احببته في الثورة||ILoved in the revolt

الجزء الثاني "البارت الاول"

البارت السابع من رواية
"احببته في الثورة"
بقلمي;آمنة الموسوي
_______________________

فجلست ابكي لأني للمره المليون تحطمت .!💔

***********************

-يمة محمد وينك

اجيت لأمي واني ادگم بدكم قميصي

-ها يمة

-هاك يمة دواي جيبليا بطريقك

بست راسهه .....تدللين جا انه شجم فطومة عندي

گالت .....بعد روحي ييمة الله يحفظك اليه شعندي غيرك بهالدنيا اني

*احم احم نحن هنا

بست امي من خدهه حيل وحضنتهه وانه اگلهه ..... ها خيرج واذا انتي هنا

امي ضحكت وكالت ....وعلي كلكم نفس المعزة

اجت. زينب وحضنت امي من الجهة الثانيه وكالت ..... لا ماما لا تجاملين ادري بيج تخافين على مشاعرهم ومادكولين اني اعز وحدة

ضربتهه امي على كتفهه بخفة ....ولج ولا تگعدين راحة

كتلها .... شهالثقة الزايدة بالنفس على كيفج

كالت ...... اكلك انت ماتولي مو عندك شغل شكو لسة واگف

كالت امي .....ولج زنيبة شلون هيج دگولين لأخوج هذا تاج راسج

زينب .....اوهوو ماما راح نبدي من جديد مدري شعاجبج منه اصلا لو ابني من زمان ذبيته بالزبالة

كالت امي .....ولج طايحت الحض لو مو هوة جان هسه انتي شتاكلين شتشربين

گالت زينب وهي تضحك .....ههههه ماما شنقصة مايصير شوية نشاقة گبل تصدكين

جا انه شعندي غير حمييد

واجت حضنتني وتغني ....يمة حميد يمة تسوة اهلي وعمامي تسوة اهلي وخوالي

ضحكت ودفعتهه عني ....ولي ولج مالي خلكج

زينب وهي مبرطمة ....هاا ولك حميد شبيك مو زين ادلعك

كتلها ....هههه لا مو زين

يلله يمة اني رايح محتاجين شي
وقبل ماتحجي امي اجت رقية تعلگت برگبتي من وراي

.....اي جيبلي جبس

امي .....ولج وخري عن اخوج والله مامربايات

.....امري لله اجيبلج جبس بعد اوامر ثانية

گالت رقية وهي تبتسم ....لا سلامتك

صحت ....هدى انتي محتاجة شي

اجاني صوت هدى تصيح .....لا سلامتك

يلله يمة جا انه رايح

امي ورقية وزينب ....الله وياك

طلعت لبست حذائي (تكرمون)
وفتحت باب البيت و اول ماطاحت

عينه على مكانه الي جنه نلعب بيه اني او الجهال. ضليت واكف شوية المكان متغيرر هواي بس رغم هذا باقي شكل المكان القديم براسي

او وين جنه نلعب طوبة ودعبل وركيضان ابتسمت على طفولتي او المشاكل الي جنت اسويهه

بس فجئة اختفت ابتسامتي بعد ماتذكرت ذاك اليوم المشئوم الي من عندة وصرت يتيم وبدت المعاناة

بحياتي بس الحمد لله على كل حال لا اعتراض على امرك ياربي بس اني ماقاهرني شي اكثر من انوا السالفة تلفلفت ونست ولا

عبالك جريمة قتل وانسان فقد حياته او وراه اربع ايتام

بس اوففف شگول وشحجي اويلي يابوية دمك برگبت الحكومة والله يمهل ولا يهمل

حركت راسي باسئ ورحت ركبت التك تك الي هي صارت المعيل النه بعد اخوالي الي هم حالتهم المادية

تعبانه ونصهم شالوا من المنطقة لان صارت مشاكل هم وجيران ف اضطرو يشيلون خالي صادق وخالي كرار
(الي صار عنده ثنين بنات او ولد) شالوا للنجف وخالي حسين واحمد بقوا يمنة ب ذي قار (الناصرية)

وخالتي اميرة هم كذالك تزوجت صاروا عدهه اربع جهال ثنين ولد وثنين بنات

_______________________
نهاية البارت البارت الاول من الجزء الثاني لرواية "احببته في الثورة "

بقلمي ;آمنة الموسوي

كونوا بخير احبتي 😘