بعد ما دخلو اهل رقية عالغرفة امهة وابوهة واحد من هذولة الدواعش سحبوا رقية من شعرهة كدام اهلهة وهنا راحت رقية وانتهت من بعد مااختصبوهة اربعتهم واحد ورى الثاني وهذا كلة تحت انظار امهة وابوهة الاب متحمل صار عندة جلطة ومات والام كذلك متحملت ماتت لان جان عدهة عجز بالكلب ولهذا متحملت الموقف
وبقت رقية تتحمل مأساة هذا اليوم لحد يومهة هذا وهاي قصة رقية حقيقية
رقية درست وكملت دراستهة بيت عمهة لان ماعدهم بنية تعيش وحدهة وبعد الي صار الهة اعتبروا عار وكلما يجي شخص يطلب ايدهة عمهة يرفض ويكول انتي من كل عقلج ازوجج الغريب حتى باجر عكبة يكوم يعيرنة ومن هالكلام انتي الغير ابني مصيرين هو ابن عمج وراح يصونج احسن من الغريب
اكيد يصونهة اذا هية مادة دسمة بالنسبة الك لان هية الوريثة الوحيدة لابوهة
راح منتظر يم حارث بالغرفة دخل وشاف البنات كاعدات على صفحة وحارث مخلي ايدة على راسة ودايخ من التفكير شلون راح يخلص هذني البنات من ايد الدواعش بدون محد يحس عليهم
منتظر:ها حارث شبيك خوية شنو بالك شتفكر بي
حارث:ماادري شلون راح اخلص هذني البنات دافكر بطريقة اخلصهن منا بدون محد يحس
منتظر:ريم وريناد تعالن هنا اكعدن اريد احجي وياجن
وراحن البنات كعدن ين حارث ومنتظر بس الخوف مسيطر عليهن
منتظر:لتخافون مني ومن حارث لو نريد نسوي شي جان سوينا اول مادخلنة الهاي الغرفة اسمعوني انتوا راح تمثلون بأن احنة نعذبكم وتنفذون اوامرنة لان اذا مسوينة هيج راح يشكون بينة تحملوا شوية ماشي
منتظر بينة وبين نفسة ليش اتوتر من اشوفهة يارب صبرني معقولة حبيتهة بهالسرعة وهو صافن
حارث: منتظر خوية منتظر ياابو الشباب وين رحت
منتظر:ها لا اني وياك
حارث:اي مبين 🤦♂️
منتظر:حارث خوية شبلاك وياي اليوم
حارث:ماكو شي بس الة اوكع على علتك المهم راح نسوي الي كلتة نبدي بي من اليوم ماشي
منتظر:اوك
ريم:بس اني خايفة حيل
منتظر:لتخافين واني موجود بس عندي سؤال
ريم:تفضل
منتظر:انتي تعرفين تحجين بغدادي بطلاقة شلون وانتي موصلية
ريم: اني امي من بغداد واني عشت ويا خوالي واخذت طبيعتهم وكلامهم
منتظروية روحة فديت الي يحجي بغدادي
ريناد:اني راح انفذ الي كلتوا علي بس اني اخاف احد يجي هنا وانتو مموجودين لان شفت واحد منهم عينة على ريم
منتظر: لا مراح نطلع ثنينة سوة واحد يطلع والثاني يبقة بالغرفة واذا طلع حارث ابقة اني لتخافين
حارث: اكيد مراح نخليكم بالغرفة وحدكم اني ماامن عليكم هذولة جلاب كلشي يسوون
جلال جان كاعد وشاف واحد الهم مبين بعينة وشكلة تعبان كلش
ريان: شبيك صافن جلال شومعاجبني وضعك
جلال:صارلي اربع ساعات كاعد وهذا مانشفت دموعة قبل متنزل يمسحهة يمكن يستحي وميريد احد يشوفة بصراحة نقهرت علي وصار عندي فضول اعرف شبي
ريان: اني هم نكسر كلبي علي امشينة نروح نكعد يمة ونتعرف علي ونشوف شبي
جلال: يلة كوم
وراحوا يم الشاب الي جان كاعد ومايعرف الدنيا شنو بيهة
هذا قصتة حزينة حيل
اعرفكم علي اسمة يزن من بغداد عمرة 28سنة نظم للحشد بعد مافقد اعز انسان على كلبة راح تعرفون منو هالانسان
