فارس أتصل على فواز:فوووويز أنت وش مسوي !!
فواز بصوت كله نوم:والله ماسويت شيء !
فارس:شكلك ماتدري وش الدنيا فيه ي خخي أنت أنفضحت !
فواز:فريس بلا لف ولا دوران وش السالفه مافهمتك
فارس:برسل لك الفيديو في الواتس أب وأنت شوفه يمكن تفهم
فواز:لا لا , جوالي الحين بيطفي ممكن يسكر باي وقت أرسل لي على الفيس بوك بدخل من اللابتوب
فارس:أوكك , وبعد ماتشوفه تعال وكلمني
فواز:أوك أوك (وسكر)
فواز راح الحمام غسل وجهه وبعدها مسح وجهه بالمنشفه , طلع من الحمام وراح على اللابتوب
فتح الرابط وشــآف الفيديو كامل
فواز:آيا بنت الذينَّ !!
سكر اللابتوب بهدوء وأنقلب مزاجه !
وراح دق ع فارس
فارس:ها , وش السالفه ؟
فواز:اسمع ي طويل العمر هاذي سالفه طويله يبي لها قعده تعال وجيب معاك فصفص
فارس:مدري من وين أجيب لك فصفص ي السبيكه
فواز:أحترم نفسك وتعال لا أ..
فارس قاطعه:ي خي أنت تعال
فوازبتفكير:أممم أيه أوكك جآيك
****************
سميه:يمه وأخيراً جيتي !
فوزيه:وين أبوك سود الله وجهه
منى:يمه لاتقولين كذا !
سمر:أبوي طالع
فوزيه جلست على الكنبه منتظره وصول بوعبدالرحمن
عبدالرحمن دخل:الغاليه هنا (وراح لها وباس رأسها ) كيفك ي أحلى أم بالدنيا
فوزيه:بصير بخير لما يصير اللي ف بالي
سليم:ووش اللي ف بالكك ؟
فوزيه:راح تعرف لما يجي أبوك
دخل بوعبدالرحمن مع بيان وهو في يده اكياس اما بيان ماعندها اي شيء
فوزيه:الحمدلله والشكر صاير هندي لبعض الناس
بوعبدالرحمن:والله الباب يفوت جمل مو عاجبك ارجعي المكان اللي جيتي منه
فوزيه:وأنت على بالك أنا هنا عشان سواد عيونك , أنا جايه وطالبه الطلاق , طلقني !
سمر وسميه:لااا يبه لاتطلقها !!
فوزيه:أنتوا مالكم دخل !
بوعبدالرحمن:أنتي طاالق يافوزيه , وورقة طلاقكك راح توصلك قريب
فوزيه بحقد وكراهيه :أبركها من سآعه (وطلعت والبنات جالسين يبكون)
***********
في الفيلا ..
كانوا يتعشوون وماحد منهم نطق بكلمه أو صار له موقف
غير فجر اللي مو راضيه ترفع راسها من الصحن من نظرات فيصل لها
فيصل فجأه وهو يأكل ويناظر فجر: الحديــقه ي الحديقه
فجر وجهها متعررق وبتموت خايفه يفضحها فيصل
ام فيصل باستغراب:وش فيها الحديقه ؟
فيصل مبتسم بخبث وهو يناظر فجر:ملااذ العشااق
الكل صار يناظر فيصل مستغربين من كلامه
بوخالد باستغراب:كيف يعني ؟
فجر قامت فجأه وبأرتباك :سفره دايمه (وراحت)
فيصل فطس ضحك
خالد:يبه (يقصد جده) ترا فيصل أكيد شارب شيء
الجد:فيصل جد وش سالفتك ؟
فيصل:لا , جدي بس أخربط ب الكلام
نوف ابتسمت بخبث , لانها فهمت قصد فيصل وقالت بدون شعور:هههههههههه نذل فيصل
فيصل :أفا ؟ ليه ؟ ههههههههههههههههههه
نوف:أحم , قلتها وانا مدري , آسفه ههههه
فوزيه دخلت عليهم وهي تبكي:أنا تطلقت !!
************
بعد ثلاث ساعات الكل راح لغرفته الا نوف وفجر اللي راحوا يحرسون غرفة رغد بعد ماسمعوا انها تبغى تجلس فيها
فجر:غررفة رغد مارااح تأخذينها
نوف:أصلا رغد ماراح ترضى
فوزيه: ي حبايبي رغد تزوجت وخلاص راحت ، اذا بترجع للسعوديه عندها بيت تروح وتسكن فيه ماراح تنام في هالغرفه ابد
نوف:وحنا ماراح نسمح لك
فوزيه:ومين انتوا عشان ماتسمحون لي ؟! ، الفيلا هاذي فلة ابوي ولانسيتوا اني عمتك يانوف وخالتك يافجر
سمعت الجده اصواتهم العاليه وراحت لهم:خيير وش صاير وش هالصراخ !
فوزيه:حفيداتك المحترمات مو راضين يخلوني ادخل غرفتي
فجر:قصدك غرفة رغد
الجده:ادخلي وماعليك منهم
فوزيه ناظرتهم من فوق لتحت وهي مبتسمه ودخلت
نوف:ايش تقولين جدتي !! هاذي غرفة رغد
الجده: كانت غرفتها الحين هي تزوجت وياحبيباتي ياعيوني انتوا ، رغد اذا جات وتبغى تنام هنا عندها غرفة فارس
فجر:لااا مستحيل مانبغى تكون خالتي فوزيه قريبه من غرفنا
(وراحت للجد وحكت له عن كل شيء)
الجد:صح كلام جدتك
فجر:طيب جدي هذا غرفة راكان القديمه ليه ماتروحها ؟
الجد: خلاص انتي روحي وانا اتفاهم معها ..
*******
عزيز:اقول مشيعل بالله شوف شوف هالمزه (وعطاه الجوال)
مشعل اخذ الجوال:مين ذي ؟
عزيز:م اعرفها
مشعل:من وين جايب صورتها اجل ؟
عزيز:هي راسله لي صورتها فجأه وبدون مقدمات
مشعل بصدمه: صدق ؟ صدق ؟ احلف قول والله ؟
عزيز باستغراب:والله
مشعل:هاذي كلمتني امس ورسلت لي نفس الصوره
عزيز:ايوه شكلها تبغى تلعب علينا
مشعل:عاد لاتصير خروف
عزيز:من جدك هههههه انا ولا مره كلمت بنت تبغاني اصير خروف لها
مشعل:احم ، اقولك احتياط وش فيك انت
*******
فواز:ي خي السالفه ومافيها انه هالبنت دايم تلاحقني من مكان لمكان ولما عطيتها وجهه ابتلشت فيها وياليتني ماعرفتها
فارس:اوكك وبعدين ؟
فواز:صارت زي الصمغ ماتفك عني لين قلت لها انققلعي مابغى اشوفك مره ثانيه والباقي تعرفه وهذاك شفته في الفيديو
فارس:يعني هي مو حامل منك ؟
فواز: تشك فيني وب اخلاقي ي ي ي الوصخ
فارس:هههههه لا بس مدري يعني قلت يمكن سواها اللي مايستحي
فواز:عليناا عاد ، لاتخليني اعلم رغد عن سوالفك الوصخه
فارس:سوالف قديمه مالها اي قيمه (وصار يحرك حواجبه)
مرت رغد بالصاله وشافت فواز:هلا فواز
فواز:هلا بعد قلبي رغوود
فارس دقه على كتفه بقوه
فواز وهو ماسك يده:أحح , خلاص آسفين , خلاص رغيد أنتي مو بعد قلبي , بس شكلكم تصالحتوا ؟
فارس باستغراب وهو يناظر رغد:ليه حنا متهاوشين عشان نتصالح ؟
فواز:آيوه , لما انت كنت مريض قالت لي رغد انكم متزاعلين ؟
رغد عشان تبين له انهم مو متزاعلين:لا ماحنا بمتزاعلين ولاشيء , كيف أزعل من حبيبي
فارس وعلاامة الاستغراب في وجهه: هـــاه ؟!
رغد جلست جنبه ومسكت يده وهي تناظره وكأنها تقوله كمل اللعبه !: أيوه صح حبيبي ؟
فارس كأنه مهبول يهز برأسها:أيـه أيــه
فواز:وهه ي حظكم بس , مدري متى بتزوج بس
رغد:ههههههه فواز أنا اخطب لكك وحده مزيوونه
فواز:هههههههههههههه عـاد أهم شيء يصير ذوقك مثل ذوق أبوي
رغد مافهمت:كيف يعني ؟ تبغى مثل أمك ؟
فواز لفارس:أنت ماقلت لها ؟
فارس :هـآ .. أيوه صح نسيت !! (وفي نفسه) وكيف أقولها وانا حتى ما أكلمها أو أجلس معها
رغد باستغراب :وش السالفه ؟
فواز:للاسف أبوي تزوج على أمي , وأخذ وحده أصغر من سميه ههههههههههههههههههههه
رغد بصدمه:صدق !! , كذاااب
فواز:هههههه لا والله ما أكذب
رغد:يووه , مو لااايق أبوك يتزوج وهو بهالسن
فواز:أصلا حنا تفأجئنا
رغد:مسكينه عمتي !
فارس لرغد بصوت واطي:تستاهل !
رغد دقته بالخفيف على كتفه
فواز:دام أني جيت لهنا , والوقت متأخر مرره , ف أحسن شي اني راح أنام عندكم , يلا رغيد جهزي لي غرفه
رغد كان ظهرها يألمها من نومها في الكنبه طول الوقت فقالت: وش رأيك ي فواز تنام مع فروس في غرفه عشان انتوا من زمان ماجلستوا مع بعض أءء اقصد من زمان مانمتوا مع بعض
فواز:فكرره , لبى قلبك يارغيده على فكره انا ابغى وحده مثلك كذا تسمح لزوجها ينام ويسهر مع ربعه , أنتي كذذا
رغد:هههههه ولو =)
فارس انقهر واعتبر حركتها طرده وفي نفسه : على بالك بخليك تسوين اللي تبغين
فواز:يلا Let's go, man
فارس ابتسم: يلا
رغد طارت من الوناااسه وأخيرا بتنام في السرير وراحت ودخلت الغرفه ونطت بالسرير وهي مستانسه
**********
فوزيه:لآ يبه مو عاجبتني غرفة راكان , أثاثها ولونها مراا كئيب
الجد:طيب بكره أجيب لك أفخم الاثاث وأجيب عمال يصبغون الجدران على حسب الالوان اللي تبغينها
فوزيه: هـا ..؟ , طيب انا اصلا مو عاجبني مكاانها !
الجد:فوزيه لاتتصنعين الاعذار بس عشان تعاندين البنات , خلاص قلت لك عندك غرفة راكان !
فوزيه:أنا ما أصنع الاعذار ولاشيء , طيب يبه كان قلت لي من زمان انك ماتبغاني , خلاص انا رايحه وبحجز لي بفندق
الجد بحده:فوزيه !!
فوزيه : نعم يبه ؟
الجد زفر: خلاص اخذي غرفة رغد , وقولي للخدم يحطون أغراضها بغرفة فارس
فوزيه راحت وباست راس ابوها:مشكور يبه , ماتقصر يا غالي
********
كانوا يطالعون فلم رعب
مشعل رن جواله
عزيز ارتاع:ها وش السالفه مين داق هالوقت !
مشعل وهو يأكل الفشـار (Popcorn) :مدري (وشاف الجوال وغص بالفشار) كح كح
عزيز:ها مين اللي داق ؟
مشعل: كح كح مم كح مدري رقم غريب
عزيز:ررد ,رد وحطه سبيكر
مشعل رد: الوو ؟
البنت:هــاي
مشعل:مين يتكلم ؟
البنت:أفـا نسيتني ي حبي , أنا اللي كلمتك ب البي بي أمس
مشعل:وكيف جبتي رقمي ؟
البنت:خلاص ياعمري بدون أسئله , أنا أبغى أشوففك في اقرب وقت
مشعل لعزيز بصوت واطي: وش أقووول ؟
عزيز:قول لها تم بس وين ؟
مشعل:تم ياعمري ,بس وين ؟؟
البنت:قليل أدب مشعل , وأنا اللي أقول بختبرك طلعت ماتستحي على وجهك
مشعل :ههههههههههههههههه , عرفتك يالنصابه وادري من زمان أنه أنتي عشان كذا قلت بكمل اللعبه (طبعا هو النصاب مايعرفها بس يقول كذا)
عزيز يأشر بيده ويقول بدون صوت:مين ذي ؟؟
مشعل حط صبعه بفمه يعني أسكت
البنت:أيوه زين عرفتني , حسبت انك نسيت صوتي
مشعل:وكيف أنسى صوت الحلوو
عزيز يدق مشعل في رجله ويقول بصوت واطي:مشعل مين اللي تكلمها ؟
مشعل سكر في وجهها : ماتفهم انت أقولك أسكت تقول مين ذي
عزيز:طيب طيب مين ذي ؟
مشعل:أيش دراني عنها , انا بس أرقع السالفه , ماشاء الله عليها وتعرف أسمي بعد
عزيز:شكلها تعرفني أنا بعد لانها كلمتني اليوم على البي بي وأنت تقول كلمتك أمس
مشعل:يمكن نوف تلعب علينا ؟
عزيز:لا , مو صوتها , وأصلا لو نوف بتقول لك "حسبت انك نسيت صوتي" وانت يالدلخ توك شايفها !
مشعل:طيب يمكن سمر ولا منى ؟
عزيز:أهبل أنت ؟ سمر ومنى هم فاضين لهالسوالف وأمهم وابوهم توهم متطلقين ؟
مشعل:ميين أجل ؟؟؟
عزيز:مددري !
************
نوف مرت من غرفة رغد وشافت الخدم ينقلون أغراضها لغرفة فارس:هي هي أنتوا , مين بأمرره تسوون كذا !!
كانت الخدامه اللي قدامها ماتفهم عربي وقفت وهي تناظر نوف باستغراب: what ?
نوف:Who allowed you to do this thing?
الخدامه: Ms. Fawzia
نوف راحت لفوزيه:لييه تشيلين أغراض ررغغد !!
فوزيه:روحي كلمي جدك (وناظرتها من فوق لتحت)
نوف بصوت واطي :جعلك تزلقين ف الحمام ي ي ي (ماعرفت وش تقول xD ) ي ي الخبيثه (وراحت لفجر وهي منقهره)
**********
رغد كانت منسدحه بالسرير وتفكر بالبنات كانت مشتاقه لهم مرره وتوها بتتصل عليهم لكن نعست وقالت اذا جلست بتصل عليهم ونامت
دخل فارس الغرفه ولقاها نايمه : أيوه , توققعت , ماقالت كذا الا عشان تنام بالسرير
وعشان يعاندها , أنسدح جنبها بالسرير وصار كل شوي يدفها وهي من النوم العميق اللي هي فيه مو حاسه بشيء , وفجأه طررااااااااخ
"طاحت رغد بالارض"
رغد قامت وهي تحك راسها مو مستوعبه وش طيحها بالارض وشافت السرير لقت فارس نايم فيه
رغد عصبت:وجع يوجعـكك (بعدين قالت) ي أبلييس
فارس ابتسم بخبث
رغد طلعت من الغرفه وصدمت بنور
رغد:آسفه نور بس من النوم مو قادره أمشي كويس
نور:لا عادي , بس وش مطلعك هالوقت ؟
رغد:أنا جيت عشان أشرب مويه
*********
اليوم الثاني ..
الصباح يفطرون ..
