كان ينضر الى سقف المنزل ولايعرف ماذا يفعل
اما هية كانت تعزف عالبيانو وبجانبها امها وابيها اليوم هو عيد ميلادها وقد تمنا والداها الحياة السعيدة لها وطلبوا منها ان تقطع كعكة عيد ميلادها
لقد كان محبطا وتوقف امام مرأته وضل ينضر الى نفسه وفتح احد الجرارات واخذ شيئا منها
الابطال همة
ميار-عمران
عائلة ميار
الام نرجس
والاب مهند
نرجس: اليوم طالعة تخبلين حبيبتي
ميار: فدوة اروحلج يمة وفجأة ميار كالت اووو نسيت المفتاح مال السيارة
نرجس: اني راح اجيبة الج
ميار: شكرا يمة
وفجأة وكعت ميار وتخربطت
هو كص ايدة وكع بالحمام وغمض عينة لان نزف هواية دم
نرجس ركضت على بتهة وصاحت ميييار بنتي
اما عمران ركض ابو علي وشاف ابنة اقدم عالانتحار وصاح علي عمران عمران
واخذوهم ثنينهم للمستشفى
ميار حارث 26سنة عدهة مشكلة خلقية بالقلب
عمران خالد 30سنة حاول يقتل نفسه
هاي المعلومات الي اخذوهة المستشفى من اهاليهم
عمران نزف هواية من دمة وهو جان بحاجة ان يتبرع احد بدمة العمران
ودخلوهم ثنينهم بغرفة وحدة وبدوا يفحصون عمران وميار
الممرضة كالت لابو عمران اهدأ هو عايش
مياركعدت وشافت نفسهة بالمستسفى وكامت من السرير وامهة جانت نايمة يمهة عالكرسي وطلعت بدون متحس امهة عليهة وكامت تفتر بالممرات مال المستشفى اتفقدت غرف المرضى
اما عمران كعد وشاف المكان الي هو بي
الممرضة شافت ميار وكالت هاي شنو شلون اطلعين من غرفتج تدرين بنفسج او وضعج كلش تعبان
ميار: لتخافين علية تدرين اني شكد نوبات صارت عندي مثل هاي النوبة وسألتهة
ميار: منو الشاب الي موجود بهاي الغرفة
الممرضة: اي غرفة
ميار: اول وحدة الي بابهة مفتوح
الممرضة: شحجيلج هذا الشاب كلش قهرني على وضعة عمرة 30 سنة وللاسف حالتة تعبانة
ميار:يعني حالتة خطرة
الممرضة: لا وبصراحة هو مو مريض ومايشكي من مرض وادنت يم ميار وبصوت ناصي كالت هو حاول ينتحر
ميار: انصدمت وكالت يامسكين
الممرضة: حالتة تحير ومااعرف شنو سبب انتحارة صدك نقهرت علي
راحت ميار الغرفتة واشتغلت التحريات عدهة 😒وكالت لازم اعرف قصتة
مياردخلت الغرفتة وكالت شلون صرت وبعدين حجت ويا بصوت شبه عالي وكالت: انت شلون هيج تخاطر بحياتك شاب واعي ومو اصغير شلون هيج سويت واذيت روحك
عمران: مثل الاطرش بالزفة ميعرف اي شي 😂منو هاي وشلون فاتت على غرفتة
ميار: مبين علية ضوجتك مو لضوج لان اني اصلا مبقالي بهاي الدنيا الا شي قليل انت شوف نفسك شلون هيج تسوي هيج بنفسك يعني انت عندك عقل
واخيرا نطق عمران وكال: كأنو متعرفنة
ميار: هذا مو موضوعنة ورحت كعدت يمة وكالت قبل مااعرف ليش هيج سويت مراح اطلع من الغرفة وراح اضل كاعدة هنا
عمران صاح عالممرضة
ميار: صيح شكد متريد محد راح يسمعك وهسة كلي ليش هيج سويت بروحك. الاخت مصممة 🤦♂️
عمران: اطلعي من غرفتي حالا
ميار كالتلة اسفة وخلت رجل على رجل وكالت اسفة
اما عمران اندار وسوة نفسة نايم
ميار كالت: هية هاي التربية الي تعلمت عليهة شبيك مو دااحجي وياك باوع علية واحجي وكالتلة اريد اعرف شنو هالشي العضيم الي خلاك هيج تسوي بروحك اني مااصدك اكو شي بهاي الدنيا يستاهل هيج تسوي بروحك كولي ليش هيج سويت
عمران ضل ساكت مجاوبهة لحد مانام
اما هية ضلت يمة لحد ما كعد من النوم وشافهة
ميار: صباح الخير
عمران: هاي انتي لحد الان موجودة ومرحتي
ميار: اكيد وسلمت علي وكالت بالمناسبة اسمي ميار وانت عمران مو صح انت البارحة نمت هواية واني جنت ضايجة وكلت اشوف ملفك وعرفت شنو اسمك وبعدين كالت مراح اتحرك الة ادكولي ليش انتحرت
عمران: اني ماعندي شي اكولة واضن الي صاير وياية ميعنيج موصح
ميا:تدري الي سويتة بنفسك غلط
عمران كام يصيح على الممرضة حتى تخلصة من ميار 😒
اجتي الممرضة وياهة ام ميار نرجس وكالت الامهة ها موكتلج هية هنا
ام ميار كالت خوفتيني عليج وكلبي راح يوكف من وراج وراحت ميار حضنت امهة وكالت
ميار: يمة هاي اني هنا مابية شي لتخافين علية تعالي اعرفج على صديقي الجديد اسمة عمران وعرفتهم على بعض
نرجس: تشرفت بمعرفتك ابني اني ام ميار
ميار كالت يلة يمة خلي نروح حتى يرتاح وكالتلة ها لاعبالك خلصت مني ترى راجعتلك وراحت
الدكتورة شافت اهل ميار وكالتلهم اني شرحتلكم وضع ميار وبصراحة الاخبار موزينة وبنتكم حالتهة كلش خطرة و صلت المرحلة الاخيرة من قصور القلب
انهارت ام ميار وكامت تبجي وكذلك ابوهة بجة من سمع كلام الدكتورة كالت: للاسف وصلنة للشي الي اتوقعنا وتذكرون شكلت من قبل شنسوي اذا وصلنا الهاي المرحلة
ابو ميار مهند كال: كوليلي دكتورة شكد راح تعيش بنتي
الدكتورة:ممكن تعيش لسنة
ونهاروا اهلهة من سمعوا هيج خبر
اما ميار جانت واكفة وسمعت كلشي وكامت تبجي وشافتهم ميار وراحت عدهم
وركضت امهة عليهة وحضنت بتهة وكامت تبجي وكالت لامهة احدي يروحي انتي اما امهة انهارت من البجي
وانطت ايدهة لابوهة ولزمتة وحضنتهم حيل جان موقف كلش صعب عليهم
اجة الدكتور على عمران
الدكتور: استاذ عمران يرادلك جلسات طبيب نفسي
عمران رفض كلام الدكتور اما الدكتور كال هاي الجلسات ضرورية
وبهاي اللحضة سمعت ميار كلشي ودخلت عليهم وسمعت رفض عمران
عمران: الي اريدة اطلع منا بأسرع وقت
الدكتور رفض وكال: انت جرحك بعد مطاب لحد الان ولازم تبقى هنا عدنة
عمران رفض وكال مراح اضل هنا رجاءا طلعني منا
الدكتور راح
ودخلت ميار وكالتلة راح ترجع تعيد انتحارك مرة ثانية وكعدت يمة تدري انت مسألتني ليش اني بالمستشفى بس راح اجاوب وكالت اني مهددة بالموت من اول ماخلقني الله ودمعت عيونهة ودااحارب علمود مااموت وابتسمت وكالت اكولك على شغلة مستحيل اضل عايشة بس جان دائما عندي امل وقبل شوية الدكتورة كالت انو مو باقيلي وكت هواية حتى اعيشة اني هسة عندي استعداد لاي شي حتى اصير زينة واكون بمكانك اني عيد ميلادي جان البارحة واضن هاي اخر سنة احتفل بيهة بعيد ميلادي تدري اهلي يحتفلون بعيد ميلادي على اساس انو الاخير من جنت بعمر عشر سنوات اصلا اكثر شي زعلانة علمودة تخيل انت من اول مااجيت للدنيا وهمة عايشين بخوف يفقدون بتهم فديوم لهذا امي سمعتني وجانت تعد انفاسي من وكت مااجيت للدنيا اني مااعرف قصتك ولااعرف شنو السبب الي خلاك توصل الهيج درجة شنو ماكان هالشي مراح ابررلك غلطتك تدري انت بهاي المستشفى هواية ناس تحارب حتى تبقى عايشة وانت هنااااا لان حاولت تكتل نفسك
عمران كال: عوفيني بحالي
ميار: ماشي براحتك وراحت
نرجس: امي انتي ليش رحتي يمة
ميار: يمة اني احب اساعدة شنو الغلط بالموضوع
نرجس: يمة كلشي الة حد بهاي الدنيا ميارواحنة منعرف عن الشاب اي شي بلكي موزين
ميار: لو جان موزين جان اذى ناس مويأذي نفسة
نرجس:وانتي برأيج هذا الشي عادي قصدي القصة غريبة شوية لو شنو يصير ويا المفروض ميسوي هيج بروحة
ميار:اني علمود هيج اسوي احب اروح اشوفة واعرف قصتة
نرجس: احنة شعلينة يمة بشنو يهمنة هالموضوع
ميار: يمة يمكن اكدر اساعد هذا الشاب
نرجس: امري لله بس بشرط كل شاعة تتصلي بية اوادزيلي رسالة واذا مااتصلتي اوراسلتيني اجي يمج
على فكرة اهل ميار عايشين خارج العراق
ميار: على اساس تعرفين عنوان المكان وضحكت
نرجس: انتي راح ادكوليلي وادزيلي العنوان
ميار ضحكت وكالت: التكنلوجيا خربت حياتنة
وراحت ميار على العنوان الي بي عمران وهية دتفتح الباب جان تشوفة وضحكت وكالت عمران اني راح اعرض عليك شغلة تعجبك عمران شغل الماطور وراح بدون ميحجي ولا كلمة
ميار بقت كاعدة تنتضرة لحد مااجة
ميار: اسمعني اريد اكولك شي وضلت ادك بالباب واذا عبالك اعوفك واروح مستحيل انسى وشوف عنادي لو عنادك
صار الليل وعمران طلع وكال: شكلهة استسلمت
ميار: هذا وين راح شراح اسوي هسة وكامت وكالت لازم اعبر من الحايط وعبرت وراحت فتحت الباب حتى ادخل جنطتهة جوة ومشت وصلت يم الباب وضلت ادك علي وكالت عمران افتح اني خايفة هواية
عمران: هاي بعدهة هنا وراح فتح الباب
صار الصبح وكعدت مياروضلت تلعب ويا البطات
كعد عمران وراح يمهة وكال هاي شنو من بنية
ميار صاحت على عمران من شافتة بس مجاوبهة
عمران: ليش اجيتي يمي
ميار: احب اضل اسبوع يمك
عمران: احلفي اسبوع
ميار: اي اكيد
عمران: بس مراح تستفادين شي رجاءا ريحيني وروحي فورا منا مالي خلكج
ميار:لا اني راح اضل هنا
عمران: ليش بلة
ميار: اريد اضل يمك اسبوع عجبني
عمران: يعني كوة
ميار: اي
عمران عافهة وراح دخل بالبيت وميار لحكتة
ياترى شنو راح يصير وياهم ؟
