بعدين طلعنه كلمن للقسمه واخذت النتيجه وناحجه بتفوق الحمد لله ربي مضيع تعبي وخلص الدوام ورجعت للبيت يوميه نفس الروتين بين الدوام وبين البيت مرت اخويه طلعت حامل وامير مكيف بيهه لان بس والله عنده وكلنه فرحناله وكال اليوم اني عازمكم ع حسابي بمناسبه هذا الخبر كتله يعيش حبيبي كالي اي كله علمود بطنج ههههه وراهه صعدت للغرفه ونطيت خبر لوسام اني طالعه وبعدين بدلنه كلنه ورحنه للمطعم اتعشينه و وراهه رحنه للمرطبات اكلنه موطه وافترينه بالمولات بابا كال يلا تعبت ورجعنه للبيت نمت وثاني يوم رحت للدوام ولكيت حبيبي ينتظرني اي حبيبي اني حبيته واتعلقت بي وهو يوميه يفاجئني بشي ويثبتلي حبه الي ومدللني ويغار كل ما امشي ويا لضحكين نزلي راسج الصراحه اضوج بس اسكت لخاطره.
وسام جنت نايم وحسيت الموبايل يدك فتحته لكيته من حبيبتي دكلي راح اطلع ويه اهلي كتلهه اطلعي بس لبس محتشم وماكو مكياج وهي وافقت بعدين طلعت يم اصدقائي لليل يلا رجعت راسلتهه ماكو الظاهر نايمه من التعب ثاني يوم شفتهه بالدوام عشقتهه مو بس حبيته وخايف من اهلهه خاف مينطوهه بس محسسته بهذا الشي كلشي بوكته حلو اعرف اسوي المستحيل حتى اخذهه
البارت العاشر
غسق مرت الايام وحبنه يزيد وهو ممقصر وياي بشي خطيه واني هم ما اكسر كلمته ولا اعانده كلشي اكولهه حاظر.
ومحمد اخويه قرر يخطب هاي الابنيه اليحبهه ورحنه مشينه عليهه ونطوهه اهلهه وقررنه وره اسبوع نعقدلهم سيد وبالعطله الچبيره يزوج والمرحله الاخير يداومون سوه وعزمنه خوالي وعمامي وسوينه حفله بيناتنه واجوي بيت عمي كلهم وعنده ولد من اني صغيره مخلينه عيني عليه بالحفله شافني كالي طالعه تخبلين شوكت كبرتي ذاك اليوم هلكدوتج كتله كبرت بهاي السنين وشكرا ع المجامله كال يا مجامله لج اتگطعين ضجت منه وكتله يلا من رخصتك اني جنت لابسه فستان قصير ونص ردن لون ماروني وسرحت شعري ومكياج طوخ حسيت الكل منتبه عليه واجه السيد وعقدنالهم وره شويه دخل اخويه لبسهه الذهب وباسهه من راسهه وركصنه للمغرب ورجعنه للبيت خوالي رجعو بس بيت عمي ضلوا وجتي مرت عمي دكلي ماشالله صايره عروس شنو رأيج اخذج لابني اني كتلهه ما اريد ازوج اخلص دراسه يلا كالت هو يخليج تخلصين كتلهه لا ما اريد.ابويه دز ع عشه جاهز وتعشينه كلنه امي ومرت عمي وحده وابويه وعمي وحده وابن عمي ويه الولد كاعدين كلمن يسولف وحد اني صعدت دردشت ويه حبيبي وكتله تعبانه راح انام ونمت كعدت يمكن ب ١مدري بيش ساعه نزلت اشرب مي البيت ضلمه رحت المطبخ حسيت احد واكف ورايه التفتت شفته ابن عمي كالي ما الله يهديج كتله لا ومشيت وجان يجر ايدي كالي اني احبج ومستعد كلشي اسوي علمودج كتله واني ما احبج نترت ايدي ومشيت صعدت نمت ثاني جان سبت راحو بيت عمي وكعدت انظف ويه مرت اخويه البيت هوسه خلصت وسبحت وكعدت اتصفح بالفيس لكيت ابن عمي دازلي طلب ع الماسنجر مجاوبته بعدين ضل يلح واحبج واريدج وما اخليج ترحين لغيري ضوجني خفت خاف ينهي عليه اووف اشلون..
يتبع
