صعدت ميار يم عمران بالسطح وكالت اسبوع مواكثر وبعدين شهكت وكالت الله شكد حلو هالمكان مثل الاحلام عبالك
عمران جان يباوع بالناضور
ميار شافتة وكالت اني اريد منك بس اسبوع مواكثر وطول هذا الاسبوع راح اسوي الي تريدة مني واوعدك مراح اسببلك اي ازعاج اريد اشوفك هاي الحياة الي انت ردت تتخلى عنها شكد حلوة وتستاهل ان تعيشهة هو سوة نفسة مامنتبه الهة اترجاك ان تنطيني هاي الفرصة واذا مانجحت انطيك وعد اروح منا ومراح اخليك تشوفني مرة ثانية اما اذا رفضت وماوافقت صدكني راح تندم عالساعة الي عرفتني بيهة لان بوكتهة راح اضل يمك مثل المصيبة الي بحياتك ومراح تكدر تتخلص منها
عمران كال:شنو هدفج من الي دتسوي
ميار طلعت دفتر لونة وردي وكالت هاي قائمة الي احب اسويهن قبل مااموت وشوفة الدفتر العمران وعمران قرى وكال جرب ان تغير حياة شخص
ميار كالت: اني راح اضل اجرب اغير حياتك وساعدك وانت لكيد مراح تكدر ترفض طلب بنية دتودع حياتهة
عمران اندار عليهة وباوع وضل صافن عليهة
صار الليل وميار راحت للمكتبة الي بيت عمران وكالتلة بيتك غريب كلش كل هاي الكتب قاريهة
اجة عمران وجان محضر الاكل وكعد حتى ياكل اجتي يمة ميار وكالت لدكولي مراح تخليني اكل اشو اخذت الماعون الك وحدك
شنو قصتك هيج تعامل الضيوف بيتك هالشي عيب وميصير
عمران اشر ورى ضهرى بيدة بدون ميحجي
ميار: اسفة ماانتبهت واخذت الماعون وكالت ريحت الاكل كلش طيبة عاشت ايدك وكعدت تاكل وكالت اني جوعانة هواية
ميار:تدري احس بيك انسان طيب
عمران كام وكال: بعدج بعد متعرفيني
ميار اتنهدت وكملت اكل
كملت وراحت يم عمران وشافت عمران كاعد يم المدفأة وكالت حتى الكرسي عندك من كل شغلة شي واحد وانطتة كوب نسكافيه وكالت هاي اسهل طريقة تعبر بي انو ماكو شخص موجود وياك وانك عايش وحدك عمران مااخذ الكوب منهة وكالت ماشي وخلت الكوب عالطبلة
ميار:للاسف انت مامقدر النعمة الي انت عايش بيهة وشافتة بعدة ساكت وكالت ماشي راح اشرحلك شغلة مهمة بكل سهولة الانسان مودائما يقدر السعادة لهذا القدر ماينطيهة للشخص بكل سهولة لازم نتعب علمودهة وبازم ندور عليهة بكل مكان لحد ما نلكيهة هيج الانسان راح يعرف معنى السعادة من يتعب ويدور عليهة ويلكيهة راح يحس بهاي السعادة المشكلة الانسان يدور عليهة ويضل بعيد عن المكان الحقيقي لان المكان الي هوبي مايخطر على بالة ناس تتسلق حتى تشوف السعادة وتحس بيهة وناس تصور الاماكن وناس تفكر السعادة بقلب البحر ومن الصعب الوصول الهة بس بالحقيقة السعادة يمنة كلش قريبة وكالت اذا جنت تحب تكون سعيد بحياتك شوف بداخلك
صار الصبح واجة رجال جبير يالعمر وجان يخلي حطب بالمدفأة كعدت ميار من النوم وكالت صباح الخير الرجال اخترع وكام من مكانة
ميار: اعتذر مجان قصدي اخوفك سامحني رجاءا
الرجال كال لالا لتتأسفين ولا تهتمين اني الي اعتذر منج بس مشفتج
ميار ضحكت وكالت اني ميار صديقة عمران
الرجال كال اممم هنا الحجي صديقتة وكال اعذريني ياانسة بس عمران ضيوفة هواية قليلين لهذا استغربت من شفتج هنا
ميار:اول شي بلاهة كلمة انسة اذا تريد عمو وثاني شغلة يمان مو سعيد بوجودي اكدر اكولك اني ضيفة مو مرحب بيهة
الرجال ابتسم وكال اسمي حمزة اني الي اشتغل بمزرعة عمران ومد ايدة وكال اهلابيج بنتي
ميار: هم مدة ايدهة وكالت اشكرك
راحت ميار عالاسطبل مال الاحصنة وكالت شكد حلوين وراحت يم عمران وكالت ياريت تعامل كل المخلوقات نفس المعاملة
عمران جاوبهة كال: شلون يعني نفس الشي
ميار:لو تعامل البشر مثل معاملتك للاحصنة
عمران جاوبهة وكال: هاي المخلوقات غير عن البشر لو انتي متشوفين الفرق
ميار كالت: لا انت كلي
عمران: الحيوانات ماتجبرني على اي شي ولاتطلع كدامي فجأة وتطلب طلبات متخلص ابد
