(في صباح اليوم التالي)
«بسنت»: انا نازله الكلية يا «أنس» ومش هتاخر عليك ان شاء الله عايزاك تتفرج علي التلفزيون او تشغل نفسك بإي حاجه لحد ما اجيلك.
«أنس» بنبره تشوبها حزن : خلاص ماشي هستناكي،،بس ياريت متتأخريش
قامت «بسنت» بتوديعه ولاحظت نبره الحزن الباديه عليه ولو عليها لما تركته وذهبت لكليتها ولكنها قلقه عليه وعلي ما بدا عليه خلال الفتره الاخيره خاصه بعد جلسه التحضير لذلك لما تستطع ان تمنع نفسها من الذهاب اليوم ، ذهبت وبداخلها الكثير من القلق فاليوم ستتحدث مع «زياد» لتعرف ما يعلمه عن جلسات التحضير وغيرها وكان هناك صوت بداخلها يخبرها انه يوجد شئ سئ حدث ولكنها لما ترد ان تظهر متوتره امامه فنفضت عن بالها كل هذا التفكير.
وصلت «بسنت» لكليتها وقابلت «علياء» ورحبت بها وقد كانت مشغوله بما سيقوله «زياد» فقط ولا تعطي بالا لمحاضراتها ولا لأي شئ اخر عدا ذلك، ولكن اليوم كان يوما دسما فقد كانت هناك محاضرات وبجانبها سكشن كان من المفترض ان يُأخذ امس ولكنه تم تأجيله الي اليوم وبين كل محاضره كانت تحاول الفتاتان الخروج ليروا اين ذهب «زياد» ولكنه كان يخرج بخفه بعد خروج الدكتور ويختفي
انتهت جميع المحاضرات والسكشن المؤجل وطفح كيلهما عند انتهاء السكشن فقرروا الخروج مسرعين فلحقوا به بالفعل ليذهبوا اليه وتبدا «علياء» الحديث:
ايه يا عم «زياد» بعد كل محاضره كده بنشوفك بتخرج بسرعه وبتختفي اوعي يكون من كتر ما بتقرا عن الحاجات اللي بتقراها دي بقيت بتختفي.
«زياد»وقد ظهرت عليه ملامح الفرح لرؤيته «لعلياء» ولكنها تبدلت للدهشه عندما رأي«بسنت» معها:
عارفه انا نفسي اختفي كده وابقي ماشي محدش شايفني وارعب فيكو براحتي بس انا مبختفيش ولا حاجه كل الموضوع ان فيه محل بلاستيشن فاتح جديد عنب أول اما بخلص المحاضره بطير عليه واخطفلي ماتشين تلاته لحد ما المحاضره اللي بعديها تبدأ عشان انهارده يوم تقيل، بس انتي مهتميه بيا لي كده قولي انك بتحبيني هتيجي تطلبيني من بابا امتي؟!
كان زياد يتمتع بحس الفكاهة فهو لما يظهر قط جادا في حياته وكانت هذه الميزه اللي تجعل الجميع برغم ما يسمعوه عنه انه يقرأ الكثير عن السحر والشعوزه يحبونه لا يتجانبوه.
فلتت من «علياء» ابتسامه: لا يا خفيف بس صاحبتي كانت عايزه تسألك في حاجه وكنا عمالين ندور عليك ومش لاقينك
«زياد» وقد اعتدل فيه وقفته ليظهر مغرورا : اصلي راجل مهم بقا ومش اي حد يقابلني في اي وقت بس لو كنتو حجزتوا معاد قبلها كنتو هتلاقوني بسرعه يلا حظكو اني واقف قدامكوا بس ياريت تتكلمو بسرعه عشان الحق مكان في البلاستيشن احسن الاجهزه بتتملي بسرعه.
أنت تقرأ
الإسقاط النجمي
Horrorنواجه الكثير من الابتلاءات في حياتنا والتي قد تجعلنا نتوقف ولا نستطيع فعل اي شئ، يرينا الله حقيقه الدنيا وأنها زائله وان الامان والسعاده تتحقق بالقرب منه وليس بالابتعاد عنه، منا من يفهم المغزي من ذلك ويصبر ويتوكل عليه فيرزقه الطمأنينيه التي يسعي الي...
