افتح انا الشر....الحلقة الاولى"للكبار فقط"
#سلسلة_حمل_اسود..ج4
فيه كلمتين مضمونهم قوى جداً لكن بيمروا علينا مرور الكرام هما، المُحن والكُهن، هما اساس الحياة اللى احنا عايشينها، انِك كبنت تكوني ممحونة او كهينة ده بيعنى نجاحك فى الحالتين، اه ممكن تخرجي عن دينك او عاداتك وتقاليدك يخليكى منبوذة من المجتمع ومن اهلك ، لكن ساعتها النجاح بس هو اللى هيهمك، انا بنت على اخين عماد وياسر، بابا راجل اعمال بيسافر كتير علشان شغله وماما مدرسة انجليزى فى مدرسة انترناشيونال واغلبية وقتها بره بتدى دروس للطلبة واغلبهم من الاجانب، وكانت مخصصة وقت لبعض الدروس عندنا فى البيت، سموني منيرة على اسم والدة بابا، لانه كان بيحبها جدا وماتت قبل ولادتى بيوم، انا عايقة اوى فى نفسي وشايفة جمالى حبتين، ممكن متكسفش لو قولت على نفسي مسهوكة او حتى لو زى ماانتوا بتحبوا تقولوها بنت شمال. القصة للكاتب مصطفى مجدى
فى الاول انا مكنتش كده، بس يمكن علشان كل مابكبر وسط عيلة تقريبا متعرفش اى حاجة عن الدين غير انها ممكن تسمع الاذان صدفة، واحيانا تنسى توطي الصوت، فبزيد فى الانفتاح وحب الحياة والدلع اكتر من الاستقامة وانى اتجوز وابني بيت وابقى محترمة والجو ده.
عماد اخويا اكبر مني ب3 سنين وياسر ب5 سنين، هما كمان انا شايفه انهم منفتحين، يعنى تقريبا ماشوفتش واحد فيهم راح صلى الجمعه بالغلط حتى، حتى اصحابهم زيهم. القصة للكاتب مصطفى مجدى
ولان بابا طول اليوم بره كلنا بنعمل اللى احنا عايزينه سواء من وراهم او حتى قدامهم وبيعملوا مش شايفين، يعنى مثلا ماما متقدرش تقولى البسي كذا او متلبسيش كذا او حتى متلبسيش عريان او ضيق بالدرجة دى، لان كل تلاميذها اغلبهم جنسيات تانية وملحدين، وانا بصراحة بحس براحة نفسية لما بشوف الشباب وانا ماشية فى الشارع وعنيهم بتاكل كل حتة فى جسمي، بحس بالانتصار وهما نفسهم يلمسونى وعينيهم هتطلع عليا ومش قادرين.
واكتر ناس بحب استفذهم، مُدعين التدين، اللى بيربوا اللحية عياقة علشان يفتحوا اى محل او شركة والناس تشتري من عندهم بحجة انهم عارفين ربنا. القصة للكاتب مصطفى مجدى
عماد اخويا وسيم حبتين، كان بيصاحب بنات كتير وبيبقى عايز يجيبهم البيت عندنا علشان يقعدوا على راحتهم، فكان مظبط معايا الموضوع، هو يجيب البنات البيت وانا اقول عليهم اصحابي، ووقت مايجيب واحدة صاحبته البيت، اقفل عليهم الاوضة واسيبهم يقعدوا براحتهم، كنوع من المساعدة، وكمان علشان ميجيش فى يوم يخنقنى ويعمل عليا راجل.
كانوا بيعملوا زمان حفلات لعبدة الشيطان ، كنت بسمع عنها انها بتتعمل فى قصور مهجورة وبيوت واسعة ومتسكنتش بقالها مُدة كبيرة ، كنت فى الاول بشمئز منهم زى اى حد طبيعى ، لكن مع مرور الوقت وشوفت حفلات الهالوين فى مدرستنا الانترناشيونال ، لقيت ان الفكرة قريبة جدًا من موضوع حفلات عبدة الشيطان ، وبدأت ادور عليهم ، روحت علشان الاقيهم كباريهات كتير ، ومجالس قُمار ، وكنت محافظة على نفسي كبنت ، وبعد فترة من التدوير ، اتقابلت ببنت شمال كانت بتروح تشقط الرجالة العرب من الكباريهات ، اسمها اميرة ، سمعت عنها انها الفترة اللى فاتت اتعرضت لحاجات غريبة وكنت عايزة اروح اسال عليها ، ده حتى عنوانها معايا فى الشنطة لحد دلوقتى ، لما قابلتها اول ما لمحتنى قاعدة على الترابيزة وبدور على حاجة مش لاقياها ، جت قعدت معايا وقالتلى: القصة للكاتب مصطفى مجدى
= انتى جديدة فى الكار ؟ وعايزة تشقطى رجالة ومش عارفة ، صح ؟
.. لا خالص ، انا مش محتاجة فلوس علشان اشقط رجالة يدفعولى
= ماهو احيانًا يااختى بيكون مزاج ، اكتر منه حوجة
.. لا الموضوع مش كده
= امال الموضوع ايه؟ ، عرفيني يمكن اقدر اساعدك ؟ انا قديمة فى الكار ده واقدر افيدك بسهولة
.. تعرفى حاجة عن عبدة الشياطين ؟
= استغفر الله العظيم يارب ، ياستار ، احنا شمال اه بس موصلناش للدرجة دى ، الا الكُفر
.. انا مش هعبد الشيطان ومش هكفر واكون زيهم ، انا بس عايزة اشوف بيعملوا ايه وفين ، عندى فضول هيقتلنى
= بصى بقى انتى واحدة من الاتنين ، يااما واحدة فاضية ورايقة والفلوس محيراكى وهتجننك ، يااما انتى الحكومة مجنداكى ومشغلاكي مُخبر وهتضيعينا كلنا ، انا ماليش دعوة بيكي انا ماشية
.. استنى بس متخافيش ، انا سمعت ان فيه هنا واحد اسمه د/ عادل ، ده بيروح حفلات عبدة الشيطان علشان يعملهم الندبات والحاجات اللى فى وشهم وجسمهم وكمان يلحقهم لو حد فيهم حصله حاجة ، انا بقى عايزاه واكيد هو عنده الطريق
= د/ عادل بتاع الاجهاض
.. ايوة ايوة هو ده
= انا مستنياه علشان اظبط معاه يوم ، لانى عايزة انزل اللى فى بطنى ده ، كل شوية بيغير عنوان علشان الحكومة ، عموما هحاول اوصله واديهولك ، اصبرى
متأخرتش اميرة كتير وكانت جاية وفى ايديها الورقة وقالتلى : احفظى كلمة السر دى علشان لما تشوفيه تقوليهاله يعرف انك تبعنا
.. هي ايه؟؟
= افتح انا الشر!
...........
يتبع
الشير مهم جدا لرفع مستوى وصول البوست عندك، فضلا اعمله
بلاش تروح النار وانت بتسرق قصتى ، لو عجبتك اعملها شير او انقلها وحط اسمي "مصطفى مجدى" صدقنى مش هتخسر
لايك وكومنت علشان يوصلك الجزء التالى بكرة ان شاء الله
روايتى الجديدة "ضريح الفتاة المجمدة" معرض الكتاب2020
#افتح_انا_الشر_مصطفى_مجدى
#حمل_اسود4 #حمل_اسود #مصطفى_مجدى
