البارت الثاني من رواية
(احببته في الثورة)
بقلم;آمنه الموسوي💕
على قدر اهل العزم تأتي العزائم
وتأتي على قدر الكرام المكارم
وتعظم في عين الصغير صغرها
وتصغر في عين العظيم العظائم
يكلف سيف الدولة الجيش همه
وقد عجزت عنهه الجيوش الخضارم
#المتنبي
_______________________
مرت ايام الدراسة بخير وراح تبدي الامتحانات وباجر اول امتحان راح يكون رياضيات اني مو كلش بالرياضيات فصار الصبح تريكنه وخلصنة ورحت لأمي
تنضف بالمطبخ
كتلهه .....ماما راح اروح لخالتي. اميرة تدرسني رياضيات.
كالت ..... هايهية رووح بس تقرة مو تضل تلعب واني من يجي ابوك اجي وراك
رحت لغرفتي اخذت كتابي واقلامي ودفتري ورحت طلقة لبيت جدادي
بيتهم قريب علينه حيل
دكيت الباب شوية ونفتح على كيف.
اني بتسمت عبالي خالتيي لو بيبيتي بس ماجان هيج جانت بنية زغيرة جانت
لابسة ثوب وردي وگاصة شعرهه لحد ركبتهه ولونه اسود وشكلهه حيل محبوب ضليت صافن بيهه كالت ..... تفضل
كتلهه .....انتي منو شعندج ببيت جدادي؟
شو اني كلت هجي وهي. كامت تبجي ودموعهه صارن شلال
شسوي هسه بلله اني رحت حضنتهه حته تسكت وامسح على شعرهه وهي تبجي بالزايد اجت خالتي شافتهه
كالت .....ها ولك محمد طايح الحض شسويت للبنية وخليتهه تبجي
كتلهه .....والله ماسويت شي بس كتلهه شعندج هناا
هي هزت راسهه وضلت تسكت بيهه
ودكلهه خل يولي ماعليج بي
شوية وسكتت صوتهه مزعج يبوو منهه
اخذتهه عمتي وطبت جوة
اني سديت الباب وركضت ورة خالتي كتلهه .... خالة منيه هاي البنية
كالت .... هذول جيرانة. واجت وية امهه تريد تخيط قطعة قماش
رحت وياهه طبت للصالة. سلمت وگعدت وهي البنية كبل ركضت
لأمهه راحت بحضنهه وتبجي هي جذب ماتبجي بس تتمطعج خبيثة
سألتهه امها ....شبيج ماماتي ليش تبجين
دارت وجهه عليه وتأشر باصبعهه دكلهه .... هذاا.
هي امهه باوعتلي وابتسمت .... شبي هذا وليد حباب وحلو
كالت ..... لاا يصيح عليه
بيبي صاحت .... ولك محمد ليش وياهه
امهه ضحكت كالت .... لا خالة هي هيج دووم تبجي على اتفه سبب ماعليج بيهه
وهسه يلله كوموا تصالحوا انتم خوان ميصير تتعاركون
اني اباوعلهه بطرف عيني لو اموت ما اروح اصالحهه ليش بلله هو اني شسويت الهه حته تبجي
هي اجت يمي وخشمهه احمر من البجي
خالتي خزرتني اگوم كمت مديت ايدي الهه بس هي شبگتني وباستني
هاا هاي شبيهه جا غير نسلم بأدينه
بيبي كالت .... اعتذر الهه
كتلهه .... اني اسف
كالت .... اني هم اسفة
وراحت گعدت يم امهه
بيبي كالت .... ها محمد جا امك شعجب مااجت وياك
كتلهه ..... كالت من يجي ابوك اجي وراك
كالت بيبي .... خو ماعدكم شي حبوبة
كتلهه. ... لابيبي بس اجيت يم خالتي تدرسني رياضيات
اني كمت طلعت برة.
رحت لجهة المسبح مال جدادي مسبح بسيط هو
بس حلوو گعدت يمه وحطيت رجليه بالماي واحرك بيهن الماي باارد حيل شوية حسيت شخص گعد يمي درت وجهي شفتهه هاي البنية
هي ابتسمت الي
اني درت وجهي عنهه وضليت العب بالماي
هي نزعت حذاءهه تكرمون وهم حطت رجليهه بالماي كالت ....
بررررر المي باارد
اني ضحكت عليهه وكتلهه .... مجبورة
گالت .... اكلك تلعب
كتلهه .... لااريد اقرة
كالت .... بياا صف انت.
كلت ..... بالثالث
كالت ...... يعني اكبر مني اني بالاول
كتلها .... اي بعدج زعطوطة
كالت .... لا والله انت زعطوط
كلت يبوو راح ترجع تبجي كتلهه .... اي اني الزعطوط بس لا تبجين
رجعت ابتسمت وكالت .... فدووة خل نلعب وبعدين اقرة
كتلهه. .... يلله شنو نلعب
هي كالت .... مممم نلعب ركيضان
كتلهه يلله وكمنة نلعب هي تركض واني اركض وراهه كلما اكضهه تريد تبجي عفتهه
تركض واني اركض على كيف حته هي تفوز
وهي تضحك مكيفة عبالهه ماكدر اكضهه
شوية وطلعت امهه كالت .... يلله ماما حوري خل نروح
هي كالت .... لاا ماما بس شوية جاي نلعب
كالت امهه .... لا ماما يلله نروح للبيت وباجر وراج امتحان
هي راحت لبسة حذائهة تكرمون وراحت وية امهه
وصلناهم للباب اشرتلهه بيدي بمعنى بااي
هي رجعت تركض باستني وراحت
سدت عمتي الباب وكالت .... يلله ولك تعال ادرسك
رحت يمهه وبدات تدرسني وشوية اجو ولد خالاتي هم يريدون تدرسهم وخطيةة صارت هوسة عليهه اني خلصت اول واحد ورجعت للبيت يم امي
وثاني يوم رحت امتحنت والحمد لله جاوبت.
خلصت الامتحانات بخير والحمد لله كلهن محاوب بيهن واليوم
استلام النتائج
رحت للمدرسة اني او ولد جيرانة او ولد خالي
اني نجحت اول او ولد خالي نص ناجح ونث راسب ونص شهاداتهم بس محمرة شوية
المهم
رجعت للبيت واني فرحاان حيل اريد ابشر امي
دكيت بابنة بس شو ماكو انتضرت شوية هم ماكو دكيت حيل هم ماكو يمكن طالعين لو عد بيت اجدادي رحت لجدادي
لكيت بس اخواتي عدهم سالتهم على امي كالوا راحت للطبيب كلت لخالتي شبيهه امي كالت مابيهه شي
اني رحت العب وية ولد خالي العب دعبل ومرة يفوزون عليه ومرة افوز عليهم لمن صار الغدة راح كل واحد لأهله يتغدة
بأثناء ماجاي نتغدة ندك الباب رحت فتحته جانت امي سلمت عليهه وطبت
يتبع ......
_______________________
نهاية البارت الثاني من رواية (احببته في الثورة)
بقلمي ;آمنه الموسوية
ممكـن تصويت +كومنت 🖤
كونوا بخير احبتي 😊
أنت تقرأ
احببته في الثورة||ILoved in the revolt
Romance{مكتملة} كم اتمنى ان يعودَ الزمنُ الى الوراءِ قَليلاً فقط لِأقول لكَ بعضَ الكلمات التي يَصعَبُ قولها الآن ف انتَ تعلمُ انه قد فاتَ الاوآن........... رواية اجتماعية عاطفية باللهجة العراقية اتمنى لكم قراءة ممتعة......... بقلمي.... Amna khaled st...
