اجة عمران البيت اهل ميار وفتحتلة ميار الباب وفرحت بجيت عمران وباستة وانطاهة عمران الورد ودخلو حتى يتعشون
ابو ميار مهند: لازم اكولك شغلة ميارتكدر تسوي كلشي حتى تقنعك بالي هية تريدة انت بس شوف نضراتهة بهاي النضرات كدرت تضحك علينة كل هاي السنوات انتبه لتتأثر انت هم اني معلية كتلك والباقي يمك
ضحك عمران وميار حضنتة وكالت لابوهة شكرا بابا على هذا الحجي شنو القصة بابا صاير بجانب عمران
مهند: لابس اني جان قصدي اذا راح يكدرلج لو راح يضل ينفذ ويصيرمثلنة وضحكوا بس اني جنت انطي شوية نصايح
عمران: لتخاف اني حفضت النصايح كلهة عمو
نرجس: عل مايبدوا الرياجيل اتفقوا علينة اليوم ياميار طالما الحجي صار هيج فمن واجبي اوكف بجانب بنتي وانتو تعرفون لوضليتوا تنطون نصايح النفسكم متكدرولنة النسوان محد يكدر يوكف بوجهن
مهند:اي اكيد مضبوط والنسوان عدهم طرق يخلونة نسوي مثل ماهمة يردون الاحسن انو نتعود
عمران: اذا هيج راح ابلش من هسة
نرجس: بنتي كدهة وكدود
ميار: اي لتخافون علية راح اعودة
وبعدهة ضحكوا وكملو اكلهم
وصار الصبح
ميارتحجي بالتلفون: اني نسيت البدلة مال العرس شوكت راح اقيسة
نرجس: يمة لدوخين نفسج وتستعجلين باجر الساعة ب2اجي اخذج
ميار: لامامة امي وعمران نجي
نرجس: تمام ماشي اني انتضركم لتتأخرعلية
ميار: ماشي وشافت عمران يدك الباب وابتسمت الة وسدت الموبايل وراحت وكفت يم الباب هو باب من جام يعني تشوف الي واكف برة
عمران: يلة افتحيلي
ميار: هزت راسهة وكالت لا
عمران: يعني مراح تفتحيلي
ميار:لا وضحكت مراح افتح
عمران ذب الغراض من ايدة واشر بيدة وكال تعالي
واجتي ميار وجان يخلي شفتة عالجام وهية هم وجان تنفخ عالجام ورسمت كلب علي وعمران هم نفخ عالجام من الجهة الثانية على نفس مكان الكلب وخلة ايدة على كلبة اخذة وخلة عالكلب الي رسمتة ميار
فتحت ميار الباب ودخل عمران وحضنتة وباستة من شفتة
صار الليل وعمران كال اني رأيي اطلب بيتزا لان حسب ريحة الطبخ اضن مراح ناكل لان ميار جانت تطبخ وفجأة وكعت ميار واجة عمران يركض عليهة وكال حبيبتي وشالهة واخذهة يركض للسيارة وضل صافن اذكر الاحداث قبل من سوة حادث وهسة لازم يقرر بسرعة ويسوق السيارة لان هو كطع السياقة من الحادث ولحد اليوم ماركب وتذكرون ميار رادت اتقنعة ومااقتنع وفتح باب السيارة ودخل وانطلق بالسيارة وصل للمستشفى وكال اسعاف ساعدوني واجوي الممرضات يتراكضون علي وكالولة تعال هنا دخلهة وحدة من يمهم كالت كولي الدكتورة ليان خلي تجي بسرعة وخلة ميار عالجرباية مال المستشفى والممرضات كالولة لازم تطلع وتنتضر برة ميصير ضل هنا
عمران ضل يصيح ويكول مااريد اخليهة اترجاكم
اجتي الدكتورة ليان وكالت وخري شوية وانطيني ابرة
عمران ضل رايح جاي وقلق طلعت الدكتورة وكال ها دكتورة طمنيني
ليان:هذا الشي متوقع يصير اني كلت لاهلهة حتى يكون وهمة هسة بالطريق
عمران: ماشي ماشي يعني ماكو شي نسوي كوليلي وجان يصيح عالدكتورة وكال سوي اي شي وبجة
ليان: اهدة استاذ عمران دنسوي كلشي يطلع بيدنة ولو بيدنة نسوي اكثر منقصر وراحت وعمران ضل على هاي الحالة ويبجي
ورى شوية اجة كعد يم ميار وضل صافن عليهة لحد ماتكعد
كعدت ميار وشافت عمران يمهة ولازم ايدهة وكالت اسفة لان ماكملت الاكل وخربت كلشي
عمران: اذا تفكرين تقشمريني بجم حجاية انتي غلطانة حيل حبيبتي
ضحكت ميار وكالت: اني مجنت متوقعة تكون بلة ضمير استاذ عمران حضرتك شلون ترضى تسوي هيج كولي يلة
عمران نزل راسة وباوع عليهة وكال: من يتحقق المستحيل
ميار كالت: جنت الوحيدة مفكرة هاي الشغلات تصير
عمران: اني راح اسوي اي شي مستحيل علمود تصيرين زينة
ميار: انت حققتة عمران
واجوي اهل ميار ودخلو وشافوا ميار
نرجس: مرحبة شلونج يعمري شلون صرتي ماما طمنيني عنج
ميار:اني زينة ماما
نرجس: اكيد صرتي زينة
ميار:اي ماما اني زينة
وضلت ميار يومين وطلعت من المستشفى وراحت يم اهلهة وجانو محضريلهة مفاجأة واجة عمران وكف يم ميار ومخلي شي ورى ضهرة وكال غمضي عينج غمضت ميار عينهة وجان يخلي بدلة العرس كدامهة وكاللهة يلة فتحي عينج فتحت عينهة ودمعت عيونهة ضحكت
ميار: هاي شنو عمران اني ممصدكة هاي البدلة كلش حلوة وحضنت عمران
واجة ابوهة وكال مهند: شنو هالجمال وحضن بتة وكال تدرين شكد جنت اتمنة هذا اليوم يجي واشوفة ولج كبرتي بسرعة وراح تزوجين لحد الان مذكر اول كلمة كلتيهة واول خطوة مشيتيهة وهسة راح تروحين منا بس اكيد مراح تنسينة ومن تحتاجين ابوج راح تلاكينة يمج وحضن بتة وكال انتي روحي من الدنيا ابتسم عمران واندارت علي نرجس شافتة وراحت يمة ولزمت ايدة
نرجس: كضيت كل هاي السنين واني خايفة اودع بتي واخسرهة انت سويت شي كلش حلو بنتي صارت عروس وراح تطلع من هذا البيت بفستان ابيض تدري اني محضوضة بيك وحضنتة
مهند: خليني احضنج
كلتلي اريد نور🦋
كلت اني شمعة الك🦋
كلتلي تعبان وحزين حيل🦋
كلت اني اريحك وانسيك 🦋
كتلي مهموم وضايج حيل🦋
كلت اني ازيحهن الگ🦋
كلتلي عمري خلص🦋
كلت عمري كلة الك 🦋
كلتلي راح تبقى هيج تحبني🦋
كلت عندگ شگ بهالشي 🦋
وازوجوا ميار وعمران وراحوا يتمشون المكانهم المفضل عالجسر وجانوا مزينينة كلة باللون الابيض والوردي وابنية صغيرة تمشي قبلهم وهمة وراهة وجانو عازمين ناس وباركولهم
وكفوا يم شخص يعقد للعرسان مو سيد لان همة جانو خارج العراق ماادري شيسموا بهاي الدولة وكال تقبلين عمران يصير زوجج هية ضحكت وكالت اي اقبل وكالت العمران تقبل ميار تكون مرتك كال اي طبعا اقبل وفرحوا اهلهة كاش بيهم اووقعوا العقد وبعدين باسهة من شفتهة وضلوا يحتفلون لليل
عمران: اذا تسمحولي اني اريد اكول شي لشريكة عمري واندار عليهة ولزم ايدهة وكال بهذا اليوم احنة ثبتنة من يتحدون كلبين ضعاف والحب يربطهم ويسوون كلب واحد فراح ننجح بكلشي بهاي الدنيا واوعدج كدام كل الي اجوي يباركولنة انو ابقى احبج العمر كلة اكثر من اي شي ثاني واوعدج هم راح اكون كد احلامج وراح اركض وراهن وين متردين راح نحقق هاي الاحلام احبج حيل يااغلى من عمري وباسهة وصفكولهم كل الموجودين بالحفلة وراحو كل الي بالحفلة وصعدوا ميار وعمران الغرفتهم وبدلو ملابسهم واجتي ميار حضنت عمران
بما انو ميار تعبانة جانت علمود كلبهة مااتقربلهة عمران لحد ماتصير زينة لان جان كلش خايف عليهة
عمران: تردين احجيلج قصة
ميارضحكت وكالت: هههه ردت اكولك بس كلت اخاف تضحك علية وادكول اني طفلة
عمران :اي انتي طفلة
ميار برطمت وماحجت شي
عمران شافهة ورفع راسهة وكال: انتي طفلتي وحبيبتي وكلبي وبنتي وكلشي بالنسبة الي ميار باستة وكالت وانت اني يانفس الي يصعد وينزل
عمران تنامين لوتسمعين القصة
ميار: لا اسمع القصة وانام
عمران: اذا هيج خوش اسمعي فديومن الايام جانو اكو مجموعة من الاشخاص بمسابقة لتسلق جبل كلش عالي وختاروا شخص واحد من كل بلدان العالم حتى تصير المسابقة عالميا وطلبوا من الناس بس تشاهد يعني محد يدخل بالمسابقة ولايتقرب من المتسابقين المهم تجمعوا الشباب بمكان معين وكل واحد يكول اني راح اوصل اول شي واخذ لقب احسن متسلق بالعالم المهم صارت المسابقة وكفوا الشباب حتى يتسلقون طلقواتطلقوا الصافرة وكامو يتسلقون الجبل بسرعة يردون يوصلون اول شي الناس كامت تصيح ديربالك راح توكع وتموت من الارتباك وكع واحد من المتسابقين من الجبل والبقية كملوا وصلوا المكان معين والناس بديت تصيح ديربالك لاتوكع وتموت مثل هذاك المتسابق او وكعوا البقية من الخوف وبقوا ثنين وصلوا النهاية الجبل كاموا الناس يصيحون ديربالك راح يغلبك اسرع اسرع مشة المتسابق اسرع وجان تزلك رجلة او وكع بقة واحد يتسلق متجاهل كلام الناس كلهة تصيح راح تموت راح يطلعلك شي يوكعك مااهتم او وصل الخط النهاية وفاز من نزل الكل سألة شلون كدرت تكمل بدون متهتم الهتافات الناس وتنبيهم الك مالكو جواب عادوا السؤال علي مرة ثانية مالكو جواب غير الصمت بعدين عرفوا انو المتسابق اخرس واطرش فماسمع كلام الناس واتأثر بي لهذا احنة لازم نكون مثل هالمتسابق منتأثر بأي كلمة نسمعهة ولابكل نقد ولابكل كلمة جارحة لازم نكون اقوياء ونحقق الي نريدة من غير مانتأثر بكلام الناس التافه الي راح يكون عارض يوكف بطريق نجاحنة وسعادتنة اعتقد فهمتي كلامي يروحي واندار عليهة وجان يشوفهة نايمة باسهة وابتسم ونام هو هم
