البارت الحادي عشر
وسام حجيت ويه حبيتبي وبعدين طلعت للمول اخذت ملابس وصورتهن ودزيتهن لحبيبتي كتلهه اختاريلي اختار لون بيجي و زيتوني واتفقت وياهه نلبس نفس الشي رجعت نمت وثاني يوم داومت وشفت حبيبتي لابسه مثل ملابسي نفس الالوان كلهه انتبهت علينه ونمشي سوه كلهه عرفت مرتبطين هههه.
غسق حبيبي دزلي صور ملابس ويكلي اختاريلي اختاريت بيجي وزيتوني حتى نلبس سوه وثاني يوم بالدوام كلهه انتبهت علينه عادي مهتمينه ممسوين شي غلط وحبنه صادق ونظيف وحجه وياي كالي بالعطله اجي اخطبج كيفت اني كتله ماشي حبيبي.ومشت الايام وخلصت السنه واخويه ازوج وسوينه العرس بالقاعه وهي حنه هي زفه لبست بدلتين اول شي مال حنه وبعدين مال الزفه واني لبست بنطرون وقميص مستورات لان بالقاعه وزفينه العرسان للفندق ورجعنه و وره اسبوع من عرس حمودي حبيبي انطاني خبر انو باجر يجون وخبرت ماما وهي كالت خلي يجون وانشوفهم والله كريم وكتله تعالو واجه ثاني يوم لبست فستان بسيط اوف وايت وطبيت ع النسوان وقدمت الضيافه وكلمن يصلن ع النبي وحجن بالموضوع وطلعن و لليل بابا دز عليه وكالي اسال عليهم يلا وانطي خبر لعمج اني من كالي هيج انسطرت بس لا ينهي هذا المزعج و وره يومين ابويه كال سالت عليهم وخوش ناس انتي شدكولين كتله بكيفك كال هاهيه لعد وبيوم دنرجع خبر الهم جان يجي ابن عمي وكال اني مموافق اني اريدهه اهنا صاقته و وكعت غ راسي بابا اكيد ويا يكول ابن عمج اوله بيج اتخبلت وردو خبر ابن عمهه يريدهه طبعا ميدرون بيه احبه هو اتخبل وخابرني كال شنو ليش مكتيلي ابن عمج يريدج ليش هسه انصدمت لو يموت ما اخليج اله كتله والله ما احبه هو مجلب بيه عفيه لتعوفني علموده يكلي لج مخبله انتي شنو اعوفج لو اعرف اكتله اني ضحكت اشبيك شنو تكتله ايكلي اسويهه والله..
مر اسبوع كامل هدوء احجي ويه حبيبي بس عادي طبيعي وابن عمي مضايقني بعد و وره اسبوع ما انحس غير ابويه اجا تليفون واتخربط وضعه ها بابا شكو كال ابن عمج متعارك ويه واحد وضاربه بالسجين والولد هسه بالمستشفى وهو بالمركز راح بابا واخوتي ولليل يلا رجعو ها شكو كالو متعارك وضارب واحد وهسه هو بالمستشفى وميقبل يتنازل مشتكي عليه اشلون شغله هاي.
وسام وره ما ردو خبر ابن عمهه يريدهه ضليت هادى وطبيعي وحتى احجي وياهه وما أيست من الامل ثاني يوم رحت سالت عليه وجبت تفاصيل كامله عليه وكلت فديومين اروحله ورحتله وكعدت اتفاهم ويا وهو كام يغلط ويسب وع انتو عدكم علاقه اله اكتلهه اني كتله اكتلهه اذا ادفنك وراهه اشو هذا كامل وطلع سجين وجان يضربني بطني واجوي ولد اخذوني للمستشفى وهو شرد واهناك اشتكيت عليه ودريت هو بالمركز واجوي اهله وعمه ابو غسق ومقبلت اتنازل وراهه طلعت من المستشفى واسبوع محاجي ويه حبيبتي ادك واني ما اشيله لان تعبان ومابيه من طلعت للبيت دكيت عليهه صوتهه جان تعبانه كتلهه شبيج حبيبي ليش هيج صوتج كالت ابن عمي ضارب واحد بسجين ومشتكي عليه وميقبل يتنازل اني هنا ضحكت كتلهه حبيبتي اني الضربني ابن عمج وما اتنازل اله يتركج واصير اليه اشو هاي ضلت ساكته بعدين بجت كالت حبيبي خما بيك شي اتاذيت كتلهه كافي ما بيه شي دموعج ياذني كافي فدوه لكلبج ضليت اهدي بيهه لحد ما سكتت.
غسق دكت عليه حبيبي وحجيتله كلشي اشو هذا كام يضحك كتله ليش تضحك كالي حبيتبي اني ابن عمج ضربني اني انصدمت وبجيت وهو ضل يهدي بيه بعدين سده ضليت الوب ما اكدر اكولهم هو ضارب الولد اجه عليه تعبت من التفكير لحد ما نمت وضل ابن عمي بالسجن و وسام ميقبل يتنازل اله يفك عني. ضل تقريبا ١٠ خابرني حبيبي كالي ابن عمج اتصل عليه وباجر اروح اشوفه شيريد خفت كتله عفيه دير بالك على حالك حياتي انت وسديته.
وسام اتصلت عليهه وكتلهه هذا الكلام 🖕 وثاني يوم رحت عليه وجان يتوسل بيه اتنازل بس اني ذليته يلا وكتله ممنوع تتقرب من غسق وراح اخطبهه من جديد وادكول بطلت ما اريدهه هو وافق فرحت اني لان انتصرت بس اني ما اتنازلت كتله اروح اخطبهه ويوافقون يلا وثاني يوم رحت وكالو نسال ابن عمهه بعده يريدهه وره يومين ردولي خبر انو موافقين فرحت كلش بعدين رحت تنازلت من الشكيه .
غسق خابرني حبيبي فرحان بعد مردينه موافقين طبعا اني طايره من الفرح متوقعت يقبل بهل السرعة بس حبيبي فدوه لعينه كلشي يسوي علمودي وكالي يومين نسوي خطوبه وعقد سيد حظري نفسج كتله تدلل حبيبي سديته منه ونزلت لماما طايره ماما وسام يكول ويومين ونسوي الخطوبه والعقد كالت باجر نروح نسوك وصعدت حتى اكل ماكلت جنت اسعد وحده ثاني يوم طلعنه اني وماما اسوكنه مسواك العقد بعدين اجرت بدله لو جويتي دلعه كلش والظهر كله يبين ورجعنه تعبانين جبنه غده جاهز واتغدينه ونظفت المطبخ وصعدت نمت كعدت العصر رحت للصالون عدلت شعري وصبغته وسويت حواجبي ونظفت وجهي طلعت غير شكل لليل يلا رجعنه طبعا زراله من بابا لان اتاخرنه بس مهتميت لان فرحانه اتعشينه وصعدت حاجيت حبيبي وسولفته كلشي وضليت ل ٢سهرانه ويا بعدين نمت كعدت ب٩الصبح اتريكت وبلشت بالبيت تنضيف كامل خلصت اتغدينه ورحت نمت لان ميته من التعب حسيت المغرب ع صوت الموبايل شفته حبيبي رديت كال هاي شنو بس لا نايمه كتله اي حبيبي لان نضفت البيت كلهه وتعبت كالي ليش اتعبين نفسج حبيبي هسه اخذج يمي وانسيج التعب ضحكت ع سوالفه بعدين كتله يلا حياتي اروح اصلي. وره العشه احاجيك نزلت صليت وسويت عشه وتعشينه وكعدنه كلنه نتفرج تلفزيون شويه شويه كمنه ننسحب مرت اخويه كامت كالت تعبت طبعا الحمل متعبهه وامير صعد وياهه اهلي راحو لان ممتعودين يسهرون ضلينه اني ومحمد ومرته طبعا كلش حبابه عكس مرت امير وتغتني بماما ومحمد لان هيج يشوفهه يموت عليهه ضلينه نسولف محمد كالي اي كبرتي وصرتي عروس بعد ويامن اشاقه خجلني وضجت اني هم اشلون راح افاركهم اووف شسوي هاي سنه الحياة..
وسام انتظرتهه تتصل ماكو دكيت عليهه ماكو عصبيت يمكن ١٠مرات متصل مجاوب ل ١١دكت عليه جاوبت بعصبيه وين جنتي كم مره دكيت ليش اتخلين اعصابي محروكه.
غسق.ع كيفك حبيبي اشبيك ليش هل العصبيه جنت يم اهلي كاعده.ضجت طبعا سويت نفسي زعلانه.
وسام. اسف حبيبي بس والله ما اتحمل تبتعدين عني اشويه وسديته نمت كعدت الصبح رحت للحلاق اليوم عقدي ورجعت للبيت اتغديت وخابرت غسوقه حياتي جانت بالصالون.
غسق خابرني حبيبي كتله بعدني بالصالون وسديته سويتلي تسريحه عاليه ونزلت خصل من شعري ومكياج طلع ايخبل ولبست البدله اتغير شكلي كملت خابرت محمد اجه اخذني اني ومرته وصلت لكيت نور جايه وصديقات وياي بالكليه هم جايت سلمنه عليه وباركلي اشويه واجوي كعدو قروا الفاتحه بعدين صاحو عليه من وره الباب عقدنه السيد واشتغلت الهلاهل والركص اشويه صاح لبسو العريس راح يدخل دخل طالع يجنن لابس قميص جوتي وبنطرون ابيض ومسوي شعره ايخبل والعطر مالته يسطر كعد بصفي ولبسني الذهب وشاورني شطالعه راح اخذج واشرد شوكت اصيرين بحضني خجلت من حجيه وضليت ساكته كالو كومو اركصو ركصنه اشويه وبعدين راح واني هم ورا صعدت من التعب بساع نمت كعدت ثاني يوم عادي مشه ماكو شي بعد اسبوع وتبدي السنه وهاي السنه مرحله ثانيه ومرت محمد حامل بدايه حمل طلعت اسوكت ملابس دوام بهذا الاسبوع وباجر اداوم.طبعا بيت عمي زعلوا لان مقبل بابن عمي طبهم مرض بعد احسن.
يتبع
بارت صباحي
