نجمة والخلخال

part4

صباحكم ياس

نجمة والخلخال
تنويه تم تغير اسم سميرة الى مرمر بسبب مكرر
بالقصصي السابقه
ج 4

ابويه ابتسم.. كال اي هاي مثل امكم
سمرمر صيحولها باجي

راحت شبكت ايدة

وكالت يااا اسدي انت وتاج راسي من فوك انت وبناتك وابنك بنص عيوني..
اخليهم..

احنا وحدة تباوع ع الثانيه هاي شجاي تحجي
اندار ع هديه.. عاوجه حلكها وتباع الهم صفح
رضوة رجعت طبت بالغرفه

ابويه..
يلا بابا سون الريوك خلي نتريك
بعد مرمر مثل خالتكم او امكم
ذبيت العبايه واني
وحدة  تباوع ع الثانيه..
صدك مرمر..

من جمالها الشعر يم جتفها احمر دم
والحنه بالرجلين..
والاصابع محنايات

هديه وكفت بصفي كالت حقه ابويه ازوج

وعلت حسها

يابه امي اظن ميته مو مال ادخل النا مرتك مزوكه

ع الاقل ٤٠ يوم تحترم امنا

وكامت تبجي

ميصير هيج انت تسوي بيها حرام عليك

اني تشجعت من يمي

وكتله اي يابه ميصير هاي امنا

سودة عليه.. مرتك وابنك الي بطنها مات

يعني بالجذب ما اخذت من خاطرنا..

ابويه بقى ساكت
اما مرمر بسرعه كالت
اني كتله لابوكم البس اسود بس كال بناتي فقيرات
ميحجن
حبيباتي الله يرحم امكم واخوكم
ويصبركم ع فراكها واني مو من اليوم اعرف ابوكم صار مدة اعرفه واعرف شكد جان يحب امجن
الله يرحمها..

اني راح ادخل وابدل ملابسي وميكون خاطرجن الا طيب
واجت من جديد بوستنه
واخذت من خاطرنا
ضلت بالحوش وين  تفتر
متعرف ياغرفه تدخل

ابويه اشر الها ع غرفه امي..

ركضت ووكفت بوجهه لا يابه هالغرفه راح تبقى مثل. ما هي ريحه امنا بيها
والحوش مليان غرف اخذو غرفتنا واحنا نصعد فوك مو مهم..

ابويه اخذ حسرة..

وسكت..
ومشى ويا مرمر وطببها بالغرفه مالتنا جانو الجهال نايمين

هديه كالت شفتيها.. ولج هاي عرمه
ولج هاي امي ىحقها من جانت تاويه ابويه
لان تعرفه مو الها
حقها من تعير بي ولج ماصبر اربعينها يطلع

وعافتني ومشت طبت للمطبخ

ورة شويه طلعت لابسه دشداشة نيلي طوخخ

كالت هاي بين ما اكص والبس
لا تزعلون مني الام غالية ماكو اغلى منها..

يلا نتريك ميته جوع وابتسمت لابويه..