الشفه متروسه ضحك بس القلب بي فاتحه🥺
___________
..... : اوووف شنو هالملل ربي رحمتك طكت روحي حته من روحي هفففف وكمت انفخ وكَذلتي تطير بالهوا
اساور: خبالووو شبيج تفخين جنج ارمله ...
....: شتريديني اسوي واللي بعمري يتونسن جامعه وكشخات واني كاعدة مكَابله وجهج ليجيب ...المهم وين جنتي دايحه
اساور: هوووو خلصت شغلي كله وكل الغراض لناقصتني لعرس ابن عمي غير
،،: عشتووو متونسه عود
فاتت رحمه بصياااح: لج زهرااء لحكي تعرفين منو شفت بالسوك
اساور تأشر بعينهه: كاافي رحومه شوفي عمه شتريد ساعديهه
زهراء بحسرة: اااه مو شي جديد اكيد نوفل شفتي
رحمه: لا شفت ياسرر و اخته بالسوك
اساور : امشو نساعد عمه يله بنات وانتي زوزة كومي ويانه
زهراء بقهر: يي روحو طالعه وراكم ...طلعو وسدو الباب وبقت زهراء ويه ماضيهه
العودة الى الماضي ...
اني زهراء واحب يسموني اسيرة الزهراء عندي اخوان اثنين و٣ خوات اني الرابعه وياهن وامي وابويه عايشين والحمدلله من عائله ميسورة الحال وخير من الله من محافظه.......عمري جان بوكتهه ١٤ سنه اهلي يحبوني كلش عندي عمام خير من الله والمقربين ٥ عمام وبنات عمي اساور ورحمه اقرب بنات عم وصديقات الي ....عندي خوات ثنين اكبر مني متزوجات مو عن حب بس بالنصيب اجه نصيبهه لكل وحدة ووافقو اهلي وانطوهه لصاحب النصيب
اخواني اثنين واحد متزوج ويشتغل بالشرطه وزوجته نتعرف عليهه بعدين شلون اتزوجت اخويه ستار
واخويه ثاني حيدر يحبني واحبه وطيوب ع نيته
واخت اصغر مني واني تسلسلي الثالثه بالبنات يعني ع كولتهم السرة بالزواج الي ...
احب واعشق الدراسه كلش وطموحي اصير وادرس طب ...
اهلي معروفين ومن شيوخ احنه وابويه كلمته وحدة متصير اثنين جنت ناجحه من الثاني للثالث متوسط وباول اسبوع دوام بالثالث انكلبت حياتي كَلاب
بيوم جنت نازله من درج والجو جان شتا لابسه دشداشه بنفسجيه واني بيضه ومربربه وعيوني عسليه ومكفشخه ووجهي شبعان نوم نزلت وجان يوم جمعه عندي عطله محد كعدني معدت لكيت نسوان بصاله نزلت واتفشلت من الموقف مااعرف عدنه احد او لا
ماما: تعي بنتي سلمي هاي بنت خالتي وبنتهه
زهراء: السلام عليكم
ام ياسر: هلا ببنيتي حياج وشبكتني تبوس بيا وتكرص من زنودي بس مصحت بس غوركت عيوني وبنتهه كصتني كص من فوك ليجوة
سلمت وفتت للمطبخ
زهراء: ااخ ووكسر لهالايد
رحمه: شبيج ولج تدردمين من صبح
زهراء: وج هاي المريه بنت خالت ماما مدري منو تكرص بيا موتتني كرص
رحمه: ههههن حقهه عيني غير مشايفه هبر ابيض 😁
زهراء: تف عليج ياحقيرة جا صرت انه هبر ابيض مو ..سويلي ريوك
رحمه: اشتغل عند لخلفج ولج
نبأ اختي الصغيرة: هاا رحمه هسه اكول لبابا عليج
رحمه ركضت صارت كدام نبأ: لا نباوي فدوة مو هيج قصدي هسه اروح اسويلهه ريوك بس لتكولين داشاقه وروحج
نبأ: عزاا موتيني بساعتهه ...ماشي سوي ريوك ..وباوعت لزهراء زوزة تدرسيني رياضيات مو خليتهه تسويلج ريوك
وهراء تضحك من موقفهم: ههههه ييي ادرسج بس مطول لان عندي امتحان بالاحد واختج بعد اشطرهن لازم درجه بيهه خير وانتي توكعين ع جرح عشقي الرياضيات
رحمه وهيه تطلع جبن ومربى من الثلاجه: عشتوو ولج ليحب رياضيات مبراسه خير حته حظه قليل
نبأ: زوزة معليج بيهه كملي ريوك وشرحيلي انتي ثالث واني سادس ابتدائي وثنينه بكلوريا وشغله مصخمه اذا بقت ع دراستي ف اعتمد واتبارك من تدرسيني سبحان الله اجاوب ريسن
زهراء بمكر: مممم سبحان الله
خلصت ريوك وغسلت المواعين ورحمه راحت احنه عمامي بيت بسد بيت فتلاكون كل واحد بيت غير بيته مثل رحمه واساور بيتنه ونبأ بيت اهل اساور وهيج مكضيهه درست نبأ وساعدت ماما بلغدة وماما ونبأ غسلو مواعين ظهر للعصر جتي سهاد اختي الاكبر مني ومتزوجه وعدهه جهال اتجمعنه وتونسنه لليل كلنه منجمعين طبعا ستار مجان متزوج بهالاحداث
بابا: يابه ستار مشيلنه معامله عمك ابو خضر اليوم كعدلي ع وحدة ونص وظل يترجه وما منه فايدة لما جبت اوراقه يله عافني
ستار: يابه ميوظفون ابنه لان ممكمل ثالث متوسط شلون سالفه مو صار سنه اثردله هالسالفه
حيدر: ميخالف كوله يريدون متخرجين وسايسه
ستار: باع هذا اكلك اثرد واصقل ومامنه رجه جا اليشيب الراس موش النسوان ابو خضر
الكل: ههههههه ...
جانت كعدتنه ونسه وضحك واني ع كولتهم اضحك ويه الهوة بس مكشرة ههههه
زهراء: احم ترة اني اريد راتب دراستي ملحكلهه ونوب ادرس نباوي راتب ابو ستوري منا ورايح
ستار: وشكد تريدين بالله ست
زهراء بتكبر: احم فوك ال ٣٠٠ الف وانتو صاعدين
حيدر: هاا ع مادة وحدة لو كل المواد
زهراء: اذا طاكين لهالدرجه تنطوني لمادة وحدة بكيفكم بس ترة المبلغ قليل بس حسبت حساب اهلي وقللت
نبا: بيج الخير ..اكلج سهاد حماج الارمل مو تيد تزوجو ترة موجودة عروسته وخوش قفاصه هذا الكلام ب ٢٠١٤ ...
ماما: اكو موضوع اريد اكولكم بي واخذ رأيكم مدامكم ملتمين
يتبع ....تصويت وكومنت ⭐👉👇
ادري قليل بس مضغوطه بالامتحانات لكن صاحبت القصه اصرت ونزلت لعيونهه ...من هسه القصه حزينه للكَلوب الرهي💔
