نجمة والخلخال

part6

صباح الرحمة

جمعة مباركه

نجمة والخلخال
ج 6

كال تساليني ع حالي وشلوني..

ابتسم..
ويباوع ع بيتنا.
اني جووة نجمه وانتي فوك
اني ع كد حالي

وراح

بقيت واكفة.. وشفتة عبر الدجة وراح..

انقهرت حييل انمردت مرد ع حجايته..
وطبيت بسرعة..

شفت ابويه ديطلع كال بابا نجمة ودي ذني لبيت خالج
وبايدة جيس كليجة.
وجيبي اخوج واختج وتعالي
ومن ترجعين مري ع المحل خلي شهاب يمي
اريد احلقه..

كتله خوش يابه..

رغم مغثوثه وممرودة ع وليد ونضرة عيونه حجاها بكسرة..

يعني بهذا عقلي اني اميل اله.
بس كون هو يجي يكعد يمنا ياربي وتالي اضل هيج افكر بي لليل نهار

زين هو ليش جان يلحكني وتغزل بيه واتغير
ابويه كال يلا يابه
امشي ويايه..
مشيت..
وجنت اهيج ما احس بلي يمي ولا داشوف احد
افكر بوليد

وكل شويه صورته وملامحه تجي ابالي
عيونه شعرة
شواربه
يالله هاي شجاني..
فزيت ع صوت جهال.. وخرري من يمنا..
انتبهت فتت بنص الدعبال مالتهم واني افكر بي.

اباوع اصلا اني عبرت بيت خالي ياربي.

رجعت..
ووصلت للباب..
وطبيت بي.. صارو بوجهي جنانين خالي..

خالي بيته بعد اكبر من بيتنا..

وطابقين وكله مسوي نثر وسيراميك

خال امي هم.. شغلته كصابه.. بس محلاته بايد ولدة
وهو كاعد بالمذبح..

عندة اربع ولد كبار واربعتهم مزوجين
وبنات هم ومزوجات يعني باقيات الجناين بلبيت
وخالي ومرته..

سلمت عليهم..
وكتلهم هاي كليجه ع روح امي..

خالتي سندس. وين
كالت تعالي ادخلي خالتج طالعه والله بزيارة
وين؟

كالت الدرب كله راح لگرزدين..

ها زين..
قاطعتني والبنات راحن لاهلن وبس اني بلبيت تعالي يمي..

باوعت بلبيت لا موجود شهاب ولا هدية.
عزة وينهم ..

كتلها هاا زين ما مرت الكم هدية..

كالت لا والله ليش شكو.

كتلها لا ماكو شي بس شهاب كام يبجي وكتلها ودي يم خالتي سندس الظاهر اشترت اله وفرته بالدرب

كالت صدك نجمة.. هاي شلونها وياكم.

مرمر

كتلها زينه مابيها شي والله