نجمة والخلخال

part3

صباحكم وطن 😔

نجمة والخلخال
ج 2

كتله عليك الله
كال شبيح والله
ابوج فوك بغرفه كاعد بس انتي شسوين صعدي بسرعه
اخر غرفه من جهه اليمنى ابوج هنا

فدوة عمو انت تعرفه لابويه

التلفت
جان الشارع يروش عالم جهال ونسوان بلباب كاعدة

كال هسة انتي مو تردين ابوج

كتله اي والله
اي اني ادليج لا تحسبين

الي ويا مشى كدامه بس جان يعرج بمشيته..
كلي يلا روحي

مشيت
والي مشاني فرحه وشوك لابويه
يمكن سويت الطرف شبختين بس اريد اوصل
بس قبل لا اوصل الرجال الي يعرج طب
وهذا الثاني يمشي ورايه..

شويه قلبي نغزني وهاي بسعاد كامت تبجي
ثولتني..
بجيها
باخر الدربونه ماكو شي بيت وبس

انداريت عليه
كتله عمو ياهو منهم ابويه بي..

اجه عليه سريع
انتبهت ع ملامح وجهه الشوارب ثخينه ومغطيه حلكه
و عندة طبرة بنص خدة ماشية لحد حنجة
خنزر علية وكال شكد لحيتي..
كتلج هذا البيت اصعدي وشوفي ابوج
بهالاثناء
انلزمت ايدي لزمه قويه وياها جرة
اندريت
شفت نفس الولد الطالب

كال..
امشي منا
بقيت خايفه ماعرف هنوب هذا عصر ايدي عصر
زادت بجيها بسعاد..

الرجال كلة منو انت
الولد كال ومنو انت هاي بنت عمتي شتريد منها
جارها للنزل هاا
الرجال..

راسا جر من ايدة موس طويل
وفتح ايدة يلا ولك كتكوت جر منا لا اشرحك
واخلي دمك بطولك
اني بقيت عين ع الولد وعين ع الرجال

الولد جرني من ايدي حيل ومشى

كال انتي غبيه تعرفين ذولي منو
هد ايدي وانت شعليك بيه
دمشي..
داكولك هد ايدي احسن

شو هذا يعت بيه عت عبالك خركه
لحد ما وصلني لراس الدرب

كال تعرفي
كتله لا بس ديشوفني ابويه

ولج ياابوج.. ذولي ابهاتهم ميعرفوهم منو منو هنوب ابوج

كال دروحي لبيتكم يلا ذولي مجرمين خاوة شقاوة
تفتهمين لو لا

تخوصرت اله لا بالله وانت شعليك وصي عليه وتكولي روحي
ابتسم

كال ايبااه فوكاها لسانج طويل مو صوجج صوجي اني
روحي ارجعي الهم هسة يشرحوج تشرح

درووحي رجعي لبيتكم.. يلا

والله ماروح وعيوني طكن دمع اريد ابويه

انتي ع منو ادورين

ادور ع ابويه..
متو ابوج..

ابويه ابو نجمه جعفر الكصاب..