صار الصبح وكعد منتضر من النوم وشاف مهند كاعد ومسوي ريوك
مهند: صباح الخير
منتضر:صباح النور
مهند:يلة كوم غسل حتى تتريك وياية شتريد بعد اليوم اني الي مسويلك الريوك
منتضر: ماشي بس لدوخني كل شوية اني مسويلك الريوك 😒ضحك مهند وكال:لاخلص مراح احجي شي
وكام منتضر غسل واجة كعد يم صديقة يتريك
وبمكان اخر
اني تعبت جلال شوف وضعنة تدري نقطة ضعفي امي واختي ماعدهم غيري وابوية عافنة وراح ازوج ونسة بيتة واولادة
وانت تدري بحالتنة او وضعنة المادي
جلال:ريان مااريد اشوفك ضعيف اريد اشوف ريان الي كلة يضحك ويبتسم وميعرف للضعف طريق وميخلي هالشي يتغلب علي
ريان: الله كريم جلال انت بشر شسويت بتعيينك
جلال:والله بعد ريان انت تدري اوضاع العراق شلونهة حاليا التعيينات ماكو
ريان: الله كريم هية خربانة بقت على هاي
داليا: هلو وسام شلونك
وسام:هلو بيج 😏خير اليوم منورتني شعجب ذكرتيني لو هرب الجمل بما حمل وماخلالج شي
داليا:ماعاش الي يسويهة وسام واجتي خلت ايدهة على قميصة اكولك منروح للشقة كلش ضايجة اني
وسام:اي شكو علي نروح شورانا يعني
وراحوا للشقة/ وبعد ميحتاج اكول شنو الي صار/ الي متعرفوا داليا صارت يومية يم شخص وعلمود اهلهة ميدخلون بيهة ولا يسألون وين رايحة وين جاية تنطيهم فلوس وهمة ناسين اهم سؤال منين جيب الفلوس داليا متحب تبقة فقيرة وضل تباوع عالبنات وهية ضل متحسرة لهذا كامت تروح وتطلع ويا الشباب
منتضر: دخل للبيت وصاح على امة يمة وينج
فاطمة: هلة يمة الله يساعدك حبيبي احضرلك الغدة
منتضر:اي والله يمة كلش جوعان
فاطمة: دقايق والاكل يجهز
منتضر:ماشي حبيبتي اروح ابدل واغسل بين متحضرين الاكل
وراح منتضر بدل وغسل واجة اتغدة ويا امة بعد ماخلص الاكل كال لامة يروح شوية يشتغل بغرفتة
دخل منتضر الغرفة وهو يفكر بالسفاح يريد يعرف منو ومنو الجاسوس الي يراقب تحركاتة بعد مااشتغل شوية عالحاسوب خابر علي مهند
مهند: الو شلونك نضوري
منتضر:هلو حبيبي شلوني بعد راح ينفجر راسي من التفكير
مهند:خليك حذر بخطواتك اكولك الاوضاع بالعراق كلش تعبانة
تابعت الاخبار
منتضر:لااصلا مشايف التلفزيون اليوم اكلت ورحت اكمل شغلي
مهند:لعد روح شوف الاخبار
منتضر:ماشي هسة اروح افتح التلفزيون
مهند:يلة حبيبي اروح اني عندي شغلة لازم اسويهة
منتضر:ماشي روح كمل شغلك وديربالك على نفسك
مهند: ماشي صار يلة اروح مع السلامة
منتضر:مع السلامة
وسد الموبايل واذكر يخابر بيت عمة الي ساكنين بالموصل التهة وبالجهاز ومخابرهم
منتضر:الو سلام عليكم
وعليكم السلام
منتضر:شلونك عمي منذر
منذر: هلة بهالصوت ولواني زعلان عليك لااتصلت ولاكلت اشوف بيت عمي اخابرهم اسآل عليهم
منتضر:حقك والله عمي تزعل واني اسف حيل بس صدك ياعموممرتاح اطلع الصبح واجي تالي الليل مشتاقلكم حيل شلونكم وشلون تارة وريام ورنا وعلي مشتاقلهم حيل
منذر: كلهم زينين بس منتضرين جيتك هاي ريام وتارة يردون يحجون وياك
منتضر:وينهم انطينياهم
تارة ورنا: و وصاحو بعلو صوتهم ها بذاااات وينك لاتسأل ولاادكول عندي بنات عم 😒
منتضر اذنة راحت وكال: ادري مخلين سماعة ثلاثية بحلكم ولكم طرشتو اذني 🤦♂️انطوني مجال احجي اول شي شلونكم وعلي مشتاقلكم بكد رحمة الله وعيونكم جان عندي شغل هاي الايام كلش هواية اخباركم انتو احجولي شلونكم بالدراسة
تارة وريام: تارة وريام الحمدلله كلش زينين طمنة عنك انت شلونك والوالدة شلونهة
منتضر:كلنة زينين ان شاءالله اسويلي جية عليكم
تارة وريام:هلة بيك تنورالموصل واهلهة
منتضر:فدوة الكلبكم ان شاءالله خلال ايام اني يمكم سلمولي على علي ورنا
تارة وريام: يوصل ديربالك على روحك
منتضر:ماشي وانتوهم
وسد منتضر التلفون وراح حتى ينام لان نعس حيل
