قال لها بهتمام: فجر فيك شي؟
رفعت راسها وانصدمت أنه عمار تذكرت اللي صار قلبها دق بسرعه وحست بارتجاف وشوي وتبكي
عمار:فجر وش فيك
فجر بارتباك:لا مافيني شي بس تعبانه (وتوها بتروح بس مسك يدها عمار)
فجر انصدمت من جرأته وناظرت عيونه وحست بحنان في عيونه ولا شعوريا صارت تبكي
عمار بخوف:فجر وش فيك تبغين اوديك للمستشفى ؟
فجر تبكي وجلسها على الكرسي وجاوبته وهي تشاهق:لا مايحتاج
عمار بخوف:انادي فيصل قولي لي يافجر وين تحسين بألم ؟
فجر مالقت غير هالعذر:يدي انجرحت
عمار :طيب وريني وين
فجر مسحت دموعها و مدت يدها له
عمار:وين الجرح
فجر :مدري
عمار:ههههه تستهبلين علي
فجر اشارت براسها يعني ايه
عمار:فجر
فجر وقلبها يدق بسرعه:همم
عمار وهو مرتبك:تتزو ...
قاطعه مشعل:اححم شتسوون ؟
فجر وقفت وهي خايفه:م م مانسوي شي
عمار ابتسم لمشعل ابتسامه تخقق وفجر دقات قلبها تتسارع
عمار:فجر مريضه وكنت اسألها وش تعاني منه
مشعل:ايووا حتى هنا تورينا انك دكتوور .. طيب فجيروه وش في وجهك احمر
فجر صارت تمشي ولما مرت جنب مشعل:جب
وراحت للبنات
نوف:وين كنتي
ريناد:وش في وجهك فجر شكلك كنتي تبكين
رغد:كني شفتك جالسه مع عمار
فجر:بليييز سكروا الموضوع الحين ببكي انقذني مشعل من الاحراااج اللي كان بيجيني
العنود:حمستيني قوولي
نوف:بقول لمشعل يعلمني كيف انقذك من الاحراج
فجر:لاااااااا
سميه:بسررعه قولي فجير
فجر:مابقووول
رن جوال رغد
رغد:احم سكتوووا توقعوا مين داق
الكل إلا ريناد:فااااارس
ريناد باستغراب:فاارس ؟ !!
ندى:ايوه فارس تعرفينه ؟
ريناد:لا بس ذكرت واحد كنت اعرفه اسمه فارس
رغد ردت عليه وراحت جنب البحر وهي تكلمه
سمر:ريناد وش عرفك باللي اسمه فارس ؟ لايكون تكلمين شباب من ورانا
ريناد بخوف: لا لا بس اخو صديقتي اسمه فارس وذكرته
الكل:اها
منى:بناات ياريت نسوي مقلب
نوف:اول مره تقولين شي صح العاده انتي وسجى وعع
منى:وش فيها سجى
العنود:خلااص لاتذكرونها الحين بستفرغ لكم
ريما:وانا بعد .. طيب بنات ياحلوين خلونا نسمع وش تقوول له
البنات:يلا
وراحوا لها
العنود: سبيكر ولا بفضحك
رغد تأشر بصبعها يعني لااا
العنود:حطي سبيكر
و بعد محاولات من العنود والبنات حطت سبيكر
فارس:جدي علق علي يبيني اخطبك الحين توهقت معه
ريناد تكلم سمر في اذنها وهي خايفه:منو هذا
سمر:ولد خالي وولد عمها (تقصد رغد)
ريناد:اها (وبنفسها لامستحيل مو هو بس الاصوات تتشابهه وابتسمت الله لايفرقهم شكلهم يحبون بعض كثير)
رغد وهي تضحك:انت السبب لو ماسويت ذيك السالفه كان ماصار كذا
فارس:افرحي يابنت انا اليوم بعلن للكل بس لازم تصيرين حلوه مو تطلعين لهم بكشتك
رغد منحرجه:لاا مجنون انت
العنود وهي تصفق:ايووا يلا ندى افرحي بتلحقك وحده وبتتزوج
رغد ضربت العنود على كتفها
فارس:ههههه اكييد هاذي العنود بنت خالتي المهبووله
رغد:في غيرها ههه
فارس:حاطته سبيكر ؟
رغد:هاه ؟ ليه ؟
فارس:يعني كيف عرفت العنود اني اكلمك اكيد حاطه سبيكر
رغد:آحم ايه ..
فارس:سكري السبيكر لحظه بس بقول لك كلمه
رغد وهي مستحيه سكرت السبيكر:شنو
البنات على طول حطوا اذنهم على السماعه
فارس:عيوني احبكك (وسكر)
رغد حطت الجوال بجيبها وهي مبتسمه
العنود:وين طرتي
رغد:ها هذاني
الكل:وش قال لك
رغد:هااه وش دخلكم
ندى:بدووس ببطنك بسرعه قولي
رغد:مابي
ندى:كنتي تتجسسين علي انا وعمك وماقلت لك شي يلا قولي لي
رغد:اخاف تزعلون
الكل:ماراح نزعل
رغد:قال انتوا مجانين (وهربت)
العنود وريما ونوف:احنا مجانين
وراحوا يلحقونها
ريناد راحت معاهم بس كانت بعيده
رغد صدمت بفارس وهي تركض
رغد على بالها عزيز:ايييي عمى ماتطالع عزيزوه
فارس:الحين انتي تركضين وانا اللي ابتلش
رغد رفعت راسها على طول:فااارس !
فارس وهو يضحك:لا .. عزيزوووه
رغد صارت تناظر الارض بس سمعت صوت العنود وريما ونوف اللي يصارخون ويلحقونها تخبت ورى فارس وهي ماسكه طرف قميصه
فارس:هههه وش فيك
رغد ببراءه اشرت على البنات
العنود:فريييس اجل حنا مجانين
فارس باستغراب ناظر رغد
رغد تحرك اكتافها يعني مدري
فارس رجع ناظر للبنات:هههه ايه واصلا حتى اللي بالمصحه النفسيه احسن منكم اقوول عنيدوه شوفي ملابسك بس بعدين تكلمي عن الجنون
العنود ناظرت ملابسها:جب فرريس يعني ايش رايك ماشفتني من اشوي طحت على الارض
فارس بابتسامه تخقق:طيب آنسه العنود ممكن تعتنين بهالخقه ذي (ومسكها وصارت قدام البنات)
وراح
رغد بابتسامه:اهو اللي قال عنكم مجانين
ريما:واايي ابي واحد مثلههه
ريناد اللي كانت بعيد : لاا مستحييل !! هذاا فاارس ايووه هذاا فارس اللي كذب علي وقال احبك وبعدها تركني ! اللي علقني فيه وهرب مني !
(راحت تبكي بعيد عنهم)
*******
خالد:ههههههههه طيب ماسويتوا شي
فواز:لا انتظر فيصل متوعد عليها
خالد:كيف ترضى على اختك يامجنون
فواز:ههههه لا تسأل مدري كيف رضيت مع اني مو موافق على اللي بيسويه
فيصل:حراام عليكم اليوم قررت اسوي لها المقلب وانا متوعد عليها من زماان
عبدالعزيز:لا مايصير انا بروح اقول لسميه عن هالمقلب
فارس:اخوي طالع علي مؤدب مايحب المقالب
مشعل:ههههه اسكت بس اخوك من تحت لتحت
عمار:والله ماندري بس الله اعلم مافي القلوب
عبدالعزيز:مشعل ياقليل الادب وش ذا الكلاام انا من تحت لتحت
مشعل:وين وليد يشهد على كلامي
سليم:على طاري وليد ليه ماجأ ؟
مشعل:الخبل يقول يستحي منكم
فارس:عطني الجوال اكلمه الحين حنا نحسبه من العايله ويقول يستحي بس خلوني اعطيهه تهزيئه كامله
مشعل عطاه الجوال وفارس راح بعيد يكلمه وبعد ماكلمه وهزئه قال له تعال وبعد ماسكر سمع صوت بنت تبكي
التفت شاف بنت ضامه رجولها بيديها وتبكي قرب منها
:محتاجه شيء ومنو انتي ؟
ريناد قامت وعلى طول حظنته:محتاجه لهذا
فارس مستغرب:رينااد !! وش جابك لشاليهنا !
ريناد اللي لسا في حظنه:انا بنت عم سمر وسميه ومنى
فارس وخرها بعيد عنه :قلت لك ياريناد احنا خلاص انتهينا وانتهت علاقتنااا
ريناد:والحب اللي كان بينا !
فارس:اي حب يعني تسوين نفسك ماتدرين اني كنت اتسلى وبس وثانياً انا الحين خاطب بنت عمي رغد وبعدي عن طريقي لو سمحتي
ريناد:رغد ارقى من انها تاخذ واحد مثلك لعوب بس شاطر تلعب بقلوب البنات
فارس تنرفز:رغد تحبني وانا احبها وبعدي عن طريقنا لاتشوفين شي مايعجبك فاهمتني !
(وراح)
فارس جلس معهم ولا كأن صاير شي
عبدالعزيز:تتوقع راح يعجبها المقلب ؟
مشعل:هذا اذا ما ماتت علينا
فواز:لا لا خلاص مانبي نسوي هالمقلب
خالد: انا معك فواز
فارس:فواز لاتكون حنوون بزياده
فيصل:عشان ماتخاف انا راح اكون معها بالغرفه اضمن سلامتها
فارس:ههههه نكتته بس ياريت تصورها
مشعل:حرام عليكم انا مو مصدق اني بكون شريك في الجريمه
فيصل:ههههه الى اللقاء وتعاال يامشعل
مشعل راح للبنات
:سميه ابغيك بموضوع
سميه راحت له بابتسامتها المشرقه:هلا
مشعل بصوت واطي :بسرعه روحي غرفة فيصل
سميه بستغراب:وليه ؟
مشعل يمثل الخوف:تعبان ويقول ابغى اكلم سميه قبل لاموت
سميه فتحت عيونها:صدق !
مشعل:ايووه بسرعه يلا خلينا نروح
وراحوا ودخلت سميه وفجأه تسكر الباب وتقفل
سميه:مشعل افتح البـ..
قاطعها صوت كلب
التفتت بخوف وشافت كلب بوليسي كان مربط بس من الخوف ماكانت تدري ولصقت جنب الباب وهي تبكي وتشاهق
فيصل كان في الدولاب بس حس بتأنيب الضمير وطلع لها
فيصل:لاتخافين
سميه سرعت لحظنه وهي تبكي:فيصل طلعني من هناا فييصل تكففى
فيصل تحرك شي في قلبه:هاه
سميه تبكي:طلعني من هنااا اهئ اهئ
فيصل :هاه ايه طيب
(دق على مشعل)
مشعل فتح الباب وهرب خاف سميه تسوي له شي
وسميه بس فتح الباب راحت ركض وهي تبكي
شافها فواز :سميه وش فيك
سميه ضمت اخوها وهي تبكي بحرقة قلب:فوااز اهئ اهئ فواااز
فواز حس بتأنيب الضمير:وش فيك ياقلبي خلاص هدي
سميه وهي تبكي:انا اكرهه فيصل واكرهه مشعل اكرههم من اعمااق قلبي
فواز في نفسه ولو تدرين اني معهم كان عطيتيني كف هههههههه :ياعمري خلاص هدي وانا اهزئهم
.
