نصف الراحة النفسية ؛
تكون في تقبل الوضع أياً كان ..
و ان تتصالح مع ظروفك تحت مبدأ :
" الدُنيا ليست جنة "
البارت الثامن
وسام.اخذت الفيس وسلمت عليهه ورجعت طبعا فرحان لازم اخليهه تتعلق واتحبني طبعا اني حبيتهه اول مره احب صح عندي صداقات ويه البنات بس ابد محبيت وحده بس هاي تختلف انجذبت الهه ورجعت للبيت اتغديت وصعدت لغرفتي ارتاحيت واگلب بالفيس بحثت ع اسمهه وطلع وگلبت بالفيس مالتهه منشوراتهه حلوه طبعا كاتبه كل معلوماتهه بالفيس ضجت كلت خلي تاخذ عليهه وبعدين انبهه بس هسه راح ادخل عليهه بحجه المعلومات دخلت وكتلهه هلو شنو معناهه مخليه كل معلوماتج بالفيس مردت عليه الظاهر بعدهه مفاتحه نت عفتهه وطفيت الجهاز ونمت.
غسق.رجعت للبيت اتغديت ورحت اريد انام لان تعبانه وراسي يوجعني نمت اشويه وكعدت فتحت نت لكيت اشعار فتحهه لكيته دازلي هلو وشنو هاي المعلومات اني كاتبه معلوماتي بالفيس يعني وين ادرس والقسم والسكن عادي كلنه نخليهه بس هو مدري ليش معاجبه المهم رديت عليه شي ميخصك ونزلت يم ماما جانت بس هي خواني طالعين.
وسام كعدت لكيت اشعار فتحته هي كاتبتلي انت ميخصك رديت عليهه باعي خلينه نتعرف ع بعض وبعدين احجي بكيفج اشويه وردت عليه اي نتعرف شعندنه.واتعرفنه ع بعض وحجتلي عن عائلته واني هم حجيتله وكتلهه عايش ويه امي وابويه وعندي اخت وحده ثالث متوسط سالتني ع طبعي كتلهه عصبي واحب وحده اتعاندني ولو متسمع كلامي وحجايتي وحده ومصير اثنين واذا عصبت ما اشوف احد كدامي .
غسق.كلت يمه اسم الله هذا شنو بكلبي طبعا.كتله واني ما احب احد ميحترمني وميسويلي حساب واحب الرجل الحنون يدللني يحبني مو ياخذه للخدم والاطفال.
وسام. ضحكت اني هههه كتله وافقي عليه وادللي وضلينه يوميه نسولف ونشاقه لحدما اتعودنه ع بعض كمت اذا ما احاجيهه احس نقص عندي..
غسق.اتعودت عليه واتعلقت بي كمت كل ساع اشوف الموبايل خاف دازلي شي ويمكن حبيته مدري اعجاب ما اعرف شنو الشعور وضلينه ع هذا الوضع العطله كلهه قبل لنداوم بيوم سالني كالي باجر اداومين كتله اي كال اريد اشوفج وافقت واني وبعدين سديت التلفون وكمت اريد شلبس باجر حتى يشوفني حلوه ولو اني كل الملابس حلوات عليه بس اريد البس شي مميز بعدين طلعت فستان ميدي لو فستقي ورهمت شال وجنطه وحذاء وياه ومكياج اكيد وراهه نزلت اتعشيت ونظفت المطبخ وصعدت دزيتله رساله سولفنه لحد ١٢كتله يلا انام باجر نلتقي تصبح ع خير.
وسام وانتي من اهل الخير.اني هم نمت وكعدت الصبح سبحت ولبست وطلعت كشخه اصلا اني حلو 😉 ورحت للدوام وانتظرتهه اشويه واجتي تمشي سبحان الله طالعه ملاك لابسه فستان فستقي ومكياج خفيف مخليه و الوجه البريئ فدوه رحت تقدمت عليه صباح الخير.
غسق صباح النور ومنزلنه راسي خجلانه كالتلي طالعه تخبلين محجيت شي كالي فدوه لتخجل لج اموت عليج كتله هوب شوكت گمت تموت عليه كالي من اول يوم شفتج دوختيني خجلت هيج ايحبني انوب رحنه للكافتريه وطلب اكل اني مقبلت بس هو اصر عليه كملنه. وضل يسولف وكالي اذا اتقدم اهلج يقبلون كتله خلي تخلص السنه عود ع العطله كالي ماشي انتظر..
يتبع
#Nosha
