البارت الثاني
طبعا اني اداوم كليه علوم بايلوجي مرحله اولى
ساعه 7صباحا دك المنبه كمت سبحت وبدلت ملابس الدوام وخليت ميك اب خفيف اني ميحتاج بس لازم اشويه انغير بشكلنه.نزلت لكيت ماما كاعده ومسويه ريوك
غسق.صباح الخير
ماما. صباح النور بنتي
تعالي تريكي قبل ليجي الخط عليج
غسق اي ماما جيت كعدت اكلت اشويه اجه الخط يطوط بالباب بست ماما وطلعت صعدت بالخط سلمت طبعا بالبنات وياي بالخط ع كد السلام لان مو صديقاتي.وصلت دخلت للكليه رحت للقسم جانت صديقتي بعدهه مجايه هي صديقه الطفوله راحت تتعرفون عليهه من خلال سرد القصه كعدت بالقاعه شويه وجتي صديقتي اسمهه نور
نور.صباحوو حبي
غسق.صباحو حياتي ليش اتخرتي
نور. لج ازدحام
غسق.ديلا تعالي راح يجي الدكتور بعدنه دنسولف اجه الدكتور اخذنه اول محاضره يتعرف علينه لان مرحله اولى وجديدين ع الكليه والقسم وضلينه انسولف ويا وهو يسالنه طلعنا خلصت المحاضره كتله لنور تعالي نروح للكافتريه.
نور. يلا ترا جوعانه
غسق يلا رحنه اكلنه وطلعنه كعدنه بالحديقه ضلينا نسولف ونگص بالرايح والجاي.طبعا من نكعد سوة نفقد فدنوب.
اول يوم ضلينه نفترا وشفنه اجواء الكليه واكيد هواي عيونهم زايغه ويباعون بس اني ما اهتم بهذا الشي لان مو طبعي اهتم لاحد شويه مغروره وعصبيه هم واشاقه بحدود بس ويه نور لا كلشي عادي عندي.
المهم خلص الدوام وطلعت انتظر الخط شويه واجه صعدت انتظرنه البنات لان جان الخط مكامل وشويه وكمل الخط وطلعنه واني اول وحده يوصلني طبيت لبيت دخلت من المطبخ ريحت الاكل اتخبل واني ميته من الجوع وماما جانت دصلي بالغرفه عفتهه وصعدت للغرفه بدلت ونزلت لكيت ماما.
غسق هلو ماما اشلونج
ماما.هلو بنيتي
غسق. ماما جوعانه عفيه
ماما.اي ماما هسه بس يجي ابوج والولد واصب الغده.
غسق ماشي ماما.لعد مرت امير وين
ماما. بغرفتهه
غسق.وليش متنزل لو اتريد نوديلهه الاكل ع الحاضر
ماما.عوفيهه شعليج منهه مدام زينه ويه اخوج كافي
غسق.بس ميصير هيج ماما هي مو جنه ليش كلشي مسوي.
ماما.كافي ماما مو بعازتهه احنه.
غسق.يلا ماما اجه بابا واخوتي صبي الغده.
دخل بابا السلام و عليكم والولد هم سلمو
اني وماما وعليكم السلام.
كعدنه اتغدينه وكملنه وسويت جاي لبابا ولخواتي وغسلت المواعين وصعدت نمت وكعدت العصر فتحت فيس شويه حجيت ويه نور وسبحت وطلعت مشطت شعري وظفرته ضفيره هنديه ونزلت لكيت ماما كاعده بالحديقه بس راسها وطلعت يمنه مرت امير طبعا اني ما اضوج منهه بس هيه معقده وشايفه نفسهه فأني اجنبهه يعني كله رسميات بيناتنه المهم سولفنه اشويه صار المغرب طبيت صليت وضليت اگلب بالفيس العشه بابا جابه من برا بيتزا وببسي وهو اصلا ع مرت امير الله جابلهه كله جاهز لو تدري ما احبهه جان موتتني هههه...
يتبع
