آنين الليل الاحمر.........💞💞💞
الفصل الثالث والاخير.......34..
الشكر لله......ليلان العطواني...
من شفت الضابط الي يحقق فتحت عيوني وحلگي وخليت ايدي على حلگي معقوله نفسه الولد الي چان گاعد ويه شمعون البارحه والي أخذني هو وجماعته .......
هو شافني ضحك بابتسامه خفيفه وگلي استريحي ....
اني گعدت بالكرسي اجه هو گعد گبالي ....
الضابط_شلونج تعبناج البارحه مو ....
_لاسيدي ما تعبانه تعبك راحه ...
_يعني ما تأذيني ....
_هههههه شويه مو هواي ...
_زين لعد نبدي شغلنه ....اسمج وعمرج وسكنج واريد تحچيلي كولشي تعرفي عن نزوكه ....
سولفت كولشي الي اعرفه والي سمعته من البنات والي شفته وحتى انطيته اسماء ناس هو استغرب من سمع بيهم
سألني شلون يجون على نزوكه وشلون عرفوها ...
جاوبته ما اعرف اني اجيت لگيتهم يترددون عليها
وبده يسال عن البنات واعمارهم وعن ام قرطاجه وشكد صارلها تشتغل بالمخدرات ومنو يساعدها ....
اجوبتي ما كانت متوازنه لان كنت تعبانه ودايخه لانوم ولا راحه ....
استمر يسألني حوالي ساعتين ونص متواصله ....گلي ارتاحي شويه وبعدها نكمل ....
هو سكت ويشرب چاي وإني مدنگه وافرك بأيديه من الخوف هذا بس باوعلي كتيت شكو شي اعرفه لو يزمخ عليه شسوي يمكن حتى اموع بالگاع.....
بعد نص ساعه رجع يحقق وياي واكثر شي سألني عن سفراتها للكويت وشنو چانت تجيب وياها ومنو من البنات تاخذهم وياها .....
كملت كلامي هو گلي خلصنه تگدرين تروحين ردت اطلع من نفس الباب هو صاح على شرطي گله طلعها من الباب الثانيه
بس قبل ما اطلع گلي اريد اشوفچ اني ابتسمت بس گاي هالمره لوحدي ......
طلعت مشيت مسافه لگيت قرطاجه وفريده گاعدين بالگاع بالشارع وهمه قلقانين عليه من شافوني اجوي عليه ركض عبالك صار فتره مشايفيني حضنوني گتلهم هسه اسكتوا بالبيت نسولف .....
اجرنه تكسي ورجعنه ع البيت وگعدنه نسولف كل واحد سولف الصار وياه ...حرف حرف وكل واحد سائله اسأله مختلفه بس كانت مشتركه بالجواب بيناتنه .....
سبحنه وسوينه اكل ...اكلنا وارتاحينه دگ التلفون ...
كان شمعون گلي اريد اشوفچ اليوم گوتله اني مريضه وإني زعلانه عليك ...يضحك ويغني گلي اني جايكم للبيت ....
الظهر اجه شمعون اني نايمه دخل للغرفه ومدد يمي واعتذر
بس اني گوتله منو هذا وليش هشكل سويت بيه اني تأذيت وعافوني بالبيت وحدي وگعدت الوم بي ساعه كامله بس هو اقترب مني وبوسني وگلي اني ما اعوفج خله رأسه بحضني وإني العب بشعره گلي ابقي وياي ....
اريدج يمي متعوفيني وإني اساعدج بكل شي تحتاجي وما اخلي اي واحد يقترب يأذيج بس ابقي يمي ....
اني ارتاحيت لان هو ميگدر يعوفني وحسيت بالقوه ....
مر شهر كامل تقريبا وصعدت نزوكه والبنات محكمه وإني رجعت للملهى اشتغل عادي ....ارگص لو اطلع للمحافظات اسلم المخدرات
.....شمعون دز عليه للمكتب ...گلي نشوگ هذا عنوان تروحين عليه همه طالبيچ بالاسم ....
اني ترددت لان خفت لا مثل ذيج المره ...بس هو حلف گلي بس واحد وبشقه فارغه والعنوان كان بالبتاوين ثالث شارع
يم اسواق الغدير .....
أخذني كمال بالسياره وصلني للعنوان صعدت الدرج كانت ثاني شقه .....
دگيت الجرس فتحلي الضابط نفسه ....ضحك وگلي مو گوتلج اشوفج .....
اني ضحكت وارتاحيت اكثر من شفته وحده ....
هو گلي لتخافين اني وحدي .....
كان اكو شرب واكو اكل خلصت الليل كله وياه الصبح نايمه حسيت بأيد تلعب بشعري وبوجهي ....
گعدت شفته هو ....
ابتسمتله هو ضحك وراح للحمام ...
اني بسرعه رحت وراه للحمام ...شفته گاعد بالبانيو اني گعدت يمه وصرت نايمه بحظنه ...
بديت اسولف وياه وادغدغ بيه سألته عن نزوكه گلي سويتلها تقرير مال اعدام وطلعتج اني واصدقائج وركبت كولشي براسها ....
اني ارتاحيت وتفاءلت نام وياي بالحمام وكملنا طلعنا اكلت شويه ورتبت الشقه وطلعت لگيت كمال منتظرني بالسياره
أخذني ع البيت وكنت تعبانه وفرحانه بنفس الوقت .....
مرت شهرين ...وصارت محاكمة نزوكه ....انحكمت اعدام بس رجعت استأنفت الحكم وحكموها مؤبد .....
وللحكايه بقيه انتظرونا.........ليلان حكمت
