الحلقة الثامنة.... افتح انا الشر"للكبار فقط"
#سلسلة_حمل_اسود..ج4
احدث اعمالى رواية "ضريح الفتاة المجمدة" ستصدر ابتداءا من معرض القاهرة للكتاب ان شاءالله
الحلقة لو وصلت ل 1000شير هنزل جزء تانى بليل😘✋
البيت كله بقى فى حالة من الهلع لما عرفه اللى حصل لياسر والمرض اللى جاله ، وطبعًا اتعزل فى مستشفى الحميات وبقينا بنسأل عليه من الوقت للتانى ، بابا وماما اتبروا منه ، وهو كمان مسكتش ولا كان حاسس بالندم ، كان بيتهمهم بالتقصير فى تربيته وانهم السبب للى هو وصله ، اخويا عماد اختفى ومنعرفش عنه اي حاجة ، وبابا قلب الدنيا عليه علشان يلاقيه ومقدرش يوصل لحاجة ، لحد ماجه اليوم اللى لقينا التليفون بيرن وحد بيبلغنا ان عماد فى المستشفى العام باسيوط ومعرفش ايه اللى سفره كل المسافة دى ، وبين الحياة والموت
القصة للكاتب مصطفى مجدى
سافرت انا وبابا وماما لاسيوط وهناك اتصدمنا كلنا لما عرفنا ان عماد كمان عنده الايدز وكان هربان الفترة اللى فاتت علشان محدش يحجزه فى المستشفى ، واللى صدمنا اكتر لما عرفنا من الدكتور ان عماد مكنش بيمارس الجنس مع بنات بس ، لأ ده كمان شاذ وكان بيمارس الجنس مع الرجالة .
لما رجعنا من اسيوط ، علاقة البيت ببعده تقريبًا بقت شبه مٌفككة ، ولا بابا بيكلم ماما ولا بيقعد فى البيت اصلا ولا ماما كذلك وكل واحد محمل التانى اللى حصل فى الولدين ، انا مكنتش متأثرة بالموضوع اوى لأني فاكرة كويس كلام ماجر لما قالى ان كل اهلى هيموتوا ولازم ميكونش في حد من عندى موجود وانه هيتولى امر الموضوع ده .
القصة للكاتب مصطفى مجدى
مبقتش اناطح مع بابا وماما فى الكلام كتير لانى عارفة ان ايام عمرهم فى الدنيا معدودة ، انا مش زعلانة على حد فيهم لانى عارفة ان طموحى ابعد منهم وهما كمان انا شايفة انهم مقدموش اى جديد فى حياتى ولا قربوا مني ولا حاولوا يعدلوا حتى من تفكيرى ومن سلوكى ، كل حاجة عندنا كانت مُتاحة ، هما عاشوا حياتهم ومهتموش بينا وانا كمان شايفة ان من حقى جدًا انى اعيش حياتى ومهتمش بيهم.
فى وسط دوشة حياتى دى روحت البيت اللى ساكنة فيه اميرة وقعدت اخبط عليها مردتش عليا ، سألت عليها واحد من الشارع لان تليفونها كان مقفول ومش عارفة اوصلها ، وقالى:
القصة للكاتب مصطفى مجدى
= استاذة اميرة اللهم احفظنا كانت ملبوسة وواحد جارنا ابن حلال هو اللى لحقها والحمد لله دلوقتى بقت احسن ، بس ياعيني مكتئبة ، ولا بتفتح الباب لحد ولا بتكلم حد ، كل اللى بتعمله على السمع انها فوق بتصلى وبتصوم ويادوب تنزل تجيب الاكل والشرب وتطلع تانى
.. طب انا لو حبيت اوصلها اعمل ايه ؟
= مش عارف ياانسة والله ، حاولى تيجي تبصي عليها من الوقت للتانى لعل وعسى احوالها تتغير، شكل المنطقة كلها ملبوسة والله ياانسة
.. ليه حضرتك بتقول كده؟ هو حصل حاجة تانى ؟
= ده حصل وحصل وحصل ، الفيلا اللى قدام حضرتك دى ، بيقولوا اللهم احفظنا فيها شجرة فى نص الجنينة كل ماغصن يقع حد يموت ، لحد دلوقتى مات تلت اربع العيلة مفيش غير الاستاذة سميرة هي اللى بتنفد بجلدها ، ربنا يسترها علينا
القصة للكاتب مصطفى مجدى
.. ممكن تشاولى عليها ؟
= اهي اللى لابسه بادى مفتوح هناك دى
سميرة فضلت باصة عليا من شباك الفيلا وكأننا فاهمة اننا بنتكلم عليها ، مشيت وروحت على البيت ولقيت رقم غريب بيتصل بيا ، فتحت
= الو
.. انا حبيبك ، هستناكى النهاردة بليل هيعدى عليكى الدكتور فى نفس المكان وهياخدك
= ماشي يا..
ملحقتش اقول سلام ، السكة اتقفلت وفعلا لبست اسود فى اسود ونزلت الساعة 9 بليل من غير حتى مااقول لماما وبابا ووقفت فى المكان اللى استنيت دكتور عادل المرة اللى فاتت فيه ، في طريق السويس ، لكن دكتور عادل مكنش موجود ، حد تانى هو اللى جه وخدنى واول ماوصلنا هناك مكنش فيه حفلة ولا اى حاجة ، دخلت فى الاوضة بتاعة ماجرمكنش قاعد لوحده ، اول مادخلت شاورلى انى اقعد وكان فاتح الكتاب على صفحة فيها ايد تانية وسمعت صوت واحدة بتستحمى فى الحمام ، قعدت مترقبة ومستنية اشوف مين الست التانية اللى اختاروها علشان الشعائر تبقى كاملة ، لقيت واحدة طالعة من الحمام من غير هدوم بصيت عليها من تحت لفوق ، في بالى قولت الجسم ده مش غريب عليا ، وبقيت فى ذهول لما شوفتها!!!!
يتبع
الشير مهم جدا لرفع مستوى وصول البوست عندك، فضلا اعمله
بلاش تروح النار وانت بتسرق قصتى ، لو عجبتك اعملها شير او انقلها وحط اسمي "مصطفى مجدى" صدقنى مش هتخسر
لايك وكومنت علشان يوصلك الجزء التالى بكرة ان شاء الله
روايتى الجديدة "ضريح الفتاة المجمدة" معرض الكتاب2020
#افتح_انا_الشر_مصطفى_مجدى
#حمل_اسود4 #حمل_اسود #مصطفى_مجدى
