آنين الليل الاحمر..........💞💞💞
الفصل الثاني .......24.....
ليلان العطواني............
طلعت على صوت الغنه مال نزوكه لگيت البنات گاعدات جوه رجليها ويصفگن ويضحكن من شافتني صاحتني تعاي ارگصي قبل متهزين هاج هذا بيك اشربي حتى تهزين عدل..گعدت اشرب وارگص الحد ما وگعت بحضن فريده دايخه ...بعدها كل وحده راحت على مكانها تنام ....
مرت عليه الايام نسيت نفسي ونسيت اهلي وصار عندي زبائن ومعارف وصار يجون يطلبوني بالاسم اطلع وياهم بالبيوت ...
وكل طلعه احصل بيها كومه فلوس صحيح نزوكه كانت تأخذ عمولتها بس ما كانت تأخذ مني الفلوس الي احصلها ولا تسأل شگد حصلتي ...
كانت حياتي عباره عن رقص وشرب وفجور ضربت حياتي القديمه وره ظهري ....
چنت ما اطلع باستمرار لان اخاف ليشوفوني ولد عماي لو عمامي لو ماجد ويقتلوني كانت طلعتي محدوده ...
من أريد شي ادزه بيد فريده وانطي فلوس طبعا هو كان ينزل للسوك يجيب غراض ويجي يوميه وكان عليه الطبخ وعلينا التنظيف .....مرات نزوكه تسوي حفلات بالبيت مالتها قبل متسوي الحفله كانت تطلب منه نحضر الصاله نفرشها وتخلي ميوزه وكراسي ونسوي اضويه حلوه وتروح هي تتفق ويه مطرب حتى يجي يغني .....
ويصعدن اثنين بنات يرگصن . ....بس هاي الحفلات كانت للروس الچبيره الي كانوا يدخلون من الباب الخلفي حتى محد يعرفهم كان أغلبهم من القيادات الحزبيه وكانوا يأخذون البنات الجديدات الشاردات من اهلهن .....
من يسكرون ويعربدون يطلعون من نفس الباب الي يدخلون منها ......
مرت سنه واثنين وتغير شكلي وكبرت وإني مستمره بعملي وصرت ما امشي الا ويه اليدفع اكثر ونزوكه قربتني منها وصرت ورقة الحظ الي تعتمد عليها نزوكه اي شغله چبيره أو زبون چبير تحضرني اني وكانت ادگول انتي وجه السعد والرزق إليه.....
ثخنت علاقتي ويه قرطاجه وصارت گعداتنه وحفلاتنا سوه نطلع ونرجع .. ....
وبيوم نزوكه تخربطت ودخلوها مستشفى وگمت اروح وارجع عليها اسويلها شوربه وعصائر .. وبيوم تأخرت بالازدحام ووصلت الغرفه مالتها سمعت يمها صوت سامعته من قبل فتحت الباب بلهفه اول ما شفتها حضنتها وبچيت من كل گلبي خاله سميره ليش گطعتي بيه...گعدت اعاتب بيها والومها ....
فجأه سألتها عن اخبار اهلي ....هي سكتت شويه وگالت شحچي شسولف ....لحيت عليها تحچي . ..
گالت اخوچ ساجد سافر ولا يخابر ولا يسأل وامچ صارت عميه من البچي على ابوچ واحتج سعاد تعينت وخطيبها عافها ...واخوج الأرعن ماجد ترك المدرسه وسكن الشوارع لازم سچينه ويدور عليچ . .. هاي اخبار اهلچ...
هي تحچي وتسولف وإني ابچي من القهر بس اكثر قهر هو قهر ماهر من عرفت ازوج محاميه وبقت سنه وياه تمرضت وماتت ......
ما اهتميت ولا درت بال بس الهذا ماهر من گد الحقد البداخلي اذا ألزمه اكله بسنوني واگطعه . ...على دگته وياي
بقت خالتي سميره لليل وبعدها راحت وگالت اجيكم كل فتره .طولت نزوكه بالمستشفى والشغل أتوقف لان مترضى نتعامل أحنه وياهم ......
من طلعت ذبحنا ذبيحه وسوينه حفله وعزمت كل معارفها حتى أصحاب الملاهي . .
واحد منهم شافني عجبته طلبني من نزوكه اشتغل وياه بالملهى ...نزوكه بالبدايه رفضت بس من انطاها فلوس هواي وافقت .... بس شرط اروح يمه اسبوع ....
كان اسمه ربيع كان شاب مو چبير بالعمر وحلو وكلش غني وشكله مرتب عجبني هواي وعجبني اكثر من عرفت هو يريد يسوي علاقه وياي .....
رحت وياه على بيته اول مدخلت كان البيت مرتب وچبير واثاثه مبين مال ناس متريشه .....
راواني البيت غرفه غرفه ....بقيت يمه اسبوع دللني دلال وما قصر وياي چنت انزل على الرقص ومن اخلص اروح انام بحضنه .....خلص الاسبوع ورجعت ع البيت بس بقه شغلي وياه بالملهى مستمر ... .
