عبدالعزيز مو مستوعب:ماتت ؟؟
..:اسفه لكن حسبت رغد قالت لك
عبدالعزيز جاته حاله هستيريا:ماااااااااتت أمممملل ماااااتتت (وطلع لرغد)
سكرت الجوال وهي تضحك ومبسوطه:الحين انتقمت منك يارغد وانتقمت منك ياعزيز
......................................
رغد كانت تأكل وهي حزينه تفكر بعزيز وليه ماجأ يأكل معهم جأها مسج
اطلعي أنا برى بالحديقه واذا ماجيتي بدري يمكن ماتشوفييني موجود مرره ثانيه !
# عزيز ..
رغد خافت:الحمدلله انا شبعت
الجده:يووه لسا ماكلتي لقمتك
فوزيه:اتركيها يا يمه ماشفتيها كلت الصحن كله
رغد ماعطتها وجهه وراحت
الجد: فوزيه احترمي نفسك وعليها بالعافيه وش عليك منها
رغد راحت لعزيز اللي كان يمسح الدموع اللي تطلع غصب عنه
رغد بخوف وهي تمسح دموع عيونه وبكل حنان:عزززيز وش فييك لييه تبكي ...؟
عبدالعزيز مسك يدها بقوه وصرخ فيها:لييييه ماعلمتيني ليييه ؟؟
رغد خافت من صراخه:وش اعللمك ..؟
عبدالعزيز:لاتسووين نفسك ماتدريين ! انا الحيين أمنتك على اسراري وخليتك تكونين مستودع اسراري ااناا حتى مو مستوعب كيف حسيتك اختي !
انتي وحده ماتستحقين الاحترااام وقلييللةة ادب كييف تتشمتيين فييني عند صديقاتك كيف ؟؟!! وش سويت لك انا ؟ مره شفتيني اضربك ؟ اناا علمتك
اسراري كلها .. علمتك اسراري اللي حتى مشعل ماعلمته فيها وتسوين فيني كذا
رغد مو فاهمه اي حاجه وصارت تبكي من صراخه :وش فيييك تصررخ علي وش سامع عني ياعززيز وش قلت عنك انا ؟ علمنيي ؟
عبدالعزيز :ابداً ماسويتي شي بس تشمتي فيني عند صديقاتك وماعلمتيني بمووت امل !
رغد :ميييييين قاال لك اني تشمتت فيك انا حتى ماعلمت اي احد بخبر موت امل ومادرييت بمووتها الا امسس !
عبدالعزيز :أنا سألتك يارغد من شوي ليه ماعلمتيني ...؟ لييه ؟
رغد تبكي:وش تبيينيي اقووول لك ؟ تبيني اقول لك بكل بساطه ماتت أمل ؟ اصلا انت ماراح تفهمني
عبدالعزيزموقادر يمنع دموعه ناظرها بحزن
رغد مسحت دموعها:عزيز
عبدالعزيز لف عنها ومسح دمعته وبصوت مبحوح:نعم ؟
رغد:لاتسوي كذا
عبدالعزيز ابتسم رغم المراره اللي فيه:هه وش فيك خلاص هي راحت عند الله والله ارحم الراحمين
رغد:عزيز لاتضغط على نفسك ولاتستحي مني طلع اللي في قلبك انا فاهمتك
عبدالعزيز بهدوء:ماراح تفهميني وماابيك تفهميني (وراح لغرفته وقفل الباب على نفسه )
يبي يمنع دموعه تنزل لكن مو قادر
خلاص راحت امل
ماراح يشوفها
ولا راح يكلمها
عبدالعزيز:ليه رحتي عني ياامل؟ وشسويت لك علشان تتركيني ؟ مو انتي وعدتيني انك بتظلين معاي طول العمر ؟ ليه رحتي ؟
................
رغد خانقتها العبره نادت راكان وقالت له عن كل شي
راكان:وش دراه طيب ..؟
رغد مابين دموعها:مدري
راكان راح لعزيز لغرفته وظل يدق الباب:عززززيز عزززززززيز افتح الباب
عبدالعزيز:تركككووني ابغغى انااااااام خلااااص عاااد
راكان:ماراح اتركك الا لما تفتح الباب
عبدالعزيز:مارااااح افتح الباااب بس تركووني
راكان تركه وراح
....................
في الليل ..
عبدالعزيز مو قادر ينام وكان جالس قدام النافذه يبكي
