وفجأة انكلبت بيهم السيارة وضلت تتكلب بيهم طلع عمران من السيارة بس ماكدر يطلع اهلة
رجع عمران الذاكرتة وميار راحت يمة كعدت وكمل عمران كلامة وكال اني الوحيد الي ضليت عايش بوكتهة ورجع اذكر الحادث وهو يصيح ماما بابا ورجع كال الميار بكل بساطة اني غيرت الطريق لهذا كل الي صار بسببي اهلي ماتوا من وراية
ميار كالت: هذا مو ذنبك هذا قدر الله وهالشي اني متأكدة منة
عمران كال: لا هذا ذنبي كل الي صار بسببي قراري هو الي كتلهم اني السبب بموت امي وابوية اني كتلت الي جابوني على هاي الدنيا لهذا مو من حقي اعيش
ميار كالت انت ماجنت تقصد هذا حادث
عمران: شنو الفرق هسة رأيج تغير الواقع
ميار كالت:طبعا اتغير احنة بشر ونغلط وندفع ثمن اغلاطنة غالي بس بالواقع هاي احنة البشر ممكن تكون غلطت صح بس انت عندك الحق بأن تعيش حياتك
عمران: شوفي يمكن صعب تحسين بأحساسي وبشنو احس هسة وهم راح ادكولين عندي حق
ميار جاوبتة وكالت: طبعا الك الحق بأن تكمل حتى انك مجبور انت دفعت اغلى ثمن على هاي الغلطة بس اني رأيي دتضلم نفسك وكامت يمة وكالت شوف اليوم خطيت اول خطوة مجنت تحجيلي اي شي وهسة كلتلي هالشي هاي شغلة حلوة منك اني نجحت مو مصدكة وراحت حضنتة وحست على نفسهة وخرت منة وكالت احم السنارة وراحت يم السنارة وبقوا شوية ورجعوا للبيت
نرجس جانت تباوع على صورة ميار ودمعت عيونهة وراحت على جرباية ميار واخذت المخدة وضلت تشم بيهة وراهة اجة ابو ميار وكال اشتاقيتيلهة مو وكعد بصفهة وخلة ايدة على شعرهة وكال لتخافين عليهة هية زينة جاوبتة وكالت اعرف اليوم حجينة سوة
ابو ميار مهند: بعد ليش هيج زعلانة
نرجس كالت: لشوكت نضل على هذا الوضع ونعد الايام لشوكت نضل نتحمل اذا يصيرلهة شي اموت اني من بعدهة
مهند: ياريت لو عدنة حل
نرجس: ياريت وكامت تبجي
مهند: اصعب شغلة بالدنيا الم الام والاب على اولادهم
نرجس كانت تبجي وكالت: حيل صعب مهند حضن مرتة وباس راسهة
ميار:كلشي جاهز
العم حمزة: هسة راح اخلي بالصندوك كلشي راح يكون جاهز
ميار فرحت وكالت: حلو
اجة عمران وكال الميار:اليوم بلة وين ماخذتني
ميار: راح اخذك على مكان يجنن وصعدت السيارة واندارت على عمران وكالتلة يلة
عمران: اني لااصعد بالسيارة ولااسوقهة
ميار: لشوكت هذا الشي
عمران: لاخر يوم بحياتي
ميار:لاوالله زين وماطورك مو تسوقة
عمران: اي اكيد بس من اكون وحدي عالاقل تقل نسبة اذيتي لشخص معين
ميار: يلة عمران عفية خلينة نروح
عمران جر ايدة من ميارقوي واذاهة وهية كامت تصيح
ميار: هاي شبيك ايدي كانت توجعني
عمران: اسف انتي جبرتيني اتصرف بهاي الطريقة
ميار: يلة مو مشكلة اذا صدك ضايج عليه تعال وياية اصعد وخلي نروح واني الي راح اسوق السيارة
عمران: قهرتيني والله بعد مااكدر احجي وياج يلة ست ميار سوقي السيارة
ميار ابتسمت وراحت ركبت السيارة وانطلقوا
ورى ساعات كعدوا بمكان منعزل
عمران: انتي شلون هيج تسوين بدون متسألين
ميار: الامراض مرات تعلمنا اشياء هواية بدال مااعيش بخوف واموت الف مرة انسى واعيش كل لحضة بلحضة والبشر بطبيعتة مايحس بقيمة الاشياء الا من يفقدهة يمكن لو مجنت مريضة هالكد مجنت راح اعرف قيمة الوكت الحقيقي المرض شكد سلبي للانسان بس هم مرات يكون ايجابي وعلى فكرة انت هواية محضوض لان عايش لحد الان بعد الي سويتة
عمران: محضوظ بالعكس جان لازم اموت
ميار:انت دتظلم نفسك بهذا الكلام
عمران: المشكلة احساسي بالذنب راح يضل يرافقني وين مااروح
ميار:لدكول هيج
عمران:شتردين اكولج لعد الوقت مراح ينسيني والوجع الي بداخلي يزيد يوم عن يوم كلما اكول نسيت انوب ترجع ذاكرتي بشكل اقوى من قبل اني هواية تعبان
ورجعوا للبيت بعد مااخذهم الكلام وضلو سوة يسولفون
جانت ميار نايمة والدنيا دتمطر ومن الرعيد فزت ميار من نومهة وكامت تمشي وراحت يم الشباك تشوف الجو وضلت ميار كل شوية تفز من ورى الرعيد وجان تروح على غرفة عمران نامت على جرباية عمران واتغطت ويا وعمران حس بيهة وابتسم وكمل نومة
صار الصبح وكعد عمران ومالكة ميار بجربايتة بس لكة ورقة مكتوبة بيهة اعرف انت متصدك حتى تخلص مني واحب اكولك خلص الاسبوع واليوم اخر يوم وباجر راح اروح من هذا المكان بس قبل ماامشي عندي طلب يمك اخير ياريت تجي على هذا العنوان المكتوب عالورقة الساعة خمسة ياريت متتأخر واذا مااجيت راح ازعل منك هواية اتصور تعرف اذا زعلت شنو راح اسوي اني انتضرك
ابتسم عمران وراح حضر نفسة
وراح عالعنوان وهناك شاف اهل ميار وشاف ميار كاعدة وتعزف عالكمان وضل صافن عليهة وخلصت ميار العزف والكل صفكولهة عالعزف
ابتسمت ميار وراحت يم عمران وكالت اهلا وسهلا
عمران: عزفج جان هواية حلو
ميار: يعني عجبك
عمران: اي هواية عجبني
نرجس ام ميار: هذا الشخص نفسة انت تشوف الي اني دااشوفة جانت تحجي ويا ابو ميار
عمران جان يحجي ويا ميار وكال مجنت اعرف تعزفين
ميار كالت: شلون راح تعرف استاذ ميار ليش هو انت انطيتني فرصة حتى احجيلك
عمران ضحك وكال: اي صح عندج الحق بهذا الشي اني منطيتج فرصة واسف واعتذر مرة ثانية وسألهة من شوكت تعزفين
ميار: تقريبا بلشت بالعزف من جان عمري خمس سنوات المهم واخيرا خلصنة الاسبوع يعني تكدر تاخذ راحتك بعد هسة بعد ماعندك شخص يزعجك طول اليوم وابتسمت
وراحت ميار بدون مااحد ينتبه الهة وراهة عمران اندار وشاف ميار ماكو وركض وراهة وكال ميار ولزم ايدهة وكال ليش طلعتي برة
ميار: مثل ماوعدتك اريد اروح بعد وراحت
وفجأة عمران كال :اوك اسمعي وباوع عليهة وكال اني احبك هوااااية
ميار بكلبهة جانت تكول لاتحجيهة عمران فدوة ونزلت دمعة منهة وضلت تبجي وركضت السيارتهة وركبتهة وراحت وضل عمران واكف بمكانة يباوع عليهة
ورجع للبيت وضل يفكر بميار ويتصل بميار بس ماكو رد
ميار جانت متمددة بغرفتهة وشافت رقم عمران يتصل عليهة ومجاوبت
عمران ضل كاعد ومخلي ايدة على وجهة ودخل علي الرجال الي يشتغل يمة العم حمزة
العم حمزة: عمران شنو شصاير شبيك ليش هيج ضايج
عمران كال: خلص الاسبوع وراحت
العم حمزة: وانت خليتهة تروح
عمران: شنو تريد مني اسوي
العم حمزة: جان كتلهة لتروحين انت تكدر تمنعهة ومجان سمحتلهة تروح شصايرلك عمران انت لو صدك متريدهة تروح جان لكيت الف طريقة تبقيهة يمك
عمران: ماشي واني شنو اكدر اقدملهة
العم حمزة جاوبة وكال: الحياة انت تكدر تسعد هاي الانسانة والقدر مجابهة عندك بدون اسباب القدر يكولك هية الك انت وانت تعرف كلش زين هية قدرك
عمران كال: اللبنية مريضة وبالاخير راح تموت راح اخسرهة واني مااتحمل بعد خسارة اي شخص
العم حمزة: علمود هذا الشي كوم وروح عدهة واحجي وياهة قبل متروح من ايدك اياك ان تخسرهة هاي اخر فرصة
دك باب بيت اهل ميار وراحت ام ميار فتحت الباب وكالت عمران ليش اتأخرت جنت متوقعة جيتك هية فوك
عمران: ماشي شكرا الج خالة وراح صعد يم ميار
ودخل عمران على غرفة ميار وكامت ميار وكالت شجابك انت هنا
عمران: الي جابني هنا واضح هواية برأيي
ميار:اضن من الواضح مااريد هذا الشي يبدو لازم اكولهة الك بوجهك
عمران: ممتاز اني اجيت هنا علمود ادكولين هالشي بوجهي
ميار: حلو بعد اسمع اني مااريدك
عمران: اني افتهمج بس لسوين هيج كافي
ميار: اها اوك اذا انت هيج تعرف ومفتهم ليش اجيت امشي بلة زحمة
عمران: على فكرة تدرين انتي طلعتي بنية جبانة حيل
ميار: اوك يلة اطلع من غرفتي
عمران سد الباب وكال اني مراح اطلع وسوي الي تردي اني مراح اتخلى عنج وراح اشوفج منو العنيد
ميار: اني مااكدر
عمران: ليش بس فهميني
ميار: لان راح اموت عن قريب اني راح اموت عمران سمعت الي كلتة راح اموت ومااكدر اعذبك وياية ليش اجيت اني جنت عايظة حياتي مثل ماهية جنت متقبلة كلشي ليش دخلت بحياتي
عمران: انتي الي طلعتيلي يبنية ودخلتي بحياتي بدون استأذان
ميار: اني جنت اريد اساعدك مواكثر ابدا مااتخيلت راح نوصل الهاي الوضعية
عمران: اي ماشي وهسة وصلنة
ميار: فدوة عمران افهمني اني كلما تعلقت بأمور بهاي الدنيا راح تصير قصتي اصعب علية اول مرة احس بروحي ضايعة ومااكدر اسيطر على وضعي سويت هواية شغلات واعرف موجان لازم اسوي حتى وصلنة الهاي المرحلة بس اني مااكدر اكمل بعد عمران هذا هو قدري مراح يتغير وضعي
عمران اجة كعد يمهة وكال: انتي بكل بساطة خايفة من روحج ومن مشاعرج وخايفة من الاحساس الي بداخلج وجاية هسة تربطي بالقدر ليش موكلتيلي مرة عوف كلشي وراك واني علمودج سويت هالشي احنة دنبالغ بالخوف حتى نصدك الواقع مامكن ان يتغير موهذا جان كلامج لو نسيتي انتي الي كلتي الواقع يتغير وكلتي احنة الي نختارة حتى نحدد بيهة مصيرنة
ميار: بس اكو قدر مانكدر نغيرة صدكني اني ماعندي حل من بعد اذنك ان تطلع من غرفتي وتروح
عمران: كام وكال اسمعيني فدوة ميار ابتعدت عنة وكالت لا روح
عمران طلع من غرفة ميار ومياركامت تبجي ودخلت امهة عليهة وكالت انتي غلطتي بتصرفج هذا
ميار: حتى انتي ماما ليش متفهموني
نرجس: اني افتهمج بنتي اني بس اريد منج تشوفي الكلاص المليان اجتج فرصة حتى تكونين سعيدة وانتي متردين تعيشين هاي الفرصة حتى تكونين انتي ويا سوة
ميار:امي ماكو اي مهرب بالاخير راح اموت
نرجس: ماكو احد منة راح يكدر يهرب من الموت
ميار: بس اني وضعي مختلف عن الباقين
نرجس اجتي وكعدت يم بتهة وكالت: بس اني ماشايفة هيج بنتي انتي اول ما اجتي على هاي الدنيا الدكاترة كالولي الصراحة لتتأملين تعيش بنتج حتى كالولي من الافضل ان احمل مرة ثانية بس اني مكدرت اتخلى عنج ولاحتى فكرت احمل مرة ثانية تدرين ليش ميار جاوبتهة وكالت لاني بنتج ماما نرجس كالت اي بنتي وحبيبتي بس مو سبب الوحيد لان الحقيقة احنة منعرف اعمارنة شوكت نموت ا. شلون يعني لو حملت وجبت مرة ثانية جان منين اضمن انو راح يعيش بكد الي انتي عشتي صدكيني بنتي كل شخص الة يوم ومسحت دموع ميار وكالت كل نفس تتنفسي هو امل النة لاتيأسي من رحمة رب العباد وعيشي كل لحضة لضيعين عمرج منو من الناس يكدر يضمن استمرارة حياتة للشخص الي يحبنة طالما كلبج دينبض معناهة الج الحق بالحب كضيتي عمرج وانتي تنطين امل للعالم وانتي هم بحاجة الهذا الامل ليش تحرمين نفسج من شي تحاولين دائما ان تنطي الغيرج وباستهة وكالت كوني قوية
ميار: حضنت امهة وكالت اني احبج ماما
نرجس: واني احبج يانور عيوني
ميار: لتعوفيني ماما وكامت تبجي
انت قلت لي احبك 🦋
فقط عدني بأن تحتفظ بها 🦋
بعد مماتي لي انا وحدي ولا تقل 🦋
هذه الكلمة لاي احد غيري حتى وان مت 🦋
فقط قلهــــــا لـــــــــي 🦋
صار الصبح وعمران جان كاعد يم الشط ويفكر بميار كام من مكانة وضل يفتر ويفكر ماتوقف عن التفكير بيهة وفجأة اجتي ميار يمة وضلت تباوع علي وحضنتة ونزلت دمعة منهة
ميار كالت اريد اطلب منك شغلة
عمران: شنو
ميار: اريدك توعدني راح تبقى زين حتى بعد مااموت اذا ما توعدني انو ضل بخير اني راح اروح هسة ومشوفني بعد ومراح تشوفني اما اذا تنطيني وعد اني راح انطيكون وعد ابد مراح اتركك لحد مااموت ها شكلت
عمران: اي انطيج وعد ومسح دموعة وحضن ميار
وضلو اليوم كلة يلعبون واحد يركض ورى الثاني
وانطوا اكل للحيوانات وبعدين ميار ركبت الحصان
وصار الليل وحضن عمران ميار وباسهة من خدهة
ميار:جنت ماخذة نضرة عنك واحد عديم المشاعر اني هواية متفاجئة
عمران: اممم تعرفين شغلة انتي احلى وارق واجمل بنية بالعالم واني مجنون بيج
ميار:اممم اعرف انت يعني دجاملني لان مااصدك هذا الكلام
عمران ضحك وكال لا مو مجاملة انتي حلوة وعندج اطيب كلب عرفتة بهاي الدنيا على فكرة انتي كدرتي تغيرين وجهة نظري بالحياة
ميار: ياريت ضل هيج العمر كلة
وجان تمطر
عمران كال يلة كومي راح ينزل المطر خلينة نفوت جوة بالبيت
ميار: اوك يلة
ودخلو للبيت
ميار: شنوهذا الجو باردة هواية
عمران: هسة راح تدفين وجاب غطى وغطى بيهة ميار وحضنهة وراحت ميار تدفة يم الصوبة وعمران جاب الجداحة وشعل بيهة شموع وهية ضلت صافنة علي
صار الصبح وجانو ثنينهم يتمشون
ميار: حلو هذا المكان على فكرة اول مرة اجي هنا واشوف هذا المكان زين سويت وجبتني هنا بس ليش جبتني هنا
عمران: اكعدي واتمددوا على سجة حديد وكال تدرين هواية اكو حزن بمحطات القطار لان الانتضار والفراق حالتين تصير هنا والحالتين يضوجن ويخلون الناس تبجي وتزعل جنت اجي عالمحطة كلما احس بالوحدة يمكن جنت اتمنى يكون احد جاي يمي بس اني ادري انو محد اجة او يمكن جنت انتضر اهلي بالمحطة ينتقل الي جاي والي ينتضر وهسة اجتي الي اني جنت منتضرهة وهية انتي يبنية وباسهة من حلكهة عمران طلع حلقة وميار شافتهة وضلت تباوع على عمران
عمران كال: اني اخر همي شنو راح يصير وشكد راح نعيش المهم اعيش وياج لاخر لحضة تقبلين تزوجيني جان تكدرين تساعديني وتقويني وكدرتي بعنادج تحققين هالشي اذا هذا جان حلم فأني مااريدة يخلص انتي رجعتيلي عمر مفقود ويمكن بدونج ارجع اضيعة وحضن ميار وباسهة وميار كلش فرحت
ياترى راح ضل هاي السعادة اكو شي راح يصير ويقلب حياتهم
