الحلقة السادسة.... افتح انا الشر"للكبار فقط"
#سلسلة_حمل_اسود..ج4
الحلقة لو وصلت ل 1000شير هنزل جزء تانى بليل😘✋
طلعت فوق وانا عمالة اجُر فى رجلي ، ماجر ليه هيبة غير عادية ، هو شكله وسيم لكن فى نفس الوقت شخصيته جامدة جدًا ، خاصة انه قدر يسيطر على كم البشر اللى انا شوفته فى الفيلا ده ، دخلت انا وهو غرفة فيها مكتب بتاعه محطوط عليه كتاب ولمبة وشوية علامات وورق متفرط باين اوى انه قديم جدًا ، وسرير كبير وبرطمان ضخم فيه كائن غريب .
لما دخلت الاوضة قعدت اتفرج على اللى فيها وهو قاعد على مكتبه ومُبتسم ، قربت من البرطمان ودققت فيه لقيت جواه اشبه بكائن حيوان ، لكن لسه لحمة حمرا يعنى كأنه جنين لسه فى بطن امه زى اللى بنشوفه فى السونار، ولما ركزت اكتر فتح عينه وكانت حمرا بلون الدم وصرخ فيا ، بعدت عن البرطمان بسرعة ووقعت على الارض من الخضة ، لكن مسكت نفسي وقومت قعدت على السرير ، بصلى ماجر ولسه الابتسامة على وشه ، وقالى:
القصة للكاتب مصطفى مجدى
.. ازيك يامنيرة
= كويسة
.. مش المفروض لما تدخلى لملكك تركعى قدامه الاول قبل الدخول؟
= انا ، انا ، اسفة ، معرفش ..
.. متخافيش انا عارف انك لسه جديدة ومتعرفيش الطقوس كويس ، والطقوس بتاعتنا دى كلها مبقتش تخصك دلوقتى ، انتى هيبقى ليكي طقوس تانية خالص
= طقوس ايه ؟
.. ايه احلامك فى الحياة؟ تحبي تعيشي اد ايه ؟ ولو عندك مٌلك تحبي يوصل لحد فين؟
= انا ، بحلم ، بـــ
.. ممكن انا احرقلك الاحداث واقولك بتحلمي تعيشي اد ايه وتحبي مُلكك يوصل لحد فين ، بتحلمى تعيشي على طول بدليل انك عايزة تستغلى كل دقيقة من حياتك فى مُتعتك ، واكيد انسانة بالانانية دى لازم تكون طماعة يعنى عايزة مُلكك يمتد من شرق الدنيا لغربها ، لو عايزة كده مُتاح قُدامك وتحت رجلِك
القصة للكاتب مصطفى مجدى
= ازاى؟
.. تسلميلي نفسك دلوقتى وتعلنى ليا الولاء
= انا موافقة
.. يبقى هتعملى حالا كل اللى هقولك عليه ، خشى الحمام و اقلعي واغسلي نفسك من المياه اللى هتلاقيها فى البانيو جوه واخرجيلي زى ماانتى
دخلت الحمام وقلعت هدومى وبصيت على البانيو لقيت المياه سودا جدًا وفيها ورق متقطع وحروف وارقام غريبة وتشبه لحد كبير الارقام والرموز اللى على جسم ماجر ، ورغم قرفي الشديد من المياه الا ان التجربة خلتنى اغسل جسمي بيها ، المياه كانت باردة ولما حطيتها على جسمى العلامة اللى فى بطنى من تحت ادت اشارة وضوء احمر ، قعدت فى البانيو علشان اخلى المياه توصل لجسمي كله ، حسيت بحاجة اتسرسبت ودخلت جوايا من تحت ، جسمى كله اتنفض ، وبقى بيترعش ، قومت من البانيو بسرعة وخرجت على بره ، ماجر كان قاعد زى ماهو على المكتب ، بصلى وبابتسامته المعتادة قالى :
القصة للكاتب مصطفى مجدى
= المياه اللى نزلتى فيها دى ، عبارة عن مياه جوفيه مركونة من سنين ، وبيستخدمها السحرة فى الاعمال السفلية ، علشان بيحطوا التعويذات والاعمال والاحجبة فيها لحد ماتدوب ، علشان محدش يقدر يطلع السحربتاعهم تانى ، دلوقتى اركعى قدامى
ركعت قدامه وحط ايده على راسى وبدأ ينطق فى كلام وكلام غريب مفهتموش ، جسمي سخن جدًا ، حسيت ان جلد وشي بيقع من الحرارة ، قلبي حسيته بيقف وكأن روحى بتطلع ، ايدى ازرقت وجسمي كرمش وفيه شوية من شعرى وقعوا على الارض شدنى جامد عليه وقلع هدومه ونام معايا بطريقة غريبة جدًا ومُحرمة ، كان فيه وجع شديد لكن راح على طول وبعد ماخلصنا قالى:
= روحى كده اقفى قدام الكائن ده تانى
روحت وقفت قدامه ، وقربت من البرطمان ، فتح عينه وكان عمال يتمسح فى البرطمان وكأنه عايز يخرجلى يتمسح فيا
ابتسم ماجر، ومسك الكتاب اللى على مكتبه وفتحه على صفحة معينة فيها رسمة ايد وقالى:
= تعالى هنا يامنيرة ، حطى ايدك وقولى ورايا
حطيت ايدى مكان الايد اللى فى الكتاب وقولت ورا ماجر الكلام اللى كان بيقولهولى وفى لحظة لقيت مكان رسمة الايد اللى فى الكتاب اختفت
ماجر بصلى وحضنى وكان طاير من الفرحة ، وقالى:
.. مبروك يامنيرة ، ياحوت قبل انك تكونى واحدة من الفريق
= مين ياحوت؟
.. اله الموت والحياة والجنس الاغريقي ، هو ده اللى هنرجعه للحياة .....
يتبع
الشير مهم جدا لرفع مستوى وصول البوست عندك، فضلا اعمله
بلاش تروح النار وانت بتسرق قصتى ، لو عجبتك اعملها شير او انقلها وحط اسمي "مصطفى مجدى" صدقنى مش هتخسر
لايك وكومنت علشان يوصلك الجزء التالى بكرة ان شاء الله
روايتى الجديدة "ضريح الفتاة المجمدة" معرض الكتاب2020
#افتح_انا_الشر_مصطفى_مجدى
#حمل_اسود4 #حمل_اسود #مصطفى_مجدى
