البارت الثالث من رواية
(احببته في الثورة)
بقلمي، آمنة الموسوي
_______________________
محمد بعد شهر واحد ونرجع للمدرسة وتخلص العطلة الصيفية
جانت عادية ومملة ويومية. نفس الروتين ينعاد اصلا اريد ترجع المدرسة بسرعة لأن ملييت
مرات اطلع شوية يم جيرانة نلعب
مانتحمل نگعد عشر دقايق سوة لازم نتعارك وكلمن يرجع لأهله
بس ثاني يوم هم نرجع نلعب سوة مدري شبينه احنة
ف يوم من الايام
رحت لأمي كتلهه راح اطلع العب شوية واجي
بالبداية عارضت وماقبلت بس
بعدين قنعتهه ورضت
اخذت دعابلي من ميز امي اضمهن يمهه. دائما
لا يشوفنهن المشعوذات ويضيعنهن واني گوة لامهن. تعب ومشاكل صارت يلله كسبتهن
طلعت من البيت وسديت الباب
وجان اشوفلك ولد هواي ملتمة
شني هاي اليوم تكاثروا
رحت يمهم وجان اشوفلك وجوه جديدة ماشايفهه تقريبا جانوا اربع ولد
سلمت عليهم
ردوا السلام واكو غلسوا
رحت يم زيد ابن جيرانة وندسته وكتله .... اكلك زيد ذول منمة؟
كال .... ولك ذولة ولد عمت حسن جايين من بغداد
كتله .... اها
گال صادق .... ها تلعبون يلله
كلناله ..... اي يلله
سوينة الدائرة وحطينه الدعابل بيهه
گال واحد من الولد الجدد
جان ضخم وسمين .... والله يالله. هو انتم خسرانين خسرانين مبينين من وجوهكم
كتله .... شلون بلله وشنو قصدك
گال بأستهزاء .... زعاطيط وجايين يلعبون
زفرت بضيق وكتله .... اكلك بطل لايصير حجي ثاني وياك ولاتسويلك مشكلة لان انت الخسران
گال .... وشلون بلله اني الخسران تعال خل اشوف هو انت كلك ع بعضك ابوك يشتغل عمالة
گتلة واني ابتسم على جانت .... ليش ياابن البروفيسور ابوك شيشتغل.
گال .... مهما يكون شغلة بس احسن من شغل ابوك على الاقل شغل ابوي بالحلال مو مثل ابوك
گتلة واني گوة لازم اعصابي لااهجم عليه هسه .... احترم نفسك والزم حدودك ابوي اشرف منك واشرف من عشرة امثالك
گال ..... انجب لك زعطوط وجااي يسولف
كتله .... لا تستغرب لان مرات يصير الزعطوط افهم واحسن من الجبير
كال ..... اي بس هاي القاعدة ماتنطبق علي
كتله .... هو العاقل تكفيه الاشارة
أنت تقرأ
احببته في الثورة||ILoved in the revolt
Romance{مكتملة} كم اتمنى ان يعودَ الزمنُ الى الوراءِ قَليلاً فقط لِأقول لكَ بعضَ الكلمات التي يَصعَبُ قولها الآن ف انتَ تعلمُ انه قد فاتَ الاوآن........... رواية اجتماعية عاطفية باللهجة العراقية اتمنى لكم قراءة ممتعة......... بقلمي.... Amna khaled st...
