وصار الصبح وكعدت ميار وشافت عمران نايم وضلت صافنة علي عشقت هذا الرجال بحيث جانت تسمي نفس ريتي خلت ايدهة على خدة ونزلت على شفتة وباستة وهو حس بيهة وكام
عمران: ابتسم وكال صباح الخير ياضحكت رجلهة
ميار:ابوس ضحكتك يانفس ريتي صباح العسل يلة خلي اكوم اغسل وبعدين اروح احضر الفطور
عمران: ماشي حبيبي مو تعبين نفسج
ميار ابتسمت وكالت: اروح فدوة للي خايف علية وراحت تغسل
وضل عمران متمدد عالجرباية وضايج لان جان كلش قلقان على حياة ميار وكلش زين يدري بوضعهة كلش تعبان
طلعت ميار وراحت تسوي الفطور ودخل عمران يغسل وطلع وبعدهة تريكو ثنينهم وطلعوا من البيت وراحوا المكان الي بي ناس يتعالجون عد دكتور نفسي وشافوا اصدقائهم هناك وسلموا عليهم وبدوا كل واحد يسولف عن نفسهم وخلص موعدهم وراهة راحوا المكان مستشفى مال امراض السرطانية للاطفال_ الله يبعد كل طفل وشخص عن هذا المرض ويشفي كل مريض منة_ وضلوا يلعبون ويا الجهال وراهة راحوا كعدوا يم الشجرة قريبة عالمي وجانو يلعبون واحد منطي ضهرة للثاني
ميار: عمران ميصير تغش لتباوع علية يلة اندار
وضلو يتمشون الجسر الخشبي فوك المي وشمروا الاوراق الي كتبوا بيهة امنيتهم بالمي ويضحكون
ميار: عمران شوف الورقة مالتي راحت ليوين ابعد منك وحضنت عمران
ورجعوا للبيت نزل عمران حتى يلم ورد الميار لان جانت تعشق الورد كلش وتحب الورد الابيض وصعد للبيت وصاح حبيبتي يروحي وينج وفتح الباب ودخل للبيت وشافهة متمددة وكال مسوية روحج نايمة مو صح وضل يكعد بيهة بس ماكعدت وضل يصيح ميار كومي اروحلج فدوة وكام يبجي واخذهة للمستشفى بأسرع وقت وضل كاعد يمهة والاجهزة عليهة وكعدت وشافت عمران كاعد يمهة ولازم ايدهة
عمران دمعت عيونة وبصوت مخنوك كال: مرحبة
ميار:مرحبة
عمران:خوفتيني عليج هواية
ميار:لتخاف علية اني زينة وخلت ايدهة على خدة ومسحت دموعة وكالت ترى اتأذى من اشوف دموعك
عمران: اذا دموعي عليج متنزل عليمن انزلهة لعد اذا مترخص الج المن ترخص ها كوليلي
ميار: عمران شوكت اطلع من المستشفى
عمران: هسة منكدر نطلع لازم تبقين فترة هنا
ميار: لا لا مستحيل بابا
مهند: شنو تردين يروحي
ميار: بابا احنة حجينة هواية وكتلك مااريد هاي الالات والاجهزة الي على جسمي وانت وعدتني موصح بابا
عمران: بس هالقرار بعد مو يم ابوج لاحتى عندج
ميار: زين عمران
قاطعهة عمران وكال: اذا تردين اوفي بوعدي الج المفروض تحاربي لاخر لحضة حبيبتي ممسموح الج انو تستلمي ابدا موانتي علمتيني هذا الشي لان انتي الي جنتي تكولين طالما احنة نتنفس معنى اكو امل
ميار كانت تبجي وكالت: لاعمران ما اريد اموت هنا واني مربوطة بكل هاي الاجهزة
عمران: اششش هذا الشي مراح يصير ماشي اوعدج يروحي ماشي وراح تقاومين لاخر لحضة مو بس علمودج علمودنة ثنينة اني وياج
ميار:ماشي عمران لاخر لحضة اوعدك راح اقاوم
ونامت ميار وطلع عمران يم باب الغرفة التي الدكتور ليان وكالت
ليان: للاسف وصلنة لاخر الطريق بعد هاي المرحلة منكدر نسوي اي شي الاجهزة هية الوحيدة الي يمكن تساعدهة احنة دنسوي كلشي الي نكدر علي حتى ترتاح بس من هاي اللحضة للاسف لازم نكون مستعدين لاي شي
وضلوا اهل ميار حايرين ميعرفون شيسوون ويبجون ويدعون الميار
وعمران المسكين حالتة حالة ودخلوا ابوهة وامهة الغرفة ميار
مهند: يلة خليج قوية
نرجس: ياحلوة شوكت كعدتي حبيبتي الحلوة فتحت عيونهة وعرفت احنة كلنة مشتاقيلهة يروحي انتي لتخافين راح تتحسنين لتخافين من شي احنة كلنة يمج
وطلع عمران من الغرفة واندار مهند وشاف عمران طلع
نرجس: كوليلي ماما بردانة تردين اجيبلج شي
ميار: لاماما تسلمين
نرجس: اكيد يروحي زين متردين اسويلج شي
وراح عمران للبيت وضل بس يفكر شيسوي حبيبتة وزوجتة بالمستشفى وهو ديتفرج عليهة تروح من ايدة وميكدر يسويلهة شي وراح تمدد عالجرباية بمكانهة الي جانت تنام علي وضل يشم بالمخدة مالتهة
وضلت ميار الليل كلة تباوع عالمكان الي جان عمران كاعد وتبجي
وهو يشم بريحت المخدة مالتهة لكة دفتر صغير جوا واخذ الدفتر ولكة بي رسوم وتحجي عنة وكاتبة هالرجال كلش صعب طبعة صدك مجنت متوقعتة هيج يطلع هواية نفسية وميتحاجة شلون اخلي يحجي شنو هالرجال هذا منين الله خالقة
عمران يقرى يبتسم ويبجي وكمل قراءة الدفتر اليوم اخير ابتسم وصراحة ضحكتة طلعت حلوة كلش وتخبل لج شنو تحجين انتي لتبالغين يابنية عمران مستحيل يأذي نفسة واتمنة ميتهور ابد وكابتة بدفترهة عن اعترافة بحبة الهة لو يعرف شكد احبة من اول ماضحك وجانت اصعب لحضة لمن عفت بيتة يمكن لو ودعني مجان رحت شراح اسوي بهاي اللحضة شلون راح اضل بعيدة عنة واخيرا حسيت بالسعادة اول مرة احس كلبي دينبض فعلا ياريت لو اكو وقت هواية منو يدري يمكن جنة نكدر نجيب ولد ويكون يشبه ابو جنت اعتقد جاهزة للنهاية بس لا اني ما اريد اموت مااريد هالقصة تخلص احب اكون يمة العمر كلة احب اشوفة وهو تعدى مرحلة الشباب اعتقد مراح اتحمل اكثر ياريت لو اكو حل اعرف هاي انانية مني بس هم راح يحب بنية من بعد مااموت اني مااريدة يحب مااريدة يفكر بأي وحدة معقولة راح يشوفهة مثل ما يشوفني خلص مااريد افكر بهذا الشي هذا كلة جان بدفتر مذكرات ميار مكتوب.
