كن كالحياة رافق الجميع ولا تتمسك باحد✌
ممكن متابعه لحسابsmjank
اهنا عمي متحمل رفع ايدة ع عمتي وياسر يفاكك بينهم وخر عمي ويستغفر وعافنه وطلع عمتي ماكالت باطل بقت تحجي فورت ياسر لزمني عت من شعري سحلني درج كله فوتني للغرفه انطاني كم راجدي ودفرا وراهه شكك ملابسي وهجم عليا عبالك مو زوجه وحدة يغتصبهه كرهت نفسي وكلشي حته اهلي كرهتهم ليش شمروني هالشمرة لا وبابا يكول سألت عليهم خوش ناس يابه ناس تحجي يظاهر بقيت ابجي وخر مني واني كارهه كلشي بحياتي ....
ثاني يوم صبح الصبح ملكيته يمي اشوة افتك منه كمت بتكاسل لان متكسر جسمي رحت للحمام سبحت وهم مكدرت امشط لفيت الشال ونزلت تلكتني عمتي وبصباحهه ليسوي واهس
عمتي : هلا بلمسعدة توج ماكعدتي عليش جان بقيتي نايمه ونصعدلج الريوك لغرفتج
اسيرة: صباح الخير عمه تريكتي لو لا
عمتي: اتزقنبت خلصي كفي البيت من وراج ياسر طلع بدون ريوك التحق
اسيرة بصدمه: شنوو التحق شوكت مكال ولا خلاني احضر ملابسه
عمتي تفر بيدهه: يي مو لو ماخذ مرة جان عرفت بس وين الله خلاج للمشاكل من فتي ببويتنه والمشاكل ماهجدت عوذة من هالكَصه الفكَر ...
عفتههه ورحت للمطبخ هند دتحضر ريوك الهه
اسيرة: صباح الخير
هند: صباح النور ..يله مدي ايدج وتريكي وياي
كعدت اتريك ويه هند ولاحظت
اسيرة: اكلج هنودة لاحظت شي من جيت متنجمعون ع الاكل اله قليل وتاكلون منعزلين ليش
هند بحسرة: اااه هم هيج طبعهم من فتحت عيوني سكتي لتفتحين جروحي وخل نتريك قبل لا تيجي امي وتسويهه مجزرة
تريكنه وكملت التنظيف وسويت الغدة ويه هند .....
ماكو احداث كله نفس الروتين ورة اسبوعين خلصت تنظيف البيت من الصبح وفتت للصاله
اسيرة: عمه اريد اروح لاهلي
عمتي منتكيه ع مخدة: وين موليه عيددي لج متكولين زلمتي مو هين اكعد والصم
اسيرة: عمه مو طلعت روحي محرومه من تلفون ودراسه وزوجي مو هين ودانظف الكم عبالك خدامه مبيهه شي اذا رحت يومين لاهلي لو عندي تلفون جان خابرت ياسر وكتلهه
عمتي: شوفي يالصفرا كلمتي توصلج وتتعداج طلعه ماكو لما يجي زوجج وهوة يقرر انكَلعي سويلي سلاگ للغدا
طلعت اتأفف وروحي طالعه هالاسبوعين صح خلصانه من ضرب ياسر بس حجي عمتي مثل السم لازم تغثني سويت الغدة والدمعه بطرف عيني خلصو غدة داغسل بالمواعين فززتني
