كن غريبا لا احد يقترب منك
ولا تقترب من احد
فانت في زمن مصاب بمرض العلاقات للتسليه،،،
____________________________
بابا: هوة هذا لردت احجي وياج علمود زواجح بنتي اول شي واثقه بيا انتي لو لا
اسيرة : يي واثقه
بابا: شوفي بنتي اهل ياسر وحته ياسر خوش ناس تدرين شكد رفضنه خطابه علمودج لانج مموافقه بس ذولي خوش ناس وكَرابه لامج ميتعوضون ودراستج حجيت ويه الاب ويبلغ ابنه دراستج تكمليهه ووافق بعد شكو البنيه مردهه لزوجهه شما وصلت من شهادة فما بالج تزوجين وزوجج ليدعمج ويخطي كل خطوة بنجاحج شوفي شكبرهه من فرحه ولو اشوف اكو عيب منطيج واني انطيت كلمتي وتعرفين مكدر اتراجع بس خل هالسالفتين ترجيه باذنج شما يصير بين الزلمه ومرته يبقه بينهم مو ع كل سالفه كلتي لاهلج هذا كلامي اريدج تصيرين سباعيه اكو مشاكل واكو خلافات وحته مرات ضرب بس مو ضرب المينكدرله يعني مخوفج بس اكلج كلشي يصير بين الرجل ومرته فاريدج صبورة ترفعين راسي مثل اختج امنه وسهاد
اسيرة بدموع: تدلل اني واثقه منك
بابا حظني: اشش ليش هالدموع ..حته مسألتي منو زوجج اسمه عمرة
اسيرة: مو مهم مدامك واثق منهم
بابا بضحكه: ههه فديت حبيبه ابوهه والله يابابا لو مو خوش ناس منطيج وسألت عنهم ومدحو بيهم
بلشو يحضرون لان الصدمني اجوي ثاني يوم خطابه اهل ياسر عليا جانو وياهم هوايه نسوان وزلم لعرفتهم من نسوان اخته وامه وخالاته ومرت عمامه نسوان وحد والزلم وحد
ام ياسر: صلوات يمه جنتي كمر
ام ستار: وراح تطفين الكمر من عدنه ويضوي بيتكم
مرت عمهم : يي والله كمر الله يسعدهم
وظلو يحجون ع خطبه وعقد والحفله وكلشي بس هند منطلقه واخته ثانيه حسيتهه معاجبهه الوضع اسمهه ليان ذولي لعرفتهم
الخبصه هاي كلهه كالو ورة اسبوع الزواج اتخبلت شنو زواج وتوه بلشنه دراسه بثالث متوسط لا يربي شديحجون شكد حاولت ويه اهلي بس كالو الجماعه مستعجلين علمود ابنهم يشتغل بالحشد وباجازته يزوجو وقنعو اهلي اكمل دراسه يمهم ومجان اكو شي يستوجب التأجيل بعين اهلي وهم بعين اهل ياسر ..
طبعا ياسر ليهسه مشفته حته بذهب ماجه ويانه امه ومرت عمه وخالته واني وماما وامنه بس عبالك جسد بلا روح صح مجنت احب احد معين بس شنو جنت بانيه احلامي واكمل دراسه وطب شو بيوم ولحظه تتغير حياتي من بنيه طالبه لمخطوبه لورة كم يوم متزوجه ...
بيوم عقد المحكه طل اخيرا روميو ..
ياسر: شونج ااا
اسيرة: هلا .اسمي اسيرة
