آنين الليل الاحمر....
الفصل الاول ....5....
ليلان العطواني........القصه حقيقيه......
يوم الثلاثاء العصر طلعنا ع السوك اشترينا ملابس وذهب وعطور ومكياج صحيح بابا كان متشدد بس معليه شنو نلبس وشنو نخلي مكياج...حتى كان ميقبل نلبس حجاب هو الوحيد من عمامي وخوالي مملبس بناته حجاب بس امي متقبل ومتشدده بهاي الأمور بس گدام كلمة أبويه متحچي بس تبقى تذبلها كم كلمه ....بالسوگ اشتريت ملابس وعطور واثنين حجول لان كنت ناويه البس قصير ....بالليل رتبت ملابس وخليتهم بالجنطه ورگصت شويه وباوعت على ماهر من الشباك ما شفته ....
ثاني يوم گعدت من الصبح وجهزت نفسي امي وسعاد مخلصات بس ماجد وساجد بعدهم ...خلينا الجنط بالسياره واجه بابا هو والسايق صعد بيها أبويه وامي وماجد ...والسياره الثانيه صعدنا اني وسعاد وساجد ...
وصلنا للكوت وتحديدا للعزيزيه من نزلنا من السياره كل عمامي وعماتي اجوي علينه اخوالي وخوالي هم اجوي علينه
تلگونه سلموا على أبويه من چبيرهم الزغيرهم يدنگ يبوس بأيده لان كانوا يخافون منه ويحترمونه بس كانوا يضوجون من امي يگولون عليها مغروره بس امي لابستهن وتذب حچي عليهن ....وتخليعن يعوجن بحلوگهن من الحرگه ....سوولنه غده تغدينه وبدت تحضيرات العرس .والحنه مرة عمي حميد كانت لابسه ثوب لماعي ابو الريش وبناتها لابسات ثياب اني من شفتهم طگيتها ضحكه عليهن حتى العريس لابس دشداشه بيضه .....
هنه استغربن من تصرفي عبالهن اني مغروره مثل امي ...
_اگلچ شو انتي خفيفه وتتمضحكين شبيج عيني الناس ماعاجبتچ....ردت عليها سعاد...
_يا خفيفه شنو عيب هاي الحچايه هي طفله وتحب تضحك شبسرعه سويتها خفيفه .....
_ياطفله الي بعمرها معرسات وفاتحات بيوت تگولين طفله دشوفي شكلها ضخمه وصدرها شكبره الله وكيلچ هسه بس تعرس تحبل...اي والله...
_يااا تحبل شنو هي شتفتهم داده شو نزلتي عليها اوي ...عيب هالحچي ...
_واني شگلت الابنيه ضخمه ومستحقه زواج عرسوها اصلا هي مفلفله ع العرس ياخيه...
_والله لو يخطبها ابن صدام أبويه مينطيها هاي عزيزته المدلله....يلا وده تعالي .....
اني من سمعتهن يحچن هشكل تخبلت وبچيت انهظمت كولش معدان ينطن الحچايه بالوجه ...اجه طفل زغير يركض ويگول اجت المزيقه ...طلعت شفت كاوليات وياهن فرقه وگعدن يدگن ويرگصن واحنه بغرفة العريس هم نرگص سعاد طلبت مني ارگص واحرگ گلوبهن لان هنه من يرگصن يدبچن وإني رگصي مثل رگص المصريات افصل الجسم تفصال
من شافوني ارگص بقن فاكات حلوگهن بس هزيت هز خليتهن يتخبلن ... .
جابوا العشه تعشينا وكملنا فرشولنه البنات بغرفه والولد بغرفه والكبار كلمن هو ومرته بغرفه ......
الصبح گعدت بالعشره الصبح لگيتهم متريگين ...اني گعدت ما اشتهي مثل المصخنه ونحلانه ....ما اكلت بقيت منتظره للغده ...بعدها سبحت وبدلت لبست ثوب احمر قصير وفتحت شعري وخليت مكياج ولبست بكل رجل حجل طلعت حتى احلى من العروسه ...
جابوا سيارات صعدنه بيها ورحنا نجيب العروس من الصالون
وصلنا واخذنا العروسه والطريق كله نغني ونرگص لحد ما وصلنا تقريبا الساعه بالسبعه للبيت ...نزلوا العروس وذبحوا على رجلها طلي ودمروا أصابعها ودخلوها ع الاستقبال النسوان رگصن گدامها فرحانات ....بعدها جابوا العشه وحوالي الساعه بالتسعه ونص زفوهم على غرفتهم وبقوا يم الباب يدگون ويرگصون وإني والبنات الي بعمري واگفين نباوع ....اني ممفتهمه السالفه شنو بس اسمع البنات يصيحن النيشان اني مستغربه شنو النيشان سألت ضحكن عليه شويه انفتحت باب العريس طلع وبأيده وصله بيضه وبيها دم والنسوان تهلهل ودخلن للغرفه اني أخذني الفضول ودخلت اباوع شفت العروسه منفوشه ومصلخه وترجف والسرير مخربط ..وهي تصيح اذاني كلش ويمكن انجرحت بس النسوان گالن عادي بعدج جديده ويضحكن ووحده فحصتها گالت يبووووو شجاه مهروش وطاح بجدر الكروش.. ..طلعت من الغرفه لان النسوان طردني ....
بقيت للصبح افكر بالشفته وجسمي يتگلب هو هذا العرس من صدگ حلو ....نمت وگعدت من الفجر بدلت وغسلت لگيت امي وسعاد يسولفن ....
_اوي خطيه مأذيها شدعوه عليه ماشايفه ... اخليها على ماتهدأ وبعدين كمل شغلك....
_صدوك تحچين وج ماشفتي طوب العسكر الواگف بالباب خبلوه...للولد ...
_ماما هو ماشايف اكو واحد ينام اول مره يسويها ست مرات شبي ما شايف هذا شگد عيب حتى الابنيه مستحيه ...
طلعت من الغرفه ورحت على غرفة العروس لگيت النسوان يتغامزن بيناتهن هااا حلو العرس كيفتي شفتي ....دصلي عليه والزمي لا يفلت منچ.....وهي مستحيه وتضحك ...
خلص العرس والهوسه ورجعنا للبيت بس رجعنا هلكانين ...ثاني يوم رحت ع المدرسه وسولفت ورده كل السالفه ...هي ضاجت وتحصرت لان ما راحت وبأنه....
ولحكايتنا بقيه انتظرونا.....الشكر لله
