بعد ماراح اشوفك وانته تدعيلي
ولا تتغزل بصوتي وتفاصيلي
ولا نسهر سوة لحد مانخلص الليل
وتفز الصبح بالشوك تحجيلي
زين هوة الماخذك مو مايحبك حيل
ليش شويه منك مايبقيلي
وليش الناس هاي الناس ما تعرف تغنيلي
واذا شديته جرحي اشلون اشد حيلي
احبك وانته ما مقسوم لا اعرف
لا اعرف شسويلك ولا اعرف شسويلي ،،
________________________________________
علي: انعل ابو الكانونه دفضهه عاد
عباس: هاهيه عندج العافيه سويرة
علي: لمياء اخذيهه خلهه تاكل شي الابرة قويه عليهه باجر عرس مو مال تتخريط
بعدهي لمساء اخته مجتي وامي كالت
ام ستار: ولج داكلي يمه كلام خيج عليوي صدك مشفتي نسوان فكن حلوكتهن عليج اكلنج بعيونهن
علي ضرب الطبله ليمه وكام طلع برة وعباس ابتسم شوي وسكت اني طلعت ويه لمياء بلمطبخ ساعه بالوحدة ونص وبعدهم كاعدين
كلت شوي لان صدك دخت بعد مكدر اكل ..
لمياء : ياا ليش ولج غير علي يكتلني كال خل تاكل وامج متيدج تتخربطين كملي
اسيرة: والله بعد مااشتهي اريد انام دايخه
علي فات: حقهه دايخه غير نسوان كصنج بعيونهن وهسه كلهن كتن الخبر لزلمهن وفصلنج كدامهم ..
طبعا علي اكبر مني ب ٣ سنوات اني جنت ١٤ وهوةة١٧ سنه ..ف بعدة خامس علمي
اسيرة: شسوي لنسوان يكول مشايفات بنات
لمياء طلعت تطفي الاضويه مال البيت
علي اقترب: حقهم هوة اذا اني خفت لا احسدج مسامعه عيون المحب تحسد فما بالج باللي شافوج
اسيرة بفهاوة: هااا اا
لمياء: يله سيرو قفلت وطفيت كلشي خل نصعد ننام
علي بهمس: انعل ساعت السودة لاهلي سووج بيهه وكتهه تخربين الكعدة
اسيرة : ييي جيت ..ورحنه ننام ....
صباح يوم جديد العرس وهوسته ...
ماجد العريس: يمعودين وين الريوك مو وراي شغل
ستار: شوراك هم نصبه اشو من البارحه وديناك للحلاق
ماجد: لا ولك مو حته يستعجلون بريوك غير عريس ويرادلي مجهود
ستار: هههه بعد اخيك خاف تحتاج مساعدة حاضر اني للطيبين
ماجد: لك سكط شحتاج ولي عن وجهي الله يالله مدامك ابو المساعدة شد حيلك واتزوج
ستار: ههه هانت اتزوج وطمنه الزواج مو خنكه ولا قفص عود نجرب وراك
خلصنه ريوك والتمو بصاله ولد وبنات نبأ وتوته وعذراء هوسو يم ماجد
