشة طلع عندي شغل
فاطمة: ماشي يمة ديربالك على نفسك ولتتأخر
منتضر:ان شاءالله مراح اتأخر محتاجة شي يمة
فاطمة: لايمة محتاجة سلامتك
منتضر:يلة مع السلامة
وراح منتضر يم مهند حتى يطلعون سوة للشركة
وخلص الدوام ونزل منتضر مستعجل حتى مراح على مهند مهند شافة ونزل ورى وراح لحكة بالسيارة بدون ميدري لان منتضر ميطلع اذا مو ويا مهند بس هالمرة طلع حتى بدون ميمر على صاحبة معنى اكو شي
وصل منتضر للمكان المحدد وهوعبارة عن بناية مهجورة
ودخل منتضر البناية وصل مهند يم البناية ونزل من السيارة وطلع ورى منتضر بس بدون محد يحس علي وصل شاف منتضر واكف مسافة عن الجماعة وديحجي وياهم وراح مهند يمهم قريب وكف ورى عامود راجعة للبناية وجان يسمع الشخص الي يحجي ويا منتضرويكولة اهلا نورت استاذ منتضر
منتضر:اني مجاي اسلم عليك ادخل بصلب الموضوع منو انت وشلون عرفت بالجهاز ومنو وصلك هاي المعلومات
السفاح: لتستعجل على رزقك كلشي بوكتة حلو الكل يعرفني بأسم السفاح اما شلون عرفت بموضوع الجهاز احب اكولك مينضم علية شي اني اريد اقدملك عرض واريدك توافق علي
منتضر:كول شنو هذا الاتفاق خلي اسمعة وبعدين اوافق علي
السفاح:اني اريد جهازك مقابل مبلغ انت تحط الرقم الي تريدة
منتضرضحك وكال انت شنو جاي تشتريني اريد اسألك انت شتريد تسوي بالجهاز
السفاح:مااريد اسوي شي بي مجرد نريد نستخدمة للاماكن الي من الصعب الانسان يوصل الهة للبناء وغير شغلات
منتضر:اني موطفل عندك حتى تقشمرني بكلامك هذا لوانت صدك نيتك صافية جان ماجبتني الهذا مكان ولاجان خفيت وجهك صح كلامي لولا وباوع علي بنضرة غامضة
السفاح:انت من يومك ذكي استاذ منتضر انت معليك احنة بشنو نريدة كل الي عليك تنطينة الجهاز مقابل مبلغ كلش جبير من المال وبالرقم الي انت تحددة
منتضر:مستحيل اسلمك الجهاز والي وصلك هالمعلومة راح اعرفة اكيد
السفاح: ليش مدكول صاحبك وصلني هاي المعلومة مهند جان يسمع كلشي وانصدم يوم جاب اسمة واتهمة اتهام باطل حتى يوكع بينهم لان سالفة الجهاز محد يعرف بي غير هو ومنتضر مهند خاف لامنتضر يصدك كلامهم بس تفاجئ برد منتضر وكال مستحيل صاحبي يسوي هيج بين اني اعرفة اكثر مما اعرف روحي لتحاول ظللني وتوكع بين صديق عمري دورلك غيرهة تشتت بي انتباهي
السفاح:يبدو انو علاقتكم قوية المهم اني ماعلية من كل هذا الي اريدة الجهاز وبس لتحاول ترفض مااضملك سلامة رجوعك للبيت
مهند فتح عينة ونصدم من كلامهم وكال لامستحيل اخليهم يكتلونة مستحيل ياربي هذولة سبع نفرات واني وممنتضر منكدر عليهم لازم اشوفلي حل وبأسرع وقت
السفاح: يعني هذا جوابك الاخير
منتضر:اي وشتريد سوي واعلى مابخيلك اركبة متخوفني تهديداتك وهنا جان يطلع السفاح المسدس مالة وصوبة بأتجاه منتضر وكالة تشاهد على روحك
هنا منتضر غمض عينة واذكر امة وشلون راح تتحمل خبر موت ابنهة الوحيد
اما مهند افكارة كلهة تشتت وصار يفر براسة منا ومنا بلكي يلكيلة شي ويحاول ينقذ صديق عمرة بي وهو يدور جان يلكى دبة بيهة نفط هنا خطرة بالة فكرة يرش المكان كلة بالنفط الطابق الي همة بي بس واخذ الدبة وجان وبدة يرش بالمكان بدون ميحسون بي من كمل طلع الجداحة من جيبة وشعل المكان كلة بالنار والمكان اصبح عبارة عن لهب من النار
السفاح:هاي شنو منين اجتي هاي الناروهنا منتضر استغل انشغال السفاح وهرب من مكانة وركض وهو يركض جرة واحد وجان يطلع مهند
باوع منتضر علي وكالة مهند شسوي هنا شجابك الهذا المكان
مهند كال مثل ماجابك انت واني اجيت وراك
منتضر:يعني هاي النار انت سويتهة
مهند:كال يلة خلي نركض قبل ليحسون بينة وافهمك بعدين
وراحوا ركضو الخارج البناية
السفاح: ولكم اغبياء وجان يصيح بعالي صوتة هذا وين هرب روحوا دوروا علي يييييلة
واحد من رجالتة: باشا خلي نطفي النار لان صرنة منشوف كلشي وراح نختنك من ورى النار
بعد ماطفوا النار وراحو السياراتهم السفاح جان كلش عصبي وكسر كلشي كدامة
السفاح:يصير خير منتضر وراك وراك هالمرة نفذت بس تشاهد على روحك المرة الجاية
منتضر ومهند راحوا البيت مهند لان منتضر جان كلش تعبان وماحب امة تشوفة وهوبهيج وضع ً
منتضر: احجي يلة شلون ندليتني واجيت وراية ولو صارلك شي اني شلون راح اتحمل
مهند: من نزلت من الشركة بدون منطلع سوة او عالاقل تجي تمر علية هنا عرفت اكو شي لهذا اني هم اجيت وراك بدون متحس ليش محجيتلي وكتلي ليش ضميت علية
منتضر:مردت اخليك بخطر او لو كتلك اكيد جان اجيت وياية مثل ماحضرتك سويت
مهند:جا شلون لعد غير انت صاحبي شلون تصير الصداقة بعد
منتضر:اني خايف لايعرفون مكان الجهاز
مهند: انت لازم تغير مكانة اكيد اذا مراقبيك يعني يعرفون مكان الجهازوين ومراح يخلوك بحالك هالمرة نفذت مرة ثانية مينطوك مجال بس اني محيرني شغلة ليش خافي وجهة اكو شي بالموضوع
منتضر:واني هم كلت بس تدري الصوت موغريب علية
مهند:واني هم بس للاسف حاولت اذكر وماكدرت
منتضر:اروح اني انام ويلة انت هم كوم
مهند:ماشي بس انطيني وعد مسوي شي اذا مواني وياك
منتضر:وعد بس مستحيل اخليك تتقرب للموت برجليك
مهند:اني وياك للموت ومستحيل اخليك تروح لاي مكان بدون مااكون اني وياك بي.
وهنا خلص الجزء الثاني
شنو رأيكم ومنو السفاح
