أحياناً تكون احلامنا
اوسع من ان يحتويها واقعنا
ف النصبر ع واقعنا حتى نكبر،،،🍂🥺
مثل ماواعدتكم بارتين ونزلت الثاني ...قراءة ممتعه😍
______________________________
ياسر بضحكه: ليش منو غيرج مريتي
اسيرة: دكَرصني حته خاف احلم اكعد منه
باسهه ياسر من شفايفهه وخر كال : وهسه بدال الكرصه بوسه لو اسوي غير شي حته تتأكدين انتي بعلم مو حلم
اسيرة بخجل: اووي فدوة للرومانسي يارب دومك وياي .....مشه اليوم عادي بين حنيتهم وميخلوني اشتغل ولا كَشه من البيت ..بليل خابرت ماما
اسيرة: الووو هلا ماما
ماما: هلا ببنيتي شونج يمه شعلومج
اسيرة: بخير يلغاليه اشون اخواني ونبأ
ماما: بخير يمه وباجر ان شاء الله جاينيج بس خالتج ام قتيبه هيه وعلي وقتيبه ومرته وخواتهم ميجون اعتذرو بس ماجد جاي هوة ومرته وعماتج وخالاتج جايات همات
اسيرة: ان شاء الله خير
ماما: يله يمه سلمي ع زلمتج وجاينج باجر مع السلامة
اسيرة: مع السلامه...سديته وصفنت هذا معقوله علي يحبني واهله يدرون زين ليش مكالو اله اتزوجت يله اتذكرو اهوو هسه ياسر زين وياي بس مرات مدري احسه مجبور ع زيجه مني ويسمع لعمتي حيل بس هاليوم كلش متغيرين وحبابين وياي ...
صبح صبح السبعة ..صار اسبوع لزواجهم ...
ياسر يبوس بوجه اسيرة: كسوولتي صحصحي يله ورانه عالم جاية
اسيرة بنعاس: مممم اتمطت حباب خل انام بس شوية غير من وراك ظليت سهرانه
ياسر: صبرك يارب شلون تتنعوص كدامي وتيدني اظل ساكت الهه ..اشو تعالي ..صار فوكَاية وبقه يبوس بوجهي واني مغمضه من كل عقلي اريد انام بس وين حجي يفيدني وسوة ووو ..
ورة ساعه ياسر طلع من الحمام دينشف براسه واكف يم المرايا واني بلفراش
ياسر وهوة ينشف: سويرا كومي لا ارجع نوب
اسيرة: ممم متمل والله هديت حيلي
ياسر بغمزة: شعبالج لعد مو متزوجين هوة هيج الزواج
اسيرة: اذا زواج هيج قلت ادب وانحراف ليش يسموو نص دينك
ياسر: هههههههههه غير حته يصير بالحلال والطفل يصير معروف ابوة وامه
اسيرة وحطت راسهه ع مخدة: يسوري الله عليك نص ساعه وكعدني بس شويه انام والله عيوني مغوركه نوم
ياسر اتقرب سحب الغطا كوومي لا ارجع مرت لخ
اسيرة بشهكه: عززا صد وجهك اهناك وحطت الشرشف عليهه
